| e-texts navigator |
| Wylie |
149a1 སྒྲོག་མ། །དེ་དག་རྣམ་པར་བསྒོམ་པར་བྱ། །སེར་དང་དམར་དང་དེ་བཞིན་ལྗང་། །ཁ་དོག་སྔོན་པོ་དབྱེ་བ་ཉིད། །མཁས་པས་འདི་ལྟར་བསྒོམ་པར་བྱ། །དེ་བཞིན་སྔགས་འདི་དག་ཀྱང་བཟླས། །ོཾ་ཕུཿཛཿ། ཐོ་བ་ལ་སོགས་སྒོ་རུ་དགོད། །མེ་ཏོག་ལ་སོགས
149a2 མཚམས་སུ་དགོད། །ཛ~ཾ་གུ་ལི་ཡི་སྦྱོར་བ་ཡིས། །ཆུ་ཡི་སྟེང་ནས་རྟག་ཏུ་འགྲོ། །ཀུ་རུ་ཀུལླེ་རབ་སྒྲུབ་ཐབས། །དེ་ནས་ཡང་དག་བཤད་པར་བྱ། །གང་གིས་བསྒོམས་པ་ཙམ་གྱིས་ནི། །ཀླུ་ཡི་བུ་མོ་རབ་འགུགས་པ། །ཁ་དོག་དམར་པོ་ཞལ་བཞི་པ། །ཕྱག་བརྒྱད་དང
149a3 ནི་རབ་ཏུ་ལྡན། །ཧྲཱིཿཡི་ས་བོན་ལས་བྱུང་བས། །ཀླུ་ནི་འགུགས་པར་བྱེད་པ་ཡིན། །ཕྱག་བརྒྱད་དུ་ནི་ཀླུ་དགོད་དེ། །མཐའ་ཡས་ལ་སོགས་ཀླུ་རིགས་བརྒྱད། །ལུས་ནི་སྦྲུལ་གྱིས་རབ་ཏུ་བརྒྱན། །བརྟུལ་ཞུགས་ཅན་གྱིས་མཛེས་མ་བསྒོམ། །སྔགས་ནི་ཨོཾ་ཀུ་རུ
149a4 ཀུལླེ་ཧྲཱིཿཕུཿསྭཱ་ཧཱ། དེ་ནས་གསང་བ་བཤད་པར་བྱ། །བསྡུས་ནས་ཡིན་གྱི་རྒྱས་པ་མིན། །གང་ཞིག་ཤེས་པ་ཙམ་གྱིས་ནི། །ལྷ་ཡི་བུ་མོ་འགུགས་བྱེད་པ། །ཕྱག་གཉིས་པ་ལ་ཞལ་གཅིག་སྟེ། །ཕྱག་ན་མདའ་དང་གཞུ་བསྣམས་པ། །ལུས་ནི་སེར་པོ་ཆེན་པོ་ཡི། །
149a5 རྡོ་རྗེ་ལུས་མེད་བསྒོམ་པར་བྱ། །ཤར་དུ་དགའ་མ་བསྒོམ་པར་བྱ། །ལྷོ་རུ་འདོད་པས་མཛེས་མ་བསྒོམ། །ནུབ་ཏུ་འདོད་པའི་ལྷ་མོ་བསྒོམ། །བྱང་དུ་འདོད་པའི་ལྕགས་ཀྱུའོ། །འདོད་པའི་ལྷ་མོ་ཐམས་ཅད་ཀྱི། །ཕྱག་ཏུ་མདའ་དང་གཞུ་བསྒོམ་བྱ། །སེར་དང་དམར་དང་དེ
149a6 བཞིན་ལྗང་། །དམར་སྐྱ་དག་ནི་བསྒོམ་པར་བྱ། །མཚམས་རྣམས་སུ་ནི་རྟག་དགོད་པ། །མི་འགག་དེ་བཞིན་མཚམས་ཀྱི་བདག་།གཡི་དང་སྤྲེའུའི་རྒྱལ་མཚན་ནི། །སྒོ་ཡི་ཕྱོགས་ཀྱི་བཤད་པར་བྱ། །འདོད་པ་འགྱིང་དང་འགྱིང་བག་ཅན། །དྲན་དང་དེ་བཞིན་མདའ
149a7 གྲི་ཅན། །ལྷ་རྣམས་དེ་དག་ཐམས་ཅད་ཀྱི། །དབུ་ལ་གཤིན་རྗེའི་གཤེད་པོ་བསྒོམ། །བུད་མེད་ཀྱི་ནི་པདྨ་རུ། །རྡོ་རྗེ་ལུས་མེད་བསྒོམ་པར་བྱ། །ཡི་གེ་ཧྲཱིཿལས་ཡང་དག་བྱུང་། །ཀུན་ཏུ་འཁོར་བར་རྣམ་པར་འཕྲོ། །བསླུས་ཤིང་གཡེངས་པ་བསྒོམ་པར་བྱ། །མྱོས
iiif viewer powered by OpenSeadragon
