| e-texts navigator |
| Wylie |
148b1 ཞགས་པ་ཐོ་བ་མདའ་དག་དང་། །བརྟུལ་ཞུགས་ཅན་གྱིས་གཞུ་བཅས་བསྒོམ། །ོཾ་པུཀྐ་སཱི་ཨཾ་ཞེས་སྔགས་བརྗོད་དོ། །འཇམ་པའི་རྡོ་རྗེའི་དཀྱིལ་འཁོར་ནི། །དེ་ནས་ཡང་དག་བཤད་བྱ་བ། །དེ་ཡི་མོད་ལ་མི་སྣང་བར། །འཇམ་པའི་རྡོ་རྗེ་གྲགས་འགྱུར་བ། །འབར
148b2 བའི་གསེར་འོད་འདྲ་བ་ཡི། །སེར་པོ་ཞལ་གསུམ་ཕྱག་དྲུག་པ། །གཞོན་ནུའི་གཟུགས་ནི་འཛིན་པའི་མགོན། །མི་མཐོང་བྱ་བའི་དོན་དུ་བསྒོམ། །ཤར་དུ་མཛེས་མ་དགོད་པར་བྱ། །དེ་བཞིན་ལྷོ་རུ་སྐྲ་ཅན་མ། །ནུབ་ཏུ་སེར་པོ་བསྒོམ་པར་བྱ། །བྱང་དུ་ཉེ་བའི་སྐྲ་ཅན་མ། །
148b3 ཐམས་ཅད་ཕྱག་ན་རལ་གྲི་དང་། །འཁོར་ལོ་ལ་སོགས་གཞན་ལ་དགོད། །ཐམས་ཅད་ཞལ་གསུམ་ཕྱག་དྲུག་པ། །སྣ་ཚོགས་རྒྱན་གྱིས་བརྒྱན་པའོ། །ས་བོན་ཡི་གེ་མཾ་ལས་བྱུང་། །དཀྱིལ་འཁོར་གྱི་ནི་དབུས་ན་བཞུགས། །ཐམས་ཅད་ཞབས་ནི་གཡོན་བརྐྱང་བས། །རི་བོང
148b4 ཅན་གྱི་གདན་ལ་བཞུགས། །འོད་ཟེར་ཅན་དང་རི་ཁྲོད་མ། །དེ་བཞིན་ནོར་འཛིན་སྐུལ་བྱེད་མ། །མེ་ལ་སོགས་པའི་མཚམས་བཞི་རུ། །བསྡུས་པ་དགོད་བྱ་སྙིང་པོ་ལའོ། །མྱ་ངན་མེད་དང་ཡལ་འདབ་དང་། །འབྲས་ཀྱི་སྙེ་མ་དབྱིག་པའོ། །སེར་དང་ལྗང་དང་ཡང་སེར་པོ། །
148b5 དཀར་པོའི་ལུས་ནི་བསྒོམ་པར་བྱ། །ཀུན་ཀྱང་ཞལ་གསུམ་ཕྱག་དྲུག་པ། །དཀྱིལ་འཁོར་དག་ཏུ་གདབ་པར་བྱ། །ཐོ་བ་ལ་སོགས་སྒོ་བ་བཞི། །བསྒོམས་ན་མཐོང་བར་མི་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེའི་གཤེད་ནག་པོའི
148b6 རྒྱུད་ལས་འཇམ་པའི་རྡོ་རྗེ་སྒྲུབ་པའི་ཐབས་ཞེས་བྱ་སྟེ་རིམ་པར་ཕྱེ་བ་བཅུ་བཞི་པའོ། ། །།འཕགས་པ་ཛི་གུ་ལིའི་སྒྲུབ་ཐབས། །དེ་ནས་ཡང་དག་བཤད་པར་བྱ། །གང་ཞིག་བསྒོམ་པ་ཙམ་གྱིས་ནི། །ཆུ་ཡི་སྟེང་ནས་འགྲོ་འགྱུར་བ། །སེར་པོ་ཞལ་གསུམ་ཕྱག་དྲུག་པ། །
148b7 ས་བོན་ཕུཿལས་ཡང་དག་བྱུང་། །སྐུ་ཆེན་ཕྱག་ན་སྦྲུལ་བསྣམས་པ། །རྨ་བྱ་ལ་ནི་ཞོན་པ་དགོད། །ཤར་དུ་རྨ་བྱ་དགོད་པར་བྱ། །དེ་བཞིན་ལྷོ་རུ་ཁྲོ་གཉེར་ཅན། །ནུབ་ཏུ་རི་ཁྲོད་ལོ་མ་ཅན། །བྱང་དུ་རྡོ་རྗེ་ལྕགས་སྒྲོག་མ། །རྨ་བྱའི་སྒྲོ་དང་སྤྱི་བླུགས་དང་། །ལོ་མ་དང་ནི་ལྕགས
iiif viewer powered by OpenSeadragon
