| e-texts navigator |
| Wylie |
148a1 མཚལ་གྱིས་སོ། །དེ་ལ་བིལ་བའི་སྙིང་པོ་བཞག་།ཧ་ཅང་ཉུང་དང་མང་བ་མིན། །མང་ན་ནག་པོར་འགྱུར་བ་སྟེ། །ཉུང་ན་དེ་བཞིན་འཐུལ་བར་འགྱུར། །གཟུགས་ནི་ཁྲོ་དང་ཞི་བའོ། །མཚན་ཉིད་དག་ནི་བཤད་པར་བྱ། །རོལ་བ་ཞི་བར་གསུངས
148a2 པ་སྟེ། །ཁྲོ་བོ་སྦོམ་ལ་ཐུང་བར་བཤད། །སྣ་ནི་སོར་བཞི་བྱ་བ་སྟེ། །དཔྲལ་བ་ཀོས་ཀོ་མཆུ་དེ་བཞིན། །མགྲིན་པ་འགྲམ་པ་དེ་བཞིན་མཚན། །སོར་བཞི་དག་ཏུ་བྱ་བ་ཡིན། །ཉི་ཤུ་རྩ་བཞི་ལག་པ་ལ། །གྱེན་དུ་སོར་ནི་ཉི་ཤུ་ཡིན། །ལག་པ་རྐང་པ་གདོང་ཇི་ལྟར། །མིག
148a3 ནི་མཐེ་བོང་གང་ཙམ་སྟེ། །རྣ་བ་གཉིས་ལ་སོར་གཉིས་བསྒྲགས། །འབྲས་བུ་གཉིས་ལ་དེ་བཞིན་བཞི། །མཆུ་ནི་སོར་གཉིས་བསྡོམས་པའོ། །ལྟེ་བ་སོར་གཅིག་ཟབ་པ་ཡིན། །ལུས་ནི་མགྲིན་པ་བོར་བ་ཡི། །གདོང་ནི་གསུམ་འགྱུར་ལུས་ལ་དགོད། །རལ་པ་ཅོད་པན
148a4 དེ་ཡི་ཚད། །རིན་ཆེན་ཅོད་པན་སོར་དྲུག་པའོ། །རལ་པ་གཅིག་མ་རབ་སྒྲུབ་ཐབས། །དེ་ནས་ཡང་དག་བཤད་བྱ་བ། །གནོད་སྦྱིན་མོ་ནི་སྒྲུབ་འདོད་པས། །རལ་པ་གཅིག་མ་རབ་སྒྲུབ་ཐབས། །ཕྱག་གཉིས་པ་ལ་ཞལ་གཅིག་སྟེ། །གྲི་གུག་དང་ནི་ཐོད་པ་ལ། །ཤིན་ཏུ
148a5 སྦོམ་ལ་མདོག་སྔོ་བ། །དཀྱིལ་འཁོར་དབུས་སུ་བསྒོམ་པར་བྱ། །ཛམྦྷ་ལ་ནི་ཤར་དུ་བསྒོམ། །བ་སུ་དྷ་ར་ལྷོ་ཕྱོགས་སུ། །ཆུ་དབང་ནུབ་ཏུ་དགོད་པར་བྱ། །བྱང་དུ་རྣ་ཆ་ཀོས་ཀོ་འཕྱང་། །མེ་ལ་སོགས་པའི་མཚམས་དག་ཏུ། །གནོད་སྦྱིན་མོ་བཞི་རབ་བསྒོམ་བྱ། །ཀུ་ཏལ་ཀྱེ
148a6 ཧེ་ནི་གྱི་ཧ~ཾ། །བ་སུ་དྷ་རི་ཆོ་ག་བཞིན་དགོད། །དེར་ནི་སྒོ་བ་རྣམ་བསྒོམས་ཏེ། །ཐོ་བ་ལ་སོགས་མཉམ་པར་རོ། །འཁོར་ལོ་སྔ་མ་མཐོང་བ་བཞིན། །དེ་བཞིན་མདོག་ནི་རབ་སྦྱར་བྱ། །ཕྱག་མཚན་བདག་ནི་ལྟར་འཛིན་པ། །མཁས་པས་ཕྱི་ནས་སྔགས་བཟླས་ཏེ། །ོཾ་ཨེ་ཀ
148a7 ཛཊཱི་བ་སུདྷཱ་རི་ཎི་སྭཱ་ཧཱ། །པུཀྐ་སཱི་ནི་རབ་སྒྲུབ་ཐབས། །དེ་ནས་ཡང་དག་བཤད་པར་བྱ། །གང་ཞིག་བསྒོམས་པ་ཙམ་གྱིས་ནི། །འཇིག་རྟེན་གསུམ་ལ་འཚེ་ནུས་པ། །སྐུ་མདོག་སེར་པོ་ཞལ་བཞི་པ། །ཕྱག་བཞི་བོང་བུ་ལ་བཅིབས་པ། །པུཀྐ་སཱི་ཡི་ལུས་བསྒོམ་བྱ། །
iiif viewer powered by OpenSeadragon
