| e-texts navigator |
| Wylie |
147b1 གཞོལ་ན། །ནག་པོའི་ཚིག་ནི་ཇི་ལྟ་བར། །གྲུབ་པར་འདི་ལ་ཐེ་ཚོམ་མེད། །དེ་ནས་བྱམས་པ་ལ་སོགས་ཀྱིས། །རྡོ་རྗེ་ངེས་པ་འདི་མཐོང་ནས། །རྡོ་རྗེ་བྱང་ཆུབ་སེམས་དཔའ་ཀུན། །མི་སྨྲ་བར་ནི་སྡོད་པར་གྱུར། །དེ་ལ་འདི་ནི་རྡོ་རྗེ་དབབ་པའི་ཆོ་གའོ། །འབྱུང་བཞིའི་ས་བོན
147b2 ཆེན་པོ་ཡིས། །འཁོར་ལོ་བཞི་ནི་རབ་བསྒྲུབ་བྱ། །གནས་བཞིར་རབ་ཏུ་སྦྱོར་བ་བསམ། །ནམ་མཁའ་ལ་ནི་གཡོ་བར་བྱེད། །རྐང་པ་དག་གི་འོག་ཏུ་ཡ~ཾ། །ལྟེ་བར་ར~ཾ་སྟེ་སྙིང་གར་ལ~ཾ། །མགོ་བོ་ལ་ནི་ཡི་གེ་བ~ཾ། །ཡི་གེ་ཡ་ནི་ནག་ཆེན་པོ། །དྲག་ལ་རྔམ་པ་རབ་འགྱུར་བའི། །གྲུ
147b3 གསུམ་སྲེག་པའི་མེ་ལྟར་འབར། །ཉི་མའི་དཀྱིལ་འཁོར་ལྟ་བུར་དམར། །རྡོ་རྗེ་ས་གཞི་འཛིན་བཟོད་པའི། །སེར་པོ་ཆེན་པོ་གྲུ་བཞི་པ། །རི་རབ་རི་ཡིས་མནན་པ་ཡི། །ནོར་འཛིན་དེ་ནི་བསྒོམ་པར་བྱ། །དཀར་པོ་ཟླུམ་པོ་བསིལ་ཆེན་པོ། །སྤྲིན་བཞིན་དུ་ནི་ཆར་བ་འཛིན། །
147b4 རྒྱ་མཚོ་དུ་མ་ཆུས་གང་བའི། །གངས་ཀྱི་རི་བོ་ལྟར་བསིལ་བའི། །གནས་བཞི་རུ་ནི་སྦྱོར་བས་ན། །ཁར་ནི་སྣང་བ་མཐའ་ཡས་ཏེ། །སློབ་མ་རྡོ་རྗེ་བསྒོམ་པར་བྱ། །མྱུར་བ་རུ་ནི་འབེབས་པར་བྱེད། །དེ་ལ་འདི་ནི་སྤྲོ་བའི་ཆོ་གའོ། །རྡོ་རྗེ་ཆོས་ནི་མགོན་ཆེན་པོ། །སྣང་བ
147b5 མཐའ་ཡས་བདེ་བ་ཆེ། །གསུངས་ཤིག་འདོད་ཆགས་ཆོས་ཆེན་པོ། །དགེ་དང་མི་དགེ་ལེགས་པར་དྲི། །ཁྲུ་གང་ནས་ནི་བརྩམས་ནས་ནི། །ཇི་སྲིད་ཁྲུ་ནི་སྟོང་གི་བར། །སློབ་མ་ཆེན་པོ་འཕར་བར་འགྱུར། །དེ་ནི་དབབ་པའི་ཆོ་གའོ། །འཇིགས་གཟུགས་རི་མོའི་མཚན་ཉིད་ནི། །
147b6 དེ་ནས་ཡང་དག་བཤད་པར་བྱ། །ས་ནི་འཇམ་པོ་བླངས་བྱས་ལ། །བརྟུལ་ཞུགས་ཅན་གྱིས་བཟླས་པ་བྱ། །སྲན་གྲེའུ་འོ་མ་དེ་བཞིན་ཤ་།བུ་རམ་ཏིན་ནི་ནི་ལ་སོགས། །སྣུམ་དང་ནིམ་པའི་འོ་མ་དང་། །ན་ཏི་དེ་བཞིན་ཛ་གེ་སར། །དང་པོར་དཀར་པོར་བྲི་བར་བྱ། །ཁ་དོག་གཞན
147b7 གྱིས་དེ་ནས་བསྒོམ། །རྡོ་རྒྱུས་དང་ནི་བཙག་དག་ལས། །རྒྱ་སྐྱེགས་ལྟ་བུའི་མདོག་ཏུ་འགྱུར། །ཡུང་བ་དེ་དང་རམས་དག་ལས། །དེ་བཞིན་ཁ་དོག་ལྗང་གུར་འགྱུར། །སྔོན་པོ་དག་ནི་རམས་ཀྱིས་བྱ། །དེ་བཞིན་དུ་བས་ནག་པོའོ། །ལྡོང་རོས་ཀྱིས་ནི་སེར་པོ་སྟེ། །དམར་པོ་དེ་བཞིན
iiif viewer powered by OpenSeadragon
