| e-texts navigator |
| Wylie |
147a1 དང་། །ས་དང་ཕ་རོལ་ཕྱིན་པ་ལའོ། །སྒོ་ནི་དཀྱིལ་འཁོར་ཆ་བརྒྱད་དེ། །ཁྱམས་ཆེན་དག་ནི་བོར་བ་ལ། །བདག་ཉིད་ཆེན་པོས་ཤེས་པར་བྱ། །ཡིད་དུ་འོང་ཞིང་ལེགས་སྤྲས་པའི། །མུ་ཁྱུད་སྒོ་ཙམ་ཤེས་པར་བྲི། །ལྷ་ཡི་སྣམ་བུའང་དེ་ཙམ་མོ། །རྡོ་རྗེ་ལྷ
147a2 མོ་ལྡན་པ་ཡིས། །གླུ་དང་རོལ་མོ་གར་ཡང་དགོད། །མཆོད་སྣམ་སྒོ་ཡི་ཕྱེད་ཉིད་དེ། །འགྲམ་དང་ངོས་ཀྱང་དེ་ཙམ་མོ། །དོ་ཤལ་སེ་མོ་དོ་དང་ནི། །ཉི་མ་ཟླ་བ་མེ་ཏོག་ཕྲེང་། །དེ་ལ་གོས་དང་འཕན་དག་གོ། །རྩ་བ་ས་ཡི་ཐིག་རྒྱབ་ཏུ། །ཚོན་རྩེའི་སྣམ་བུ་དེ་ཡི་ཕྱེད། །
147a3 དེ་ལ་སྙིང་པོ་ཆེན་པོ་འདིས། །བདག་ཉིད་འཁོར་ལོ་རྣམ་པར་དགོད། །དེར་ནི་རང་གི་ཕྱག་རྒྱའང་བསྟེན། །དམ་ཚིག་ཡེ་ཤེས་གཞུག་པ་སྟེ། །དེ་ལྟར་དཀྱིལ་འཁོར་བསྒྲུབ་པར་བྱ། །ཤར་དུ་དཀར་པོ་ཆེན་པོ་སྟེ། །ལྷོར་ནི་སེར་པོ་དང་ལྡན་པས། །ནུབ་ཀྱི་ཆར་ནི་དམར་པོའོ། །
147a4 བྱང་དུ་ལྗང་གུ་དང་ལྡན་པར། །ིནྡྲ་ནཱི་ལའི་འོད་འདྲ་བའི། །དབུས་ཀྱི་ཆར་ནི་ཡང་དག་བྲི། །དེ་ལ་ཕྱག་རྒྱ་དགོད་པར་བྱ། །ལས་ཀྱི་ཆོ་ག་མཐོང་ནས་ནི། །རྟག་ཏུ་ཕྱག་རྒྱ་མཁའ་མཉམ་པ། །ཕྱག་རྒྱ་དེ་ཉིད་རྟག་ཏུ་བྲི། །དེ་ཡི་དཀྱིལ་དུ་རྡོ་རྗེ་བྲི། །ཤར་དུ་འཁོར་ལོ་ཡང་དག
147a5 བྲི། །དེ་ལྟ་བུ་ལ་སོགས་པ་བལྟ། །ཕྱག་མཚན་ཀུན་ཏུ་ཞལ་དང་མཚུངས། །དེ་ལ་འདི་ཡི་དགང་གཟར་ནི། །དེ་ཡི་ཡུ་བའི་ཚད་དུ་བྱ། །ཁྲུ་གང་དང་ནི་ལྡན་པར་བྱ། །དེ་ཡི་དཀྱིལ་འཁོར་རྩེ་མོ་ནི། །སོར་བཞི་པོ་ལ་ཟླུམ་པོར་བྱ། །གཏིང་དུ་སོར་གཉིས་ཟབ་པ་ལ། །
147a6 དེ་ལ་སོར་ཕྱེད་མཆུར་བྱས་པའོ། །བླུགས་གཟར་པདྨའི་འདབ་འདྲ་བའི། །ཁ་ནི་མཐེ་བོའི་ལྟོ་གང་ལ། །དེ་ལ་སོར་གཅིག་ཙམ་ཟབ་པ། །རྒྱུད་འདི་རུ་ནི་རབ་ཏུ་བསྔགས། །དཀྱིལ་འཁོར་དུ་ནི་མ་ཞུགས་དང་། །མཚམས་མེད་ལྔ་ནི་བྱས་པ་དང་། །སེམས་ཅན་སྲོག་ནི
147a7 གཅོད་པ་དང་། །ཉ་དང་ཤ་ནི་མངོན་ཟ་དང་། །ཆང་ལ་མངོན་པར་དད་པ་དང་། །ཆད་ལྟའི་བརྟུལ་ཞུགས་འཛིན་པ་དང་། །མངོན་པར་དབང་ནི་མ་བསྐུར་དང་། །ཀུན་ཏུ་འཁྱམ་ཞིང་ལྡོམ་བུ་དང་། །གྲོང་གི་གླ་མི་བྱེད་པས་ཀྱང་། །གཤིན་རྗེའི་གཤེད་རྒྱུད་མངོན
iiif viewer powered by OpenSeadragon
