| e-texts navigator |
| Wylie |
146b1 སྔགས་འདི་ནི་མཁས་པས་བཟླ། །རྟ་ཡི་མཆོག་ཏུ་གྱུར་པར་གྲགས། །ཤར་དུ་བ་ཌ་བིཾ་བསྒོམ་བྱ། །ལྷོ་ཕྱོགས་སུ་ནི་རིམ་གྲོ་མ། །ནུབ་ཏུ་བདུན་པའི་རྒྱལ་པོ་སྟེ། །རྟ་མཆོག་མ་ནི་བྱང་ཕྱོགས་དགོད། །བདག་པོའི་ཞལ་ཕྱག་ཇི་ལྟ་བར། །ཐམས་ཅད་དེ་དང་འདྲ་བར་བསྒོམ། །སྔགས
146b2 འདི་ཡིས་ནི་ཐམས་ཅད་དུ། །གཤེགས་སུ་གསོལ་བར་རབ་ཏུ་གྲགས། །སྨྱུག་མའི་གླིང་བུ་པི་བང་དང་། །རྔ་ཟླུམ་རྔ་བྲན་མཚམས་སུ་གཞག་།བན་གླང་སྣ་དང་གླང་པོའི་སྣ། །དེ་བཞིན་གདོང་བཟང་གདོང་ངན་ཏེ། །གཏུན་ཤིང་དང་ནི་སྟ་རེ་དང་། །ལྕགས་ཀྱུ་དང་ནི་ཞགས
146b3 པ་དང་། །གར་ལ་སོགས་པའི་རྣལ་འབྱོར་གྱིས། །སྒོ་བཞི་རུ་ནི་རྟག་ཏུ་བསྒོམ། །སྔོ་ཆགས་གཡོན་པར་བསྒོམ་པར་བྱ། །རང་གི་ཕྱག་མཚན་དེ་བཞིན་གཡས། །ཇི་ལྟར་རྟ་མཆོག་སྔགས་ཀྱིས་ནི། །རྡོ་རྗེ་ས་འོག་གི་ཡང་གཏེར། །རྟ་མཆོག་རྣལ་འབྱོར་ཉིད་ཀྱིས་ནི། །ཁམས
146b4 གསུམ་ནམ་མཁའི་ཁམས་སུ་འགྱུར། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེའི་གཤེད་ནག་པོའི་རྒྱུད་ལས་དངོས་གྲུབ་ངེས་པར་བསྟན་པ་སྟེ་རིམ་པར་ཕྱེ་བ་བཅུ་གསུམ་པའོ།། །།དེ་ལ་འདི་ནི་སྲད་བུ་བརྐྱང་བའི་དམ་ཚིག་གི་མཆོག་སྟེ། ཨ་ཀཱ
146b5 རོ་མུ་ཁ~ཾ་སརྦཱ་དྷརྨཱཏྟཱུཾ། ཨཱདྱཱ་ནུད་པན་ན་ཏྭཱད། །དཔལ་ལྡན་གཤིན་རྗེའི་གཤེད་བསྒོམས་ལ། །སློབ་མ་རྣམ་སྣང་མཛད་དུ་བསྒོམ། །ཡེ་ཤེས་ཐིག་མཆོག་རྩེ་མོ་རྩེ། །ཤིན་ཏུ་མཉམ་པར་བཞག་ནས་བཏབ། །དེ་ལ་འདི་ནི་དཀྱིལ་འཁོར་ཆེན་པོའི་དམ་ཚིག་མཆོག་།ོ~ཾ་ཨཱཿཧཱུ~ཾ
146b6 དཀྱིལ་འཁོར་ཉིས་འགྱུར་རིམ་པར་བྱ། །དེ་ཡི་སྤོ་ཡི་ཉི་ཤུའི་ཚད། །བ་ཡི་རྣམ་ལྔ་མཉམ་བྱུགས་པའི། །སྐུད་པ་སངས་རྒྱས་ཀྱིས་རབ་བརྟགས། །དེ་ལ་འདི་ནི་རྡོ་རྗེ་ཆེན་པོ་གསོལ་བ་གདབ་པའི་དམ་ཚིག་གོ། །ེ་མའོ་སངས་རྒྱས་སློབ་དཔོན་ཆེ། །ེ་མའོ་ཆོས་དང
146b7 ཚོགས་ཀྱི་གཙོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །དེ་ལ་འདི་ནི་ས་ཆེན་པོ་ཡོངས་སུ་གཟུང་བའི་ཆོ་ག་སྟེ། རྡོ་རྗེ་སའི་ལྷ་མོ་བཀུག་ལ། །ལྷ་མོ་ཁྱོད་ནི་དཔང་དུ་འགྱུར། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པ་ཡི་ནི་ཁྱད་པར
iiif viewer powered by OpenSeadragon
