| e-texts navigator |
| Wylie |
145b1 ལས་ཀུན་བྱེད་པ་ཡིན། །བྱེ་བ་བཟླས་ནས་དངོས་གྲུབ་སྟེར། །བྱེ་བ་ལྔ་བཟླས་སྨོས་ཅི་དགོས། །ཉིན་རེའམ་ཡང་ན་ཟླ་རེ་འམ། །དེ་བཞིན་ལོ་ནི་རེ་རེ་ལ། །གཏོར་མ་དྲུག་ཅུ་རྩ་བཞི་སྦྱིན། །དབྱུག་གུ་དྲུག་ཅུ་རྩ་བཞིར་ཤེས། །རྟག་ཏུ་ཅུང་ཟད་ཅི་ཟ་དང་། །དེ་བཞིན་ཅུང་ཟད་འཐུང
145b2 བ་དང་། །གཞན་ཡང་བཟའ་བ་ཐམས་ཅད་ཀྱི། །ཕུད་ནི་གཤིན་རྗེའི་གཤེད་ལ་དབུལ། །དེ་ནས་ཡང་དག་བཤད་བྱ་བ། །བླ་མ་ལ་ནི་ཡོན་དབུལ་བའོ། །ལས་ནི་ཐམས་ཅད་བསྒྲུབ་པ་དང་། །བདག་ཉིད་ཞི་བར་བྱ་བའི་ཕྱིར། །བདག་ཉིད་ཀྱང་ནི་དབུལ་བ་དང་། །རྟ་དང་བ་དང་གླང་པོ
145b3 དང་། །གསེར་དང་དེ་ལས་གཞན་པ་དང་། །རང་གི་ཆུང་མ་དེ་བཞིན་བུ། །མ་དང་སྲིང་མོ་ཚ་མོ་དང་། །དེ་བཞིན་དུ་ནི་སྤུན་ཟླ་དང་། །ན་བཟའ་སྣ་ཚོགས་དག་དང་ནི། །གདུགས་དང་རྡུལ་ཡབ་མཛེས་པ་དང་། །ཁྱིམ་དང་གདན་དང་དྲི་ཞིམ་དང་། །དེ་བཞིན་གླུ་དང་རོལ་མོ་དང་། །
145b4 རལ་གྲི་དང་ནི་རྒྱན་དག་དང་། །བརྟུལ་ཞུགས་ཅན་གྱིས་བླ་མར་དབུལ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེའི་གཤེད་ནག་པོའི་རྒྱུད་ལས་ཉེ་བར་མཁོ་བའི་ལས་ཀྱི་ཁྱད་པར་ཐམས་ཅད་ཞེས་བྱ་སྟེ་རིམ་པར་ཕྱེ་བ་བཅུ་གཉིས་པའོ།། །།དེ་ནས་སེམས་ཅན་ཐམས་ཅད
145b5 ཀྱི། །སྡིག་པ་དག་ནི་ཇི་སྙེད་པ། །དེ་དག་གཅོད་པའི་གྲི་གུག་སྟེ། །ཞེ་སྡང་གཅོད་པའི་ཤུབས་ཅན་ནོ། །དེ་ནས་ཡང་དག་བཤད་བྱ་བ། །རིང་བའི་ཐོས་པ་བསྒྲུབ་པའི་ཕྱིར། །རྡོ་རྗེ་མཁའ་འགྲོ་མ་སྒྲུབ་ཐབས། །ནམ་མཁའི་ཁམས་ཀྱི་དབུས་གཏོགས་པར། །ཉི་མའི་དཀྱིལ་འཁོར
145b6 མཆོག་བསམ་བྱ། །གནས་དེར་རྩེ་ལྔ་པ་ཡང་བསྒོམ། །དེ་ཡི་སྟེང་དུ་གནས་དགོད་བྱ། །མཐིང་མདོག་ནག་པོ་འཇིགས་ཚུལ་ལ། །ཕྱག་དྲུག་འཇིགས་སུ་རུང་བ་སྟེ། །ཕྱག་ན་རྡོ་རྗེ་རྣམ་བསྒོམ་བྱ། །ཕྱག་གཞན་དག་ལ་གཞན་དག་དགོད། །ཤར་དུ་སངས་རྒྱས་མཁའ་འགྲོ
145b7 མ། །ཕྱག་དྲུག་གཏི་མུག་རྡོ་རྗེ་མཚུངས། །ལག་ན་འཁོར་ལོ་འཇིགས་པར་བྱེད། །བསྒོམ་བྱ་སྦྱོར་བའི་དཀྱིལ་འཁོར་དུ། །ལྷོ་རུ་རིན་ཆེན་མཁའ་འགྲོ་མ། །ཕྱག་དྲུག་ཕྲ་མ་དང་མཚུངས་པ། །ཕྱག་ན་རིན་ཆེན་རབ་འབར་བ། །ཉི་མའི་དཀྱིལ་འཁོར་བསྒོམ་པར་བྱ། །ནུབ་ཏུ
iiif viewer powered by OpenSeadragon
