| e-texts navigator |
| Wylie |
145a1 བྱ་བའི་རྒྱུད་རིམ་པར་ཕྱེ་བ་སྟེ་བཅུ་གཅིག་པའོ། །དེ་ནས་བཅོམ་ལྡན་འདས་སྐྱེས་བུ་ཆེན་པོའི་དམ་ཚིག་རྡོ་རྗེ་སེམས་དཔའི་ངོ་བོ་ཙརྩི་ཀཱའི་རྣམ་པའི་ཏིང་ངེ་འཛིན་ལ་ཡང་སྙོམས་པར་ཞུགས་ཤིང་། ཕག་མོའི་རྣམ་པའི་ཏིང་ངེ་འཛིན་ལ་ཡང་སྙོམས་པར་ཞུགས་སོ། །
145a2 དབྱངས་ཅན་གྱི་རྣམ་པའི་ཏིང་ངེ་འཛིན་ལ་ཡང་སྙོམས་པར་ཞུགས་སོ། །གཽ་རི་མའི་རྣམ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། མཆོད་པའི་གླུ་འདི་དག་རྗོད་པར་མཛད་དོ། ། ཀྱེ་ཀྱེ་གཤིན་རྗེའི་གཤེད་ནག་བླ། །སྲིན་པོའི་གཟུགས་ཅན་རང་བཞིན་ཁྱོད། །བདག་གིས་ཁྱོད་མཐོང
145a3 ཤིན་ཏུ་འཇིགས། །ཁྲོ་བའི་རང་བཞིན་འདི་ཐོང་མཛོད། །མཐོ་རིས་ས་སྟེངས་ས་འོག་བཅས། །ཁྱོད་ཀྱི་གར་གྱིས་གཡོས་པར་མཛད། །ཉྫ་ནག་པོ་བཅག་འདྲ་བའི། །ཁྲོ་ཁྱོད་རོ་ལངས་ཞི་གར་མཛོད། །རྣམ་པ་སྣ་ཚོགས་གཟུགས་སྤྲུལ་ཞིང་། །མདངས་ནག་ཚད་ནི་ཐུང་བ་ལ། །
145a4 བདེ་ཆེན་ངོ་བོ་ཁྲོ་གར་གྱིས། །རྡོ་རྗེ་དབྱངས་ཅན་མ་གསོལ་འདེབས། །ཧྲཱིཿཥྚྲཱི་སྔགས་དང་གར་གྱིས་ཁྱོད། །སྲིད་པ་གསུམ་གྱི་འཁྲུལ་པ་ཆོད། །སྙིང་རྗེ་ཁྲོས་པའི་དང་སྒྲོལ་གར། །འགྲོ་བས་དད་ནི་ངོ་མཚར་འགྱུར། །དེ་ནས་ཡང་དག་བཤད་བྱ་བ། །བཟླས་པ་ཡི་ནི་མཚན་ཉིད་མཆོག་།
145a5 བཟླས་པ་གང་ཞིག་རབ་བཟླས་ན། །དངོས་གྲུབ་ཡངས་པ་ཐོབ་པ་ནི། །མྱུར་བར་མ་ཡིན་དལ་བར་མིན། །རིང་དུ་མ་ཡིན་ཐུང་ངུ་མིན། །སྔགས་ནི་ཅུང་ཟད་ཐོས་པར་བཟླས། །གཤིན་རྗེ་སློབ་དཔོན་མི་མཆོག་གི། །མ་ཧེ་མི་དང་སོ་གཉིས་དང་། །བ་ལང་དང་ནི་རྟ་དག་དང་། །བོང་བུ་རྔ
145a6 མོའི་རུས་པ་ལས། །བཟླས་པའི་ཕྲེང་བ་རབ་བསྒྲུབ་བྱ། །ཟླ་ངོ་གཅིག་གི་བཅུ་བཞི་ལ། །བདུད་རྩི་ལྔ་དང་ལྡན་པ་ཡིས། །ཤ་ལྔ་དག་ནི་བསྡུ་བྱས་ནས། །བཟླས་ན་དངོས་གྲུབ་འགྲུབ་པའི་མཆོག་།རིལ་བུ་དག་ནི་སོ་སོ་ལ། །རྣལ་འབྱོར་པ་ཡིས་གཤིན་གཤེད་བསྒོམ། །མཁས
145a7 པས་ནི་ཡང་མི་མགོ་སྟེ། །ཁྲག་གིས་བཀང་བའི་མགོ་བསྒོམ་བྱ། །ཁྲི་ཙམ་གྱིས་ནི་འབྱུང་པོ་རྣམས། །མཁའ་འགྲོ་མ་རྣམས་སྟོང་ཕྲག་གིས། །བདུད་དང་ཚོགས་ཀྱང་འཆི། །གཤིན་གཤེད་རྡོ་རྗེའི་སྦྱོར་བ་ཡིས། །རྣལ་འབྱོར་བདག་ཉིད་འབུམ་བཟླས་ནས། །དེས་ནི
iiif viewer powered by OpenSeadragon
