| e-texts navigator |
| Wylie |
144b1 བཙུན་མོ་ཀུན་ལ་འཁྱུད་པ་ཡིས། །དཔའ་མོ་སེང་གེ་བཞིན་དུ་སྤྱད། །འདོད་པའི་དོན་ཀུན་རབ་ཏུ་འགྲུབ། །དེ་ནས་ད་ནི་བཤད་བྱ་བ། །ཕྱག་རྒྱ་མ་ནི་རབ་སྒྲུབ་ཐབས། །གསང་སྔགས་ཆེན་པོ་ཡི་གེ་གཅིག་།དེ་ཡི་བཟླས་པ་མངོན་པར་བཤད་བྱ། །ཡི་གེ་ཧྲཱིཿལས་བྱུང་བ་ཡི། །མ་ཧེ་ཡང
144b2 དག་བསྒོམ་བྱ་སྟེ། །རྡོ་རྗེ་དཀྱིལ་འཁོར་ལ་གནས་པ། །མ་ཧེ་སྟེང་དུ་བསྒོམ་པར་བྱ། །གང་ཡང་ཅུང་ཟད་གཅོད་ཅིང་འབིགས། །མཚོན་ཆ་སྣ་ཚོགས་གཟུགས་དེ་ནི། །མ་ཧེ་སྣ་ཚོགས་བསྒྲུབ་པ་ཡི། །བློ་དང་ལྡན་པའི་ཕྱག་ན་བསྣམས། །དེ་ནས་ཡང་དག་བཤད་བྱ་བ། །དབྱིག་པ
144b3 གཤིན་རྗེའི་གཤེད་སྒྲུབ་ཐབས། །ཡི་གེ་ཧྲཱིཿནི་གསང་སྔགས་ཆེ། །མ་ཧེ་ཆེན་པོ་ལ་བཅིབས་པ། །ཕྱག་ནི་འབུམ་ཕྲག་རྫོགས་པའི་ཕྱག་།སྐུ་ནི་མི་རོའི་ཐལ་བས་བསྐུས། །རི་རབ་དང་ནི་མཉམ་པའི་ལུས། །གསེར་གྱི་ས་གཞི་ཐུག་པར་མནན། །དེ་ནས་ཡང་དག་བཤད་བྱ་བ། །
144b4 བྱེ་བའི་ཕྱག་ཅན་སྒྲུབ་པའི་ཐབས། །ཡི་གེ་ཧཱུ~ཾ་ལས་བྱུང་བའི་གཙོ། །ཝིཀྲྀ་ཏཱ་ན་གསང་སྔགས་ཆེ། །ོ~ཾ་ཧྲཱིཿཥྚྲཱིཿཝིཀྲྀ་ཏཱ་ནན་ཧཱུ~ཾ་ཧཱུ~ཾ་ཕཊ་ཕཊ་ཧ་ཧཱ་ཧི་ཧཱི་ཧུ་ཧཱུ་ཧེ་ཧཻ་ཧཽ་ཧ~ཾ་ཧཿཕཊ་སྭཱ་ཧཱ། དགོས་པ་ཐམས་ཅད་བསྒྲུབ་པ་ཡི། །དམ་ཚིག་སྒྲུབ་ཐབས་བཤད་པར་བྱ། །སྔགས་ཀྱིས་དུབ་པས་ཁ་ཟས
144b5 བཟའ། །ངན་པ་དང་བྲལ་རྙེད་དཀའ་མིན། །ཤ་ཆེན་དག་ནི་རྟ་དང་ནི། །གླང་པོ་ཆེ་ཡི་ཁྱད་པར་དང་། །བ་ལང་གི་དང་ཁྱི་དང་ནི། །བོང་བུ་རྔ་མོ་ཅེ་སྤྱང་ངོ་། །སྔོན་པོ་དང་ནི་བསྲེས་པ་ཡི། །སྣུམ་ཆེན་གྱིས་ནི་ལུས་བྱུགས་ན། །ལུས་ལ་བྱུགས་པ་ཙམ་གྱིས་ནི། །འགྲོ་བ་ཐམས
144b6 ཅད་དབང་དུ་འགྱུར། །སྣང་མཛད་སི་དུ་བ་ར་དང་། །དེ་བཞིན་བིལ་བའི་ལོ་མ་དང་། །སོ་ཕག་ཕྱེ་མ་བསྲེས་པ་དང་། །གསེར་ཤིང་ལོ་མའི་ཁུ་བ་རྣམས། །འདི་ཡིས་དྲིལ་ཕྱིས་བྱས་གྱུར་ན། །ཁམས་གསུམ་པོ་ནི་དབང་དུ་འགྱུར། །དུག་དང་ཆུ་བུར་དེ་བཞིན་མཛེ། །དྲིལ་ཕྱིས
144b7 བྱས་པས་ཉམས་པར་བྱེད། །གཅི་བ་ཆེན་པོ་བཏུང་བར་བྱ། །རྡོ་རྗེ་བདུད་རྩི་དེ་བཞིན་དུ། །འདི་ནི་རྣལ་འབྱོར་མཆོག་གཙོ་བོ། །རང་འབྱུང་མེ་ཏོག་བཏུང་བ་བཞིན། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེའི་གཤེད་ནག་པོའི་རྒྱུད་ལས་སྤྱོད་པ་སྟོན་པ་ཞེས
iiif viewer powered by OpenSeadragon
