| e-texts navigator |
| Wylie |
135a1 མུག་བརྗོད། །ཡི་གེ་མ་ནི་ཕྲ་མར་གསུངས། །ཡི་གེ་མེ་ནི་འདོད་ཆགས་ཉིད། །ཡི་གེ་ད་ནི་ཕྲག་དོག་འགྱུར། །གཤིན་རྗེའི་གཤེད་སོགས་ལྔ་རུ་གྲགས། །ཡི་གེ་ཡ་ལས་ཐོ་བར་འགྱུར། །ཡི་གེ་ཙྪ་ལས་དབྱུག་པའི་གཙོ། །ལག་ན་པདྨ་ནི་ཡིག་ལས། །ལག་ན
135a2 རལ་གྲི་རཱ་ལས་ཡིན། །ཛ་ལས་ཙརྩི་ཀཱ་ཞེས་བརྗོད། །ཡི་གེ་ས་ལས་ཕག་གདོང་མ། །ཡི་གེ་དོ་ལས་དབྱངས་ཅན་བསྒྲགས། །ཡི་གེ་རུ་ལས་གཽ་རཱི་དྲན། །ཎ་ཡོ་ནི་ར་མཚམས་ཀྱི་བཞི། །ཐོད་པ་བཞི་རུ་འདོད་པ་ཡིན། །སྣ་ཚོགས་རྡོ་རྗེ་འཇིགས་རུང་བ། །ནམ་མཁའ་རྡོ་རྗེའི་དཀྱིལ
135a3 དུ་བསམ། །དེ་དཀྱིལ་བཞུགས་པ་གཤིན་རྗེའི་གཤེད། །གནག་ཅིང་འབར་བ་བསྒོམ་པར་བྱ། །ཤར་དུ་གཏི་མུག་རྡོ་རྗེ་སྟེ། །ལྷོ་རུ་དེ་བཞིན་ཕྲ་མ་ཡིན། །ནུབ་ཏུ་འདོད་ཆགས་རྡོ་རྗེ་སྟེ། །དེ་བཞིན་བྱང་དུ་ཕྲག་དོག་གོ། །མཚམས་ཀྱི་རྡོ་རྗེ་རྩེ་བཞི་ལ། །ཙརྩི་ཀཱ་སོགས་རྣམ
135a4 པར་བསྒོམ། །སྒོ་ཡི་རྡོ་རྗེ་རྩེ་བཞི་ལ། །ཐོ་བ་ལ་སོགས་རྣམ་པར་བསྒོམ། །སྣ་ཚོགས་རྡོ་རྗེའི་མཚམས་བཞི་རུ། །མི་ཡི་མགོ་བོ་བཞི་དག་གོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་གཤིན་རྗེའི་གཤེད་པོ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས
135a5 པར་ཞུགས་ནས་ཞེ་སྡང་ཆེན་པོའི་རིགས་ཀྱི་སྔགས་གསུངས་པ། ཨོཾ་ཧྲཱིཿཥྚྲཱིཿཝི་ཀྲྀཏཱ་ནན་ཧཱུ~ཾ་ཧཱུ~ཾ་ཕཊ་ཕཊ་སྭཱ་ཧཱ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་གཏི་མུག་རྡོ་རྗེ་ཆེན་པོའི་སྔས་གསུངས་པ། ཨོཾ་ཛི་ནི་ཛཱི་ཀ་།དེ་ནས་བཅོམ་ལྡན་འདས་དེ་བཞིན
135a6 གཤེགས་པ་ཐམས་ཅད་ཀྱི་བདག་པོས་ཕྲ་མ་རྡོ་རྗེའི་སྔགས་གསུངས་པ། ཨོཾ་རནྟ་དྷྲཱྀཀ་།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་འདོད་ཆགས་རྡོ་རྗེའི་སྔགས་གསུངས་པ། ཨོཾ་ཨཱ་རོ་ལཱི་ཀ་།དེ་ནས་བཅོམ་ལྡན་འདས་དེ་བཞིན་གཤེགས་པ
135a7 ཐམས་ཅད་ཀྱི་བདག་པོས་ཕྲག་དོག་རྡོ་རྗེའི་སྔགས་གསུངས་པ། ཨོཾ་པྲཛྙཱདྷྲཱྀཀ་།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་ཐོ་བའི་སྔགས་གསུངས་པ། ཨོ~ཾ་མུཌྒ་ར་དྷྲཱྀཀ་།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི
iiif viewer powered by OpenSeadragon
