| e-texts navigator |
| Wylie |
134b1 @##། །རྒྱ་གར་སྐད་དུ། སརྦ་ཏ་ཐཱ་ག་ཏ་ཀཱ་ཡ་ཝཱཀྩིཏྟི་ཀྲྀཥྞ་ཡ་མཱ་རི་ནཱ་མ་ཏནྟྲ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོ་ཞེས་བྱ་བའི་རྒྱུད། འཕགས་པ་འཇམ་དཔལ་གཤིན་རྗེའི་གཤེད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ
134b2 དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བཙུན་མོ་ཐམས་ཅད་ཀྱི་བྷ་ག་རྣམས་ལ་བཞུགས་ཏེ། གཏི་མུག་རྡོ་རྗེ་གཤིན་རྗེའི་གཤེད་དང་། ཕྲ་མོ་རྡོ་རྗེ་གཤིན་རྗེའི་གཤེད་དང་། འདོད་ཆགས་རྡོ་རྗེ་གཤིན་རྗེའི་གཤེད་དང་། ཕྲག
134b3 དོག་རྡོ་རྗེ་གཤིན་རྗེའི་གཤེད་དང་། ཞེ་སྡང་རྡོ་རྗེ་གཤིན་རྗེའི་གཤེད་དང་། ཐོ་བ་གཤིན་རྗེའི་གཤེད་དང་། དབྱུག་པ་གཤིན་རྗེའི་གཤེད་དང་། པདྨ་གཤིན་རྗེའི་གཤེད་དང་། རལ་གྲི་གཤིན་རྗེའི་གཤེད་དང་། མཚམས་རྣམས་སུ་རྡོ་རྗེ་ཙ་རྩི་ཀཱ་དང་། རྡོ་རྗེ་ཕག་མོ་དང་། རྡོ་རྗེ་དབྱངས་ཅན
134b4 མ་དང་། རྡོ་རྗེ་གཽ་རཱི་མ་རྣམས་མཚམས་སུའོ། །དེ་དག་ལ་སོགས་ཏེ་གཤིན་རྗེའི་གཤེད་ཀྱི་ཚོགས་ཆེན་པོ་དང་། ཐབས་ཅིག་ཏུ་བཞུགས་སོ། །དེ་ནས་ཕྱག་ན་རྡོ་རྗེས་བཅོམ་ལྡན་འདས་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ་གསོལ་བ་བཏབ་པ་དང་། དེ་ནས་བཅོམ་ལྡན
134b5 འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་བདུད་ཐམས་ཅད་རྣམ་པར་འཇོམས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ངེས་པར་བཏོན་ཏོ། །ཟླ་བ་རྡོ་རྗེ་སྦྱོར་བ་ཡིས། །གཤིན་རྗེ་མཐར་བྱེད་བསྒོམ་པར་བྱ། །བདུད་རྣམས་ཞི་བར་བྱ་ཕྱིར་དང་། །ཞེ
134b6 སྡང་ཐམས་ཅད་བསལ་བའི་ཕྱིར། །འོད་ཟེར་ལྔ་ཡིས་འཁྲིགས་པ་ཡིས། །རྡོ་རྗེ་བསྲུང་བའི་དོན་དུ་བསྒོམ། །ཕྱི་མཚམས་རྡོ་རྗེ་ས་གཞི་དང་། །ར་བ་དྲ་བ་དེ་བཞིན་ནོ། །དེ་ནས་བཅོམ་ལྡན་འདས་དེ་བཞིན་གཤེགས་པ་སྐྱེད་པ་པོ་བདུད་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས
134b7 ནས་གཏི་མུག་རྡོ་རྗེ་གཤིན་རྗེའི་གཤེད་ལ་སོགས་པ་ཐམས་ཅད་ཀྱི་ས་བོན་འདི་ཉིད་ཀྱི་སྐུ་གསུང་ཐུགས་རྡོ་རྗེ་རྣམས་ལ་ངེས་པར་ཕྱུང་བ། དབུས་སུ་ཡ་དང་ཀྵེ་མ་མེད་ཡཙྪ་ནི་རཱ་ཛཱ་ས་དོ་རུ་ཎ་ཡོ་ནི་རའོ། །ཡ་སོགས་ཡི་གེ་དང་པོ་ལས། །གཤིན་རྗེའི་གཤེད་དུ་གྱུར་པ་ཡིན། །ཡི་གེ་ཀྵེ་ནི་གཏི
iiif viewer powered by OpenSeadragon
