| e-texts navigator |
| Wylie |
9b1 དགོངས་པ་མ་ཡིན་པས་བཤད་པའོ། །ཆོས་ཐམས་ཅད་ལ་དངོས་པོ་དང་མཚན་མར་འཛིན་པ་དང་། བདག་ཏུ་འཛིན་པ་ལ་དགོངས་པ་མ་ཡིན་པའི་ཕྱིར་དགོངས་པ་མིན་ཏེ། ཆོས་ཐམས་ཅད་བདག་མེད་པར་སྟོན་ཅིང་སྤྲོས་མེད་དེ་བཞིན་ཉིད་ལས་སྟོང་པ་ཉིད་དུ་སྟེན་པ་དང་། ཆོས
9b2 ཐམས་ཅད་ནི་རང་བཞིན་གྱིས་རྣམ་པར་དག་པ་དང་། ལུས་མེད་པ་སྟེ་ཕུང་པོ་དང་ཁམས་དང་སྐྱེ་མཆེད་མི་དམིགས་པ་དང་། བརྗོད་པ་ལས་འདས་པས་བདག་མེད་པ་དང་། ངོ་བོ་ཉིད་ཀྱིས་སྟོང་པའི་ཕྱིར་ཡིད་མེད་པ་ནི་དགོངས་མིན་དུ་བཤད་པའོ། །ག་པུར་དང་། ཁྲག་ཆེན་པོ་དང་། ཙནྡན
9b3 དམར་པོ་དང་རྡོ་རྗེ་དང་། པདྨ་དང་། ཡི་གེ་དང་། ཕྱག་རྒྱ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་དྲང་བའི་དོན་ཏེ། ག་པུར་ནི་ཁུ་བ་དང་། ཁྲག་ཆེན་པོ་ནི་ཟླ་མཚན་གྱི་ཁྲག་དང་། ཙནྡན་དམར་པོའི་ཁུ་བ་དང་བསྲེས་པ་ནི་ཙནྡན་དམར་པོའི་ཁུ་བའོ། །རྡོ་རྗེ་དང་མཚན་མ་དང་། ཐབས
9b4 དང་། པདྨ་བྷ་ག་དང་། ཤེས་རབ་དང་། ཡི་གེ་དང་། ཕྱག་རྒྱ་དང་། བཙུན་མོ་རྣམས་དང་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ངེས་པའི་དོན་ནོ། །ག་པུར་ནི་དཀྱིལ་འཁོར་ཡིག་འབྲུ་དང་། ཁྲག་ཆེན་པོ་ཉི་མའི་དཀྱིལ་འཁོར་ཡིག་འབྲུ་དང་། ཙནྡན་དམར་པོ་ནི་པདྨ་དམར་པོ་འདབ
9b5 བརྒྱད་ཡིག་འབྲུ་གསུམ་དང་བཅས་པ་དང་། །རྡོ་རྗེའི་རྒྱུད་མཚན་མ་ཡབ་དང་། །པདྨ་མཚན་མ་སྟེ་ཡུམ་དང་། ཡི་གེ་ནི་སྔགས་ཏེ་ས་བོན་དང་། ཕྱག་རྒྱ་ནི་ཕྱག་མཚན་ཏེ་སྐུ་ཡོངས་སུ་གྲུབ་པ་ཕྱག་རྒྱ་བཞི་ལྡན་ནོ། །ལྷའི་སྐུ་ཡོངས་སུ་རྫོགས་པ་ཡོངས་སུ་བརྟགས་པའི་ལྷ་རྣམས་འཁྲུལ་པ་བཟློག་པ་ཐ
9b6 མལ་པ་ལས་ནུས་པ་ཅུང་ཟད་ལྡན་པ་སྟེ་ཐུན་མོང་པའོ། །ཡང་རང་བཞིན་ཐ་མི་དད་པའི་དོན་ལས་ག་པུར་ནི་ཁུ་བ་ཀ་པུར་ཤུ་ཀི་སྟེ་རྣམ་པ་ཀུན་འདར་ལས་རྒྱུ་བ་དང་། ཁྲག་ཆེན་པོ་ནི་རང་འབྱུང་གི་ཁྲག་སྟེ་སིཧླ་རཀྟ་རྩ་རོ་མ་ནས་རྒྱུ་བ་དང་། ཙནྡན་དམར་པོའི་ཁུ་བ་ནི་ཆོས་འབྱུང་ནང་དུ་འདྲེས་པ་ལས
9b7 ཡུམ་གྱི་པདྨའི་ཁོངས་སུ་ཡོངས་སུ་འདྲེས་ལ་དབྱེར་མེད་པ་ལས་འགྲོ་བའི་ལུས་མངོན་པར་བྱང་ཆུབ་པའི་ཚུལ་དུ་ཡོངས་སུ་རྫོགས་པ་ཉིད་དོ། །པདྨ་བྷ་ག་སྟེ་ཤེས་རབ་ཀྱི་ཆ་དང་། རྡོ་རྗེ་ལིངྒ་སྟེ་ཐབས་ཀྱི་ཆ་དང་། ཟླ་ཉི་ནུབ་པའི་ལྡོག་པ་ཆ་མཉམ་པར་གྱུར་པ་ལས་ཡི་གེ་སྟེ་ས་བོན་ཡོན་ཏན
iiif viewer powered by OpenSeadragon
