| e-texts navigator |
| Wylie |
8a1 པ་རྣམ་པར་དག་པའོ། །སེམས་སྣང་བ་གསུམ་གྱིས་སྦས་པ་ནི་གང་ཆོས་ཉིད་ལས་ཡང་དག་པར་འབྱུང་བ། ཐོབ་པ་དང་། མཆེད་པ་དང་། སྣང་བ་ནི་སེམས་ཡེ་ཤེས་ཀུན་ཏུ་རྣམ་པར་རྟོག་པ་མེད་པ་བཞིན་དུ་རང་བཞིན་དང་བཅས་པར་འབྱུང་བའོ། །ཆོས་ཀྱིས་སྤས་པ་ནི་བདེ
8a2 བའི་དོན་གང་རྡོ་རྗེ་དང་པདྨ་མཉམ་པར་སྦྱར་བའི་བདེ་བས། རང་བཞིན་རྣམ་པར་དག་པའི་སྣང་བ་གསུམ་ཉེ་བར་མཚོན་པར་བྱེད་པ་དེ་ནི། བདེ་བ་ཆེན་པོའི་གོ་འཕང་རབ་ཏུ་གནས་པར་འགྱུར་རོ། །འདི་ནི་སྦས་པའི་བཤད་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས
8a3 གསོལ་བ། བཅོམ་ལྡན་འདས་སྤྱིའི་དོན་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། ཉན་ཐོས་ལ་སོགས་པ་འདོད་ཆགས་དང་བྲལ་པའི་ཆོས་ལ་སྤྱོད་པ། རྣམ་པར་རྟོག་པའི་བག་ཆགས་ལས་མ་གྲོལ་བ། རྣལ་འབྱོར་ཆེན་པོའི་རྒྱུད་མཐའ་དག་ཏུ། རྡོ་རྗེ་བཙུན་མོའི་བྷ་ག་ལ
8a4 བཞུགས་ཞེས་བྱ་བ་ལ་སོགས་པའི་འདོད་ཆགས་ཀྱི་ཆོས་གསལ་བར་བྱེད་པ་ངོ་མཚར་གྱི་རྡོ་རྗེའི་ཚིག་ཐོས་ནས་སྨོད་པར་བྱེད་པ་དེ་རྣམས་ལས་མི་འགལ་བའི་སྒོ་ནས་བཤད་པ་དེ་ནི་སྤྱིའི་དོན་དུ་གསུངས་པའོ། །བྱམས་པས་གསོལ་པ། ཡི་གེའི་དོན་གང་ལགས། བཅོམ་ལྡན་འདས་ཀྱིས་བཀའ
8a5 སྩལ་པ། གང་ཡང་ཨཱ་ལི་ཀཱ་ལི་སྒྲའི་དོན་ལ་བརྟེན་ནས་རྗོད་པར་བྱེད་པ། བརྗོད་པའི་མཐའི་བྱེད་པ། མཐའ་དང་བརྗོད་པ་རྐྱེན་རྣམས་ལས་རྣམ་པར་འབྱུང་བ། རབ་ཏུ་བྱེད་པ་དང་བཅས་པ་ཐ་སྙད་སྣ་ཚོགས་པ་ལ་བརྟེན་ནས་ཆ་ཤས་ཙམ་དུ་བསྟན་པའོ། །བྱམས་པས་གསོལ་པ། ཐུན
8a6 མོང་མ་ཡིན་པ་བླ་ན་མེད་པ་འདི་ལྟར་མཐར་ཐུག་པར་བཤད་པ་ཇི་ལྟར་བཤད་པ་ལགས། དེ་ནས་བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ལེགས་སོ་ཞེས་བྱ་བ་བྱིན་ནས། ལེགས་སོ་ལེགས་སོ། །བྱང་ཆུབ་སེམས་དཔའ་སྙིང་རྗེ
8a7 མཆོག་དང་ལྡན་པ་ཉོན་ཅིག་། མཐའ་ནི་མུ་སྟེ། འོད་གསལ་བ་ཡང་དག་པའི་ཚུལ་ཞེས་བྱ་བ་མཐར་ཐུག་པའོ། །མཐའ་ལྡན་མཐའ་བཅས་གྲོལ་བ་ཡང་དག་མཐའ། །མཐའ་ཉིད་བཟློག་བྲལ་གྲུབ་མཐའ་ལས་འདས་པའོ། །བྱང་ཆུབ་སེམས་དཔའ་ཆེན་པོས་གསོལ་པ།
iiif viewer powered by OpenSeadragon
