| e-texts navigator |
| Wylie |
7a1 རྣམས་ཐམས་ཅད་བྲལ། །བླང་དོར་མེད་པའི་ཡེ་ཤེས་མཉམ་པ་ཉིད། །ེ་ནི་སྟོང་ཉིད་སྤྲོས་དང་བྲལ་བ་ལས། བཾ་ནི་ཐབས་མཆོག་སྙིང་རྗེ་ཆེན་པོར་བསྟན། །གཉིས་མེད་མཉམ་པ་བྱང་སེམས་རོ་གཅིག་པའོ། །རྣམ་ཐར་སྒོ་གསུམ་ཕ་རོལ་ཕྱིན་པ་དྲུག་།
7a2 ཚད་མེད་བཞི་དང་བསྡུ་བའི་དངོས་པོ་བཞི། །བྱང་ཆུབ་ཕྱོགས་ཆོས་སུམ་ཅུ་རྩ་བདུན་ཏེ། །སོ་སོ་ཡང་དག་རིག་དང་མ་འདྲེས་ཆོས། །སྟོབས་བཅུ་མི་འཇིགས་བཞི་དང་བསྲུང་བ་མེད། །མཁྱེན་པ་རྒྱས་པ་དེ་ཉིད་ཀུན་ཁྱབ་མཛད། །ེ་བ~ཾ་བརྟན་གཡོ་སྣང་དང་སྟོང་པ་ལས། །ཕུང
7a3 པོ་ཁམས་དང་སྐྱེ་མཆེད་ཐམས་ཅད་ནི། །ལྷ་ཡི་བདག་ཉིད་དཀྱིལ་འཁོར་དག་ཏུའོ། །ཡིག་དོན་སྒྲ་དང་ཐ་སྙད་དུ་མ་རྣམས། །བརྟགས་པ་མེད་དེ་སྣ་ཚོགས་རྐྱེན་གྱུར་ལས། །རྒྱུ་འབྲས་རབ་བྱེད་སྒྱུ་མར་སྣང་བ་ཀུན། །འཇིག་རྟེན་རིགས་བྱེད་མཚོན་བྱེད་སྒྲ་ལྡན་པའོ། །འདོད་ཆགས
7a4 ཆོས་ཀྱི་སྦས་པ་ཞེས་བྱ་བ། །རྣལ་འབྱོར་ཐབས་དང་ཤེས་རབ་མཉམ་སྦྱོར་ལས། །སྣ་ཚོགས་དགའ་བ་དང་པོ་རྗེས་ཆགས་དང་། །རྣམ་པར་སྨིན་པ་མཆོག་ཏུ་བདེ་བ་ཉིད། །མཚན་ཉིད་བྲལ་བ་སྐད་ཅིག་ལྷན་ཅིག་སྐྱེས། །བདེ་བ་མི་འགྱུར་ཡེ་ཤེས་ཕྱག་རྒྱ་ཆེ། །རྣམ་པར་ཉིད་པ་དགའ་བྲལ
7a5 རྗེས་ལའོ། །དེ་ཉིད་སྙིང་པོ་བླ་མེད་བྱང་ཆུབ་སེམས། །བདེ་སྟོང་དབྱེར་མེད་བྱང་ཆུབ་ཆེན་པོའོ། །ཀུན་ད་བྱང་སེམས་ཡེ་ཤེས་མེས་སྦྱངས་པས། །ཟག་མེད་བདེ་བས་ལུས་སེམས་རྣམ་དག་པའོ། །འཇིག་རྟེན་ཀུན་དུ་བརྟན་པ་སྣ་ཚོགས་པ། །དེ་རྟེན་འབྱུང་བ་འདུས་པའི་རི་རབ་དང་། །
7a6 གཞལ་མེད་ཁང་སོགས་དངོས་པོ་འཁྲུལ་ལས་སྣང་། །བརྟེན་པ་འགྲོ་བརྒྱུད་ཁམས་གསུམ་སེམས་ཅན་ཀུན། །སྒྱུ་མ་ལྟ་བུར་སྐྱེ་ཞིང་འགག་པར་འགྱུར། །འཁོར་བ་ཡུལ་དང་དབང་པོ་རྟོག་པར་བྱུང་། །དེ་བཞིན་གཤེགས་པ་བྱིན་གྱིས་བརླབས་པ་ལས། །ཟློག་བྱེད་ཡང་དག
7a7 ཀུན་རྫོབ་ལམ་བསྟན་པས། །དངོས་པོ་མཚན་མར་འཛིན་པ་ལས་ལོག་ནས། །རང་བཞིན་བདེན་དོན་རྟོགས་པས་བྱང་ཆུབ་ཐོབ། །འོད་གསལ་བ་ཡི་དེ་ཉིད་ནི། །ཤེས་པ་སྤྱི་ཡི་ཁྱད་པར་ལས། །དེ་ལས་སེམས་ནི་མ་བཅོས་པ། །གནས་ལུགས་ཕྱོགས་སུ་མ་ལྷུང་བས། །དེ་ཡང་རྟོག
iiif viewer powered by OpenSeadragon
