| e-texts navigator |
| Wylie |
6b1 མཚན་མའི་རྣམ་པར་བྱུང་། །དེ་ཡི་སྐད་ཅིག་རང་བཞིན་འབྱུང་འཇུག་པ། །མཚན་མ་སྣང་བ་གསུམ་དུ་མངོན་པར་འབྱུང་། །དེ་བས་ན་འདི་དག་ངེས་པར་རྟོགས་པས་ཇི་ལྟར་འོ་མ་དང་། ཏིལ་དག་གིས་ཡང་དག་པའི་མངོན་པར་འདུ་བྱ་བ་མེད་པ་དང་། ཏིལ་མར་གྱི་འབྱུང་བ་དེ་བཞིན་དུ
6b2 སྔགས་དང་ཕྱག་རྒྱ་མངོན་པར་འདུ་བྱ་བའི་རྡོ་རྗེ་དང་པདྨ་མཉམ་པར་སྦྱོར་བ་མེད་པར་རྣམ་པར་ཤེས་པ་གསུམ་ཉེ་བར་བརྟག་པར་མི་ནུས་སོ། །གང་དུ་རླུང་མེད་ན་ཀུན་གཞི་རྟེན་པ་མེད་པའོ། །གང་དུ་ཀུན་གཞིའི་རྟེན་པ་མེད་ན་རྣམ་པར་ཤེས་པར་མི་འགྱུར་རོ། །རྣམ་པར་ཤེས་པ་ཉིད་མེད
6b3 ན་གང་བྷ་ག་དང་ལིངྒ་ཡང་དག་པར་སྦྱོར་བར་ནུས་པ་མེད་དེ། དེས་ནི་བདེ་བ་ཆེན་པོའི་ཏིང་ངེ་འཛིན་མི་རྙེད་དོ། །ཇི་ལྟར་འོ་མ་བསྲུབས་པ་ལས་མར་དང་། ཇི་ལྟར་ཏིལ་མར་ཏེ། དེ་བཞིན་དུ་རྡོ་རྗེ་ཐབས་ཀྱི་ཡེ་ཤེས་ཉེ་བར་བརྟག་པའི་ཕྱིར་དང་། པདྨ་ཤེས་རབ་ཀྱི་ཡེ་ཤེས་ཉེ་བར་བརྟག
6b4 པའི་ཕྱིར་རོ། །ཡུལ་འཇུག་པ་མེད་ཅིང་། དེ་ལ་སེམས་པ་མེད་པས། རྣམ་པར་ཤེས་པའི་བཞོན་པ་རླུང་མེད་དོ། །དེ་མེད་པས་ཕྱི་རོལ་འབྱུང་བ་ཆེན་པོ་བཞི་དང་། ནང་ཁམས་དང་སྐྱེ་མཆེད་མེད་པར་འགྱུར་ཏེ། སྣང་བ་གསུམ་དུ་དམིགས་པ་ཡང་མི་འབྱུང་བས། ཡང་དག་པའི
6b5 མཐའ་ལ་རབ་ཏུ་འཇུག་པ་མེད་པ་ན། ཟུང་དུ་འཇུག་པར་མི་འགྱུར་རོ། །བྱང་ཆུབ་སེམས་ཀྱི་ངོ་བོ་ཉིད། །བླ་མ་རྡོ་རྗེ་འཛིན་པ་ལ། །མོས་གུས་མཐར་ཕྱིན་གྱུར་པས་ནི། །ལམ་གྱི་རིམ་པ་ཀུན་རྫོགས་པ། །སྒྲིབ་དག་ཡོན་ཏན་ཐོབ་པ་སྟེ། །དབང་གི་རྒྱལ་བ་རྙེད་པ་བཞིན། །ལས
6b6 དང་དངོས་གྲུབ་མ་ལུས་པ། །ཡེ་ཤེས་མི་ཟད་གནས་ཐོབ་བོ། །གང་རྣལ་འབྱོར་ལམ་གྱི་རིམ་པ་ཐམས་ཅད་ཅིག་ཅར་དུ་རྫོགས་པ་བདེ་བ་ཆེན་པོའི་ཏིང་ངེ་འཛིན་གྱིས་ལྷག་པར་མོས་པ་ཙམ་གྱིས། ལས་དང་པོ་པ་ལ་གནས་པར་འགྱུར་ཏེ་ཕྱིར་མི་ལྡོག་པ་ལ་ཡང་གནས་པར་འགྱུར་རོ། །
6b7 དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་གཉིས་པའོ། །སྤྱི་དོན་མདོ་ལྟར་སྟོན་པ་བདག་མེད་པ། །ེ་ནི་ཆོས་ཏེ་བ~ཾ་ནི་གང་ཟག་གིས། །སྟོང་པ་ཞི་བ་དངོས་པོ་མེད་པ་ཉིད། །ཕུང་པོ་ཁམས་དང་སྐྱེ་མཆེད་ཐམས་ཅད་ཀུན། །རང་བཞིན་མེད་པའི་ཆོས
iiif viewer powered by OpenSeadragon
