| e-texts navigator |
| Wylie |
5a1 ནུར་པོ་རྣམས་དང་། དེ་ནས་མེར་མེར་པོ་རྣམས་དང་། ནར་ནར་པོ་དང་། གོར་གོར་པོ་དག་གོ། །དེ་ནས་འདོད་ཆགས་དང་བྲལ་བའི་སྣང་བ་ལས་ཏེ། ཁྲག་གི་གོང་བུ་ལས་མཁྲང་འགྱུར་རྣམས་སོ། །ཁྱབ་འཇུག་རུས་སྦལ་གྱི་རྣམ་པ་ཅན་དེ་དག་ཕ་མའི་ཁུ་ཁྲག
5a2 དག་གིས་བསྐྱེད་པའོ། །དེ་ནས་དབང་པོ་གཉིས་མཉམ་པར་སྦྱོར་བའི་ཆགས་པ་ལས། འདོད་ཆགས་དང་བྲལ་བ་དང་། འདོད་ཆགས་དང་བྲལ་བ་བར་མའི་ཆ་ལས་ཤེས་པར་བྱ་སྟེ། དེ་ལས་རྩ་རྣམས་ལུས་ལ་མངོན་པར་འབྱུང་བ། སྟོང་ཕྲག་བདུན་ཅུ་རྩ་གཉིས་ལ་སོགས
5a3 པ། ཀུན་འདར་མ་དང་། རོ་མ་དང་། དང་། ལྟེ་བ་དང་། སྙིང་ག་དང་། མགྲིན་པ་དང་། སྤྱི་བོ་དང་། གསང་བ་དང་། མཛོད་སྤུའི་འཁོར་ལོ་དག་དང་། ཡང་ན་སུམ་ཅུ་གཉིས་དང་། རྩ་ཁ་གསུམ་པ་དང་། རྩ་ལུ་གུ་རྒྱུད་དང་། རྩ་བའི་མིག་ལྟ་བུ་དང་། རྩ
5a4 བར་ཏ་ཀ་རིན་པོ་ཆེའི་ཕོ་བྲང་དང་། རྩ་རིག་པའི་གནས་དང་། གཞུ་ཆེན་གྱི་དབྱིབས་དང་། བདེ་སྐྱོང་ནོར་བུའི་འཁོར་ལོ་སྟེ། དབྱིབས་ཐ་དད་དུ་མ་ལས་ཡི་གེའི་རྣམ་པ་སོགས་སྲོག་ཏུ་གྱུར་པ་སྙིང་པོར་གནས་པ་ལས། ཁམས་གསུམ་པའི་འགྲོ་བའི་རྒྱུད་དཔག་ཏུ་མེད་པ
5a5 ལས་སྐྱོན་དང་ཡོན་ཏན་མཐའ་དག་གི་རྟེན་ཅན་ཏེ། དེའི་ཕྱིར་ལུས་དང་ལུས་ལས་འབྱུང་བའི་དཀྱིལ་འཁོར་དུ་འཆར་བ་ལ་སོགས་པའི་ཕྱག་རྒྱ་དང་། གསུང་གི་བཟླས་པའི་ཕྱིར་ཕྱག་རྒྱ་དང་། བསྒོམ་པའི་ཕྱག་རྒྱ་གསུམ་དུ་གྱུར་པ་དང་། ཨཱ་ལི་ཀཱ་ལི་ལས་ཡང་དག་པར་འབྱུང་བའི
5a6 སྔགས་དང་སེམས་ཀྱི་ཐབས་སུ་གྱུར་པ་ཤེས་རབ་དང་། མི་ཕྱེད་པས་བདེ་བ་ཆེན་པོ་ལྟར་དམིགས་པའོ། །ཡབ་ཡུམ་བསྲུབས་པའི་བདེ་བ་དེ་ཉིད་ལས། །གནས་སྐབས་དག་ལས་རིགས་ཀྱི་ཆ་ཐོབ་པ། །མངོན་པར་བྱང་ཆུབ་ཡེ་ཤེས་ལྔར་འབྱུང་ལས། །ལུས་རྫོགས་འབྱུང
5a7 བས་བྱ་བ་བྱེད་འགྱུར་བའོ། །ཆོས་རྣམས་ཀུན་ནི་བདག་ཏུ་བསྒྲུབ་པ་དང་། །བདག་ནི་ལྷར་བསྒྲུབ་ལྷ་ཉིད་ཡེ་ཤེས་སོ། །གཟུགས་ལ་སོགས་པའི་ཡུལ་དབང་པོ་གཉིས་ཐབས་སུ་གྱུར་པའོ། །རྡོ་རྗེ་དང་པདྨ་ཡང་དག་པར་སྦྱོར་བ་ནི། སེམས་དང་སེམས་ལས་འབྱུང་བ
iiif viewer powered by OpenSeadragon
