| e-texts navigator |
| Wylie |
4b1 རབ་ཏུ་གསལ་བ་སྟེ། །ཆུ་ཡི་ཟླ་བ་ལྟ་བུར་བསྟན་པའོ། །རང་བཞིན་ཆགས་པ་དང་བྲལ་ལ་སོགས་པའོ། །ཀུན་རྫོབ་གསལ་བ་ལས་ནི་བུད་མེད་དང་། །བྷ་ག་པདྨ་ལྷ་མོའི་ཚོགས་ཀྱི་བརྡའོ། །སྔ་མ་ལྟར་ལས་ཟླ་དབུས་པདྨར་བཅས། །དབྱངས་ཡིག་ཕྱོགས་སུ་བརྐྱང་བ་འོད
4b2 འབར་བ། །མཚམས་སུ་ཟུང་བཅས་བཅུ་གཉིས་རིམ་པར་དགོད། །གསང་སྔགས་འཁོར་ལོ་རིམ་པ་ཀུན་རྫོགས་བྱེད། །དམིགས་བཅས་བཟླས་པ་སེམས་གསུམ་སྒྱུ་མར་འཆར། །འོད་གསལ་ཡེ་ཤེས་ངང་ལས་ཟུང་འཇུག་པའོ། །སྣང་བ་མཆེད་པ་བདེ་བ་སྟེ། །གཟུང
4b3 དུ་མེད་པས་ཆགས་ཞེན་བྲལ། །ཉི་མ་ལྟར་གསལ་ངང་གིས་བདེ། །འགྲོ་འོང་གནས་ཉིད་སྐད་ཅིག་མ། །མཚན་མ་བྲལ་བའི་ཏིང་ངེ་འཛིན། །གོ་འབྱེད་མུན་པ་འཇོམས་པའོ། །སྣང་བ་ཐོབ་པའི་ཡེ་ཤེས་སེམས། །རྣམ་པར་མི་རྟོག་བདག་ཉིད་ཅན། །མ་རིག་དེ་ཉིད་རྣམ
4b4 དག་པ། །མུན་པ་མེད་ཅིང་སྣང་བ་བྲལ། །སྒྲོན་མེ་ལྟར་འཆར་ལྷུན་གྲུབ་པ། །གཡོ་མེད་མི་གཡོ་རྣམ་དག་པའོ། །གནས་མེད་ཆོས་ཉིད་ངང་དུ་དག་།སྟོང་དང་སྟོང་པ་ཆེན་པོ་དང་། །ཤིན་ཏུ་སྟོང་པ་དངོས་མེད་པ། །ཐམས་ཅད་སྟོང་པ་ཟག་པ་མེད། །ཉེ་བར་ཐོབ་པ་སྣང་མེད་པ། །
4b5 མཁའ་ལྟར་དག་པ་འོད་གསལ་བ། །མཉམ་མེད་གཉིས་མེད་ཕྱག་རྒྱ་ཆེ། །ལྷན་ཅིག་སྐྱེས་པ་ཆོས་ཀྱི་དབྱིངས། །ལྷག་མཐོང་དམིགས་པ་ཀུན་ལས་འདས། །ཀུན་ཁྱབ་ཞི་བ་སྤྲོས་མེད་པ། །སྟོང་ཉིད་ངང་ལས་རྟོག་པ་དང་། །མི་རྟོག་མཐའ་ལས་འདས་པ་སྟེ། །ཆོས་ཉིད་ཟབ་དང
4b6 རྒྱ་ཆེ་བའི། །རྒྱ་མཚོ་ཆེན་པོ་རང་དངོས་ལ། །རྩཝ་ཤིང་གཡོ་བཅས་སྣ་ཚོགས་པ། །སྟེང་དུ་ལྷུང་ཞིང་འགྲོ་འོང་ཉིད། །དུ་མས་ཁེབས་ཤིང་བསྐྱོད་གྱུར་ཀྱང་། །རྟོག་མེད་རང་བཞིན་གནས་མེད་པས། །རོ་གཅིག་འགྱུར་མེད་མཁའ་ལྟར་རོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ
4b7 ལས་རབ་ཏུ་བྱེད་པ་དང་པོའོ། །རྣལ་འབྱོར་ལུས་ཉིད་སྒྱུ་མ་རྨི་ལམ་ལྟར། །གནས་ལུས་ངེས་པར་འགྱུར་བ་དེ་ཉིད་ལས། །རྡོ་རྗེ་པདྨ་ཡང་དག་པར་སྦྱོར་བ་ཤེས་རབ་ཀྱི་ཡེ་ཤེས་རབ་ཏུ་འབྱུང་བ་ལས་རང་གི་རྡོ་རྗེ་སྦྱོར་བ་ལས་མེའོ། །མེ་ལས་ཆུ། ཆུ་ལས་ནུར
iiif viewer powered by OpenSeadragon
