| e-texts navigator |
| Wylie |
35b1 ཀུན་ལས་བསྡུས་པ་ལས། རབ་ཏུ་བྱེད་པ་བཞི་བཅུ་པའོ།། །།དེ་ནས་དེ་བཞིན་གཤེགས་པའི་ཚོགས། །དཔག་མེད་འདུས་པ་ཐམས་ཅད་ཀྱི། །རྟག་ཏུ་དགའ་བའི་གཟུགས་ཅན་མཆོག་།བཅོམ་ལྡན་རྡོ་རྗེ་འཆང་ཆེན་གྱི། །གསུང་དབྱངས་རྡོ་རྗེ་སྒྲ་སྒྲོགས་པ། །
35b2 ཉེ་བ་ཉིད་དུ་ཐོས་པ་ཡིས། །བདེ་བ་དང་ནི་ཡིད་བདེ་ཐོབ། །དེ་ཉིད་དུ་ནི་སྐད་ཅིག་ལ། །ཡང་དག་ཏིང་འཛིན་སྒོ་ཐོབ་ཅིང་། །རྨད་བྱུང་ཡེ་ཤེས་དབྱངས་ཀྱིས་བསྟོད། །ཆོས་ཀྱི་དབྱིངས་ལས་མ་གཡོས་ཀྱང་། །ཐུགས་རྗེ་ཚད་མེད་འགྲོ་སྐྱོབ་མཛད། །བྱང་ཆུབ
35b3 ཡེ་ཤེས་གཙོ་ཆེན་པོ། །བདེ་ཆེན་དཔེ་བྲལ་ཕྱག་འཚལ་ལོ། །རྡོ་རྗེ་གསང་བ་མི་འགྱུར་བ། །མཆོག་ཏུ་གྱུར་པ་བདེ་ཆེན་པོ། །ཐབས་དང་ཤེས་རབ་གཉིས་མེད་པའི། །གར་གྱི་བདག་པོ་ཕྱག་འཚལ་ལོ། །དྲག་པོ་མ་རུངས་ཐམས་ཅད་ཀུན། །གསུང་གི་ང
35b4 རོས་ཟིལ་གནོན་ཅིང་། །འཇིགས་བྱེད་བདུད་འདུལ་ཆེན་པོ་ཉིད། །རྒྱལ་བ་རྒྱ་མཚོ་ལ་ཕྱག་འཚལ། །ཆོས་རྣམས་མི་ཟད་མཛོད་ཐོབ་པས། །འགྲོ་བ་ཀུན་ལ་གཏེར་སྦྱིན་མཛད། །དབང་ཕྱུག་བླ་མེད་ཕྱག་རྒྱ་ཆེ། ཅོད་པན་གཙུག་ཏོར་ཕྱག་འཚལ་ལོ། །
35b5 འཇིག་རྟེན་དབང་སྒྱུར་ས་གསུམ་པ། །དྲི་མེད་ནོར་བུ་ཆེན་པོ་སྟེ། །མཚུངས་མེད་སྒྱུ་འཕྲུལ་རྒྱལ་པོ་ཆེ། །བྱང་ཆུབ་སྙིང་པོ་ཕྱག་འཚལ་ལོ། །ཞེས་དེ་བཞིན་གཤེགས་པ་ཐམས་ཅད་ཀྱིས། དཔལ་རྡོ་རྗེ་འཆང་ཆེན་པོ་ལ་ཡང་དག་པར་བསྟོད་པའོ། །དེ་ནས
35b6 བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སོགས་པ་དང་། བྱང་ཆུབ་སེམས་དཔའ་ནམ་མཁའི་སྙིང་པོ་ལ་སོགས་པ་དཔག་ཏུ་མེད་པ་དགའ་མགུ་ཡི་རངས་ཏེ། ཆོས་ཐམས་ཅད་མཉམ་པ་ཉིད་དུ་རྟོགས་པས་ཅི་ཡང་མི་སྨྲ་བར་གྱུར་ཏོ། །དཔལ་ཡེ་ཤེས་རྡོ་རྗེ
35b7 ཀུན་ལས་བསྡུས་པ་ལས་རབ་ཏུ་བྱེད་པ་བཞི་བཅུ་རྩ་གཅིག་པའོ། །སློབ་དཔོན་ཆེན་པོ་ཟླ་བ་གྲགས་པ་ལས་རིམ་པར་བརྒྱུད་པ། དཔལ་ནཱ་རོ་བའི་སློབ་མ་ཁ་ཆེའི་བཎྜིཏ་ཨཱ་ཀ་ར་སིདྡྷི་དང་། ལོ་ཙཱ་བ་དགེ་སློང་ཚུལ་ཁྲིམས་ཀྱིས་ཞུས་ཤིང་གཏན་ལ་ཕབ་པ།
iiif viewer powered by OpenSeadragon
