| e-texts navigator |
| Wylie |
34a1 འབྱུང་བའི་ཟུང་འཇུག་གི་སྐུ་ཐོབ་པར་གྱུར་པའོ། །ཟུང་འཇུག་སློབ་བཞིན་པ་ལ་གནས་པས་ནི། ལྷུན་གྱིས་གྲུབ་པའི་དབྱིངས་ཀྱི་དོན་ནམ་མཁའ་འོད་གསལ་ལས་བྱུང་བའི་ཡེ་ཤེས་ཀྱི་ལྷ་མོ་རིག་མ་དང་། ཡང་དེ་ཉིད་དུ་ཐབས་སྙིང་རྗེ་ཆེན་པོ་དང་ལྡན
34a2 པའི་ཐབས་ཤེས་རབ་གཉིས་མེད་དུ་སྦྱོར་བས་མཉེས་པར་གྱུར་པའི་ངོ་བོ་ཉིད་དོ། །བདུད་འདུལ་བར་མཛད་པས་རིག་མ་ནི་རྣམ་པ་སྒྱུ་མ་ལྟ་བུ་ལས་སྐྱེས་བུ་རྣལ་འབྱོར་པ་དགའ་བ་ཆེན་པོའི་རོལ་པ་ཡེ་ཤེས་མི་འགྱུར་བའི་རྡོ་རྗེ་སྟེ། ཤེས་རབ་པདྨ་ཆོས་ཀྱི་འབྱུང
34a3 གནས་དང་མཉམ་པར་སྦྱོར་བས་ནི་གང་ཞིག་འདི་དག་སྒོམ་པ་ཞེས་སྐུ་རྡོ་རྗེ་དག་པ་དགའ་བའི་སྐད་ཅིག་། གསུང་རྡོ་རྗེ་མཆོག་དགའི་སྐད་ཅིག་།ཐུགས་རྡོ་རྗེ་དག་པ་དགའ་བྲལ་གྱི་སྐད་ཅིག་དང་གསུམ་ལས་རྡོ་རྗེ་སྐུ་གསུམ་གྱིས་མཚན་པ་ནི་སྐད་ཅིག་བཞི་ལ་ལྷན་ཅིག
34a4 སྐྱེས་པ་རོ་མཉམ་བདེ་བ་ཆེན་པོ་ངོ་བོ་ཉིད་ཀྱི་སྐུ་མངོན་དུ་བྱེད་པ་སྟེ། ཁྱུ་མཆོག་བྱང་ཆུབ་སེམས་རྡོ་རྗེ་དེ་ནི་མཉེས་པར་གྱུར་པ། ཟུང་འཇུག་སློབ་བཞིན་པའི་བྱང་ཆུབ་སེམས་དཔའ་གྲགས་ཆེན་ས་བཅུ་པའི་ཏིང་ངེ་འཛིན་ཐོབ་པ་དང་མཉམ་པར་འགྱུར་ཏེ། དུས་དག་པ་ཡེ
34a5 ཤེས་སྐད་ཅིག་བདུན་པ་ལ་གཟི་བརྗིད་ཆེ་བ་ནི། ཡེ་ཤེས་དབང་ཕྱུག་ནུས་པ་རྫོགས་པ་ཐོབ་པར་ཡན་ལག་བདུན་དང་ལྡན་པའི་སྐུ་གསུམ་མངོན་དུ་གྱུར་པས་ལོངས་སྤྱོད་རྫོགས་སྐུ་ཡེ་ཤེས་ཁ་སྦྱོར་དུ་གྱུར་པ་བདེ་བ་ཆེན་པོ་དང་། སྙིང་རྗེ་ཆེན་པོས་འགྲོ་དོན་མངོན་པར་འབྱུང་བ།
34a6 འགོག་པ་མེད་པའི་ཡེ་ཤེས་རྒྱུན་མི་འཆད་པའི་ཕྱག་རྒྱ་ཆེན་པོ་རང་བཞིན་གྱིས་རྣམ་པར་དག་པ་དབྱིངས་དང་ཡེ་ཤེས་དབྱེར་མེད་འཐོབ་པའོ། །སབྷ་ཞེས་བདུན་པའི་སྒྲ་སྟེ་དེས་ཡན་ལག་དང་ལྡན་པར་བརྗོད་པའོ། །དེ་ཉིད་ཀུན་དུ་འོང་ཞེས་དང་། །ཡེ་ཤེས་མཚོན་པའི
34a7 ས་ཐོབ་པ། །རྡོ་རྗེ་འཛིན་པའི་ས་ལ་གནས་པས་མངོན་པར་བྱང་ཆུབ་ཆེན་པོ་ཉིད། བདག་གི་ལུས་ངག་སེམས་རྡོ་རྗེ། །མཉམ་རྗེས་གཉིས་སུ་མེད་པར་ནི། །འགྱུར་བ་མེད་དོན་རབ་རྟགས་དང་། །ཕྱག་རྒྱ་ཆེན་པོ་མངོན་གྲུབ་པའི། །གསང་བ་དབང་ཕྱུག་ཆོ་ག་ནི། །བྱང་ཆུབ
iiif viewer powered by OpenSeadragon
