| e-texts navigator |
| Wylie |
31a1 ཡང་དག་སྡོམ་པ་བསྟན་པའོ། །རླུང་སེམས་འགྱུར་ལྡོག་དུས་གནད་འགྱུར་བ་ཉིད། །རླུང་སེམས་གཅིག་ཏུ་གནས་སམ་ཐ་དད་འགྱུར། །གལ་ཏེ་རླུང་སེམས་གཅིག་ཏུ་མཚུངས་ལྡན་ན། །ཐོག་མར་སྔོན་དུ་འགྲོ་བ་གང
31a2 ཡིན་པ། །འགྲོ་འོང་རིམ་པ་བཞིན་དུ་བྱེད་འགྱུར་ན། །སྔོན་དུ་འགྲོ་བ་གང་ཡིན་དེ་རྗེས་སུ། །འབྲངས་ལས་གང་གང་བྱེད་པ་གང་དེ་སྙེད། །སོ་སོར་བྱེད་དམ་གཅིག་ཏུ་མཉམ་པར་བྱེད། །སོ་སོར་བྱེད་ན་གཅིག་པའི་ཁྱད་པར་ཉམས། །གཅིག་ཏུ
31a3 བྱེད་ན་སྔ་ཕྱི་མེད་པར་འགྱུར། །རླུང་འགགས་ན་ནི་རྟོག་པ་འགག་མི་འགག་།གལ་ཏེ་རྟོག་པ་བཟློག་པར་གྱུར་པ་ན། །རླུང་གིས་ལས་ནི་ཇི་ལྟར་བྱེད་པར་གྱུར། །འབྱུང་བ་རླུང་དང་རང་བཞིན་རྟོག་པ་དག་།མཉམ་དུ་འབྱུང་འཇུག་བྱེད་དམ་མི
31a4 བྱེད་བརྟག་། སྲོག་སྟེ་རླུང་དང་རྣམ་ཤེས་གང་ཡིན་པ། །ཕྱི་རོལ་འབྱུང་བའི་རླུང་ནི་འགགས་པ་ན། །ལུས་ཅན་རྣམས་ཀྱི་སྲོག་ཀྱང་འགག་པར་འགྱུར། །ཕྱི་ཡི་རླུང་དང་ནང་གི་རླུང་དག་ལས། །གཅིག་འགགས་པས་ན་ཕྱི་མ་འགག་འགྱུར་རམ། །
31a5 གཅིག་ནི་ལོག་ན་ཐམས་ཅད་ལོག་འགྱུར་གྲང་། །གཅིག་ནི་ལོག་ཀྱང་གསུམ་པོ་མི་ལྡོག་འགྱུར། །འདི་ཡི་དབྱེ་བ་ཁྱད་པར་རྟོགས་པར་བྱ། །རླུང་སེམས་འགྲོ་ལྡོག་གི་གནས་ལུགས་བསྟན་པའོ། །རྟག་ཏུ་མ་བྱིན་ལེན་པ་ནི། །ཡོན་ཏན་ཡེ
31a6 ཤེས་ཕྲིན་ལས་ཀུན། །དུས་མེད་པར་ནི་ནུས་པས་བླང་། །རྣམ་རྟོག་ལྟུང་བྱེད་མ་ལུས་པ། །རང་བཞིན་ཤེས་པས་རྩ་བ་བཅད། །ཆོས་རྣམས་སྒྱུ་མ་རྨི་ལམ་ལྟར། །གསང་བ་བདེ་ཆེན་གྲུབ་པ་ལ། །རྨད་བྱུང་བདེ་ཆེན་འདོད་ཆགས
31a7 ཉིད། །ཤེས་པས་རང་བཞིན་མེད་པར་སྨྲ། །རྡོ་རྗེ་འཛིན་པར་གནས་པར་སྤྱད། །བཟློག་པ་སྨན་ཉིད་ཡེ་ཤེས་ཆེ། །ལོག་པར་ལྟུང་བར་མི་འགྱུར་རོ། །སྡོམ་པ་ཐབས་དང་ཤེས་རབ་དག་།གཉིས་མེད་ཕྱག་རྒྱ་ཆེན་པོར་ན། དུས་ཀུན་དུ
iiif viewer powered by OpenSeadragon
