| e-texts navigator |
| Wylie |
30a1 པའོ། །ཡང་དག་པར་གསུངས་པ་ཕྱིའི་མངོན་པར་བྱང་ཆུབ་པ་སྟེ། དགོངས་པས་བཤད་པའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས། རབ་ཏུ་བྱེད་པ་སུམ་ཅུ་སོ་གསུམ་པའོ། །དེ་ལ་འདིར་ཆོས་ཐམས་ཅད་ནི་སྒྱུ་མ་དང་མཚུངས
30a2 པ། སྒྱུ་མ་ལྟ་བུར་སྤྱོད་ཅིང་འཇུག་པ་ཉིད། །སྒྱུ་མ་དེ་དག་བྱིན་གྱིས་རླབས་པའི་རིམ་པ་ལས། །མ་དག་པ་ལས་རྣམ་དག་ལྷ་ཡི་སྐུ། །ལུས་ངག་ཡིད་གསུམ་སྒྱུ་མར་ལམ་དུ་འཆང་། །ཕུང་པོ་ཁམས་དང་སྐྱེ་མཆེད་འབྱུང་སོགས་རྣམས། །ཤེས་པ་གཉིས་ལ་དེ་ཉིད་ཡོངས་བསྡུས་ནས། །
30a3 གང་ཞིག་སྟོང་ཆེན་གཉིད་ལོག་གྱུར་པ་སྟེ། །རླུང་གི་བྱེད་པས་རྨི་ལམ་མཐོང་བར་འགྱུར། །རྨི་ལམ་ཡུལ་ལས་བྱེ་བྲག་འཁྲུག་པར་སྣང་། །ཀུན་དུ་རྟོག་པའི་རྒྱུ་འབྲས་རྨི་ལམ་རྟོག་།གང་གིས་མཚན་དང་ཉིན་དུ་གཉིད་འཇུག་པས། །གཉིད་ལོག་སད་པ་ཐ་དད་གྱུར་པ་མིན། །ས
30a4 མཐུག་བསྒྲིབས་པས་རབ་ཏུ་རིང་གཉིད་ལོག་། སྔར་བྱས་འབྲས་བུ་མ་སྨིན་ལས་རྣམས་ཀུན། །དེ་ནས་རླུང་གིས་ལས་རྣམས་འབྱུང་འཇུག་འགྱུར། །སྔོན་ལས་སྨིན་པར་གྱུར་ན་རླུང་སེམས་དག་།འཇིག་རྟེན་འཕོ་བ་གནས་གཞན་དག་ཏུ་འགྲོ། །ཇི་ལྟར་ཕྱོགས་བཅུར་བཞུགས
30a5 པའི་རྒྱལ་བ་རྣམས། །དེ་ཡི་སྐུ་ལ་རྐང་རུས་ཤ་ཁྲག་མེད། །སེམས་ཅན་དོན་དུ་ཁམས་ལ་འཇུག་པར་མཛད། །སྤྲུལ་པ་སྒྱུ་མས་འགྲོ་དོན་མཛད་པ་བཞིན། །དེ་བཞིན་གཉིད་ལོག་སད་གྱུར་རིམ་པས་སེམས། །རྣམ་རྟོག་དྲ་བས་བཅིངས་པས་ཐ་དད་ཅན། །ཆོས་རྣམས་ལས
30a6 ནི་ཡོངས་སུ་མ་འདས་ཕྱིར། བདེན་དང་པ་གཅིག་དང་དུ་མར་མིན། །ཕྱི་རོལ་དོན་དུ་གྱུར་པ་ཅི་ཡང་མེད། །དེ་ཕྱིར་རང་སེམས་སྟོང་ཉིད་ཆོ་འཕྲུལ་ཡིན། །སྒྱུ་མར་སྣང་བ་འཁྲུལ་བ་ལས་བཟློག་བྱ། །ཅིར་སྣང་མེད་བདག་རྟོགས་པར་བྱ། །རྨི་ལམ་དེ་ཉིད་རྟོག་མེད་རང་གསལ
30a7 བ། །འབྱུང་བའི་གནས་ལ་ཁམས་འདུས་སྣང་བ་གང་། །སས་བརྟན་ཆུས་སྡུད་མེས་རྣོ་ངར་ཆགས་པ། །རླུང་གིས་ཡང་ཞིང་གཡོ་བྱེད་མི་བརྟན་པའོ། །ནམ་མཁའ་ལ་འདུས་ལུས་བདེ་ཉམས་བཟང་བ། །བདུད་རྩི་དག་ལས་ནུས་པ་འབྱུང་བ་སྟེ། །གླ་རྩིས་ཞེ་སྡང་བཞི
iiif viewer powered by OpenSeadragon
