| e-texts navigator |
| Wylie |
2b1 རྐྱེན་སྣང་བ། །སྣང་བ་ཐོབ་པ་མི་རྟོག་པ། །དེ་ལས་རང་བཞིན་སེམས་ལས་བྱུང་། །དེ་ལས་སྣང་བ་མཆེད་པ་སྟེ། །ཤིན་ཏུ་གསལ་ཞིང་སྟོང་པ་ཆེ། །སེམས་ལས་འབྱུང་བའི་རྒྱན་དག་ནི། །རྒྱུ་དང་མིག་ཡུལ་དབང་པོ་དང་། །མཚུངས་པའི་དེ་མ་ཐག་པ་ལས། །སེམས
2b2 ཞེས་བྱ་བ་འབྱུང་བ་སྟེ། །དེ་ནི་སྣང་བའི་དོན་དང་ནི། །སྟོང་པ་ཉིད་དུ་གསུངས་པ་ཡིན། །སེམས་ནི་དོན་ལ་གནས་པ་སྟེ། །སེམས་བྱུང་བྱེ་བྲག་རྣམ་པར་སྟོན། །མ་རིག་དེ་ཉིད་ཆོས་ཉིད་དེ། །ཆོས་ཉིད་བདག་ཉིད་མི་གནས་པས། །སྣང་དང་སྟོང་པ་དེ་དག་ནི། །གསུམ་གསུམ
2b3 སྤྲོས་པ་མེད་འབྱུང་བ། །འོད་གསལ་ངང་ལས་འབྱུང་བ་སྟེ། །གསལ་བདེ་སྟོང་པ་དབྱེར་མེད་པས། །རྡོ་རྗེ་བྱང་སེམས་ངོ་བོར་བསྟན། །ཅེས་པས་བསྟན་ཏེ། དེ་ནས་བྱམས་པ་ལ་སོགས་པ་བྱང་ཆུབ་སེམས་དཔའ་དེ་དག་དེའི་དུས་ལ་ཤིན་ཏུ་ངོ་མཚར་ཅན་དུ་ངོ་མཚར་སྐྱེས
2b4 ཏེ་ཅང་མི་སྨྲ་བར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི། སྐུ་དང་གསུང་དང་ཐུགས་རྡོ་རྗེའི་བདག་ཉིད་ཅན་གྱི། བྱང་ཆུབ་སེམས་དཔའ་དེ་རྣམས་ཅང་མི་སྨྲ་བར་གྱུར་པ་གཟིགས་ནས་བཀའ་སྩལ་པ་ཅིའི་ཕྱིར་ཅང་མི་སྨྲ་བར་འདུག་།དེ
2b5 ནས་བྱང་ཆུབ་སེམས་དཔའ་ཆེན་པོ་རྣམས་ཀྱིས། བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ཏེ། མགོ་བོས་གཏུགས་ཏེ་གཞན་ཡང་ཞུས་པ། ཨེ་མ་ཧོ་སྟོན་པ་རྡོ་རྗེ་འཛིན། །རྟོགས་པར་དཀའ་བའི་རྣམ་ཤེས་ནི། །གསུམ་གྱི་དབྱེ་བ་མཆོག་ཟབ་པ། །བཅོམ་ལྡན
2b6 འདས་ཀྱིས་བཤད་དུ་གསོལ། །བདེ་བར་གཤེགས་པས་གསུང་དུ་གསོལ། །དེ་སྐད་ཅེས་ནི་ཞུས་པ་དང་། །བཅོམ་ལྡན་འདས་ཀྱིས་བཀའ་སྩལ་པ། །གང་དག་འོད་གསལ་ལས་བྱུང་དེ་ཉིད་ནི། །སེམས་དང་ཡིད་དང་རྣམ་པར་ཤེས་པ་ཞེས། །ཆོས་རྣམས་ཀུན་གྱི་རྩ་བར
2b7 གྱུར་པ་སྟེ། །ཀུན་ཉོན་མོངས་དང་རྣམ་པར་བྱང་བ་ཡི། །བདག་ཉིད་དེ་ལས་རྟོགས་པ་གཉིས་རིག་བྱེད། །རྣམ་ཤེས་དེ་ཡི་བཞོན་པ་རླུང་ཡིན་ཏེ། །རླུང་ལས་མེ་དང་མེ་ལས་ཆུ་འབྱུང་ཞིང་། །ཆུ་ལས་ས་ཡང་རབ་ཏུ་འབྱུང་བར་བཤད། །དེ་རྣམས་འདུས་ལས་ཕུང་པོ་ལྔ
iiif viewer powered by OpenSeadragon
