| e-texts navigator |
| Wylie |
29a1 ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་སུམ་ཅུ་སོ་གཉིས་པའོ། །དེ་ལས་མངོན་པར་བྱང་ཆུབ་པ་བདེ་བ་ཆེན་པོའི་དབང་ཕྱུག་བསྟན་པའི་ཕྱིར། རྡོ་རྗེ་རྣལ་འབྱོར་པས་རྡོ་རྗེ་ལུས་ཀྱི་ཁྱད་པར་ལ་བསྟན་ནས། རིག་མ་མངོན་པར
29a2 འདུ་བྱ་བ་ལས། མཁའ་གསང་བྱིན་རླབས་དང་ལྡན་པས། ཐབས་དང་ཐབས་ལས་འབྱུང་བའི་རྡོ་རྗེ་ཆོས་འབྱུང་པདྨར་ནུབ་པས། ཤེས་རབ་ཟེ་འབྲུ་རྒྱས་པར་ཟླ་བ་དང་ཉི་མ་ངོ་མཉམ་པར་གྱུར་པས། སྣང་བ་དང་སྣང་བ་མཆེད་པ་དང་སྣང་བ་ཐོབ་པ་དང་། ཉེ་བར་ཐོབ
29a3 པ་ནུབ་པ་ཅན་གྱི་ཡེ་ཤེས་ཀྱི་བསྒྲུབ་པ་ཀུན་ཏུ་བརྩམ་པའོ། །འོད་གསལ་བའི་ཡེ་ཤེས་ཐོག་མ་དང་མཐར་འབྱུང་བ་ཉིད་ཀྱིས་རང་བཞིན་རྣམས་ཀུན་འདར་དུ་ནུབ་ཅིང་རྣམ་པར་དག་པའོ། །སྐྱ་རེངས་འཆར་བའི་ཆ་ནི་མཁའ་སྣང་དག་པའི་ངང་དུ་ཡེ་ཤེས་འཇུག་པ་དང་བཟློག
29a4 པར་གྱུར་པས། སྟོང་པ་བཞི་ལས་འདས་པའི་ཏིང་ངེ་འཛིན་མཆོག་སྟེ། རྒྱུ་ཀུན་ཏུ་བྱང་ཆུབ་སེམས་འཕེལ་བ་ལས། རྐྱེན་རིག་མའི་སྟོབས་ཀྱིས། རྩ་གནས་ཐམས་ཅད་དུ་ཐིག་ལེ་འཕེལ་ཞིང་རྒྱས་པ་ལས། དགའ་བའི་དུས་སུ་རྣམ་པ་སྣ་ཚོགས་པའི་སྐད་ཅིག་མ
29a5 དང་། མཆོག་དགའི་དུས་སུ་རྣམ་པར་སྨིན་པའི་ཁྱད་པར་གྱི་དགའ་བའི་དུས་སུ་རྣམ་པར་ཉེད་པ་ཉིད་དོ། །སྐད་ཅིག་མ་གསུམ་ལས་འདས་པའི་དུས་དེ་མ་ཐག་པ་ལས། ལྷན་ཅིག་སྐྱེས་པའི་དགའ་བ་ལས་མཚན་ཉིད་བྲལ་བའི་སྐད་ཅིག་མ་མངོན་དུ་གྱུར་པ། བདེ་སྟོང
29a6 རོ་མཉམ་གྱི་ཡེ་ཤེས་ཕྱག་རྒྱ་ཆེན་པོ་རབ་ཏུ་མི་གནས་པའི་དོན་ཟུང་འཇུག་ཆེན་པོ་ཐོབ་པར་གྱུར་པའོ། །དེ་ཉིད་ཡོངས་སུ་དག་པ་བླ་ན་མེད་པའི་ཆེ་བ་བསྟན་པ་ལ། རྒྱན་རྣམས་དོན་གྱི་རྒྱན་ཡེ་ཤེས་ཀྱི་ཆེ་བ་བསམ་གྱིས་མི་ཁྱབ་ཏུ་འཆར་ལ། རྣམ་གྲངས་ཡོན་ཏན་གྱི་ཆེ་བ་ཚད་མེད
29a7 པར་འཆོར་བའོ། །རྣམ་པ་ཐམས་ཅད་དུ་རིམ་དང་ཅིག་ཅར་དུ་ཀུན་ཏུ་སྣང་བའོ། །མེ་ཏོག་ནི་གཟུགས་རྡོ་རྗེ་སྤོས་ནི་དྲི་རྡོ་རྗེ་མ་ལ་སོགས་ཀྱིས་སྒྲ་རྡོ་རྗེ། རོ་རྡོ་རྗེ་དང་། རེག་བྱ་རྡོ་རྗེ་མའི་རྣམ་པར་སྣང་བའོ། །རྡོ་རྗེ་སེམས་དཔའ་སྟེ། བྱང་ཆུབ་སེམས་རྡོ་རྗེའི་ཕྲིན་ལས། ཕུང་པོ
iiif viewer powered by OpenSeadragon
