| e-texts navigator |
| Wylie |
27a1 པར་བྱ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་ཉི་ཤུ་རྩ་དགུ་པའོ། །སྤྲོས་པ་མེད་པའི་སྤྱོད་པ་ཡེ་ཤེས་ཀྱི་གྲུབ་པའི་དོན་བསྟན་པའི་ཕྱིར། དབེན་གནས་དབེན་པ་ཡོན་ཏན་ཀུན་དང་ལྡན་པ། ལུས་གནས་སེམས་ཀྱི
27a2 དུར་ཁྲོད་རབ་ཏུ་སྒྲུབ་པ་ཉིད་དུ་བྱ་བ་སྟེ། དངོས་འཛིན་རྣམ་པར་དག་པ་ཉིད་ཀྱིས་སོ། །སྨེ་ཤ་ཅན་ནི་རྟོག་མེད་མའི་ཤ་ལ་རོལ་པ་ཉིད་དེ། ཁྱད་པར་དུ་ཡེ་ཤེས་ཡང་དག་པ་བསྒྲུབ་པ་སྟེ། དུས་རྟག་ཏུ་ཡེ་ཤེས་ཀྱི་ངང་ལས་མི་འདའ་བར་བསྒྲུབ་པའོ། །རིག་མ་ཤེས་རབ
27a3 ཡེ་ཤེས་ལས་སྐྱེས་མ། རྣམ་པ་ཉི་ཤུས་བྱང་ཆུབ་པ་སྟེ་བཅུ་ཕྲག་གཉིས་མ་ཉིད་དོ། །རྡོ་རྗེའི་དཀྱིལ་འཁོར་བསྒོམ་པ་ནི། ཡེ་ཤེས་ཀྱི་སྐུ་བསྐྱེད་པ། འོད་གསལ་ལས་བྱུང་བའི་ལུས་རྟེན་དང་བརྟེན་པར་བཅས་པའི་དཀྱིལ་འཁོར་རྡོ་རྗེ་འཛིན་པ་ཆེན་པོའི་ཕོ་བྲང་དང་ལྡན་པའོ། །
27a4 དེ་ཉིད་ཕུང་པོ་དང་ཁམས་དང་སྐྱེ་མཆེད་རྣམ་པར་དག་པ། དཔལ་རྡོ་རྗེ་འཆང་ཆེན་པོའི་དཀྱིལ་འཁོར་དུ་དམིགས་པའོ། །བཤང་གཅིའི་དམ་ཚིག་ནི་ཡུལ་དང་དབང་པོ་གཉིས་མེད་དུ་སྦྱར་བའོ། །ལ་སོགས་ནི་བདེ་བ་སྟོང་པ་ཉམས་སུ་མྱོང་བའི་ཟས་ཀྱིས་ཁྱད་པར་ཡུལ་ལ་སྤྱོད་པའོ། །
27a5 དེ་རུ་ཆོ་ག་བཞིན་དུ་ཞེས་པ་རྡོ་རྗེ་འཛིན་པ་ཡབ་ཡུམ་རོལ་པ་བདེ་ཆེན་མི་འགྱུར་པ་ཡོངས་སུ་གྲུབ་པའོ། །དེའི་དཀྱིལ་འཁོར་རྟེན་གཞལ་ཡས་ཁང་ཆོས་འབྱུང་དང་། འབྱུང་བ་རིམ་བརྩེགས་དང་བཅས་པ་རྟེན་དང་བརྟེན་པའི་ལྷ་ཚོགས་ཐམས་ཅད་ཡེ་ཤེས་ལས་སྐྱེས་པ། ཡེ་ཤེས
27a6 ལས་བྱུང་བའི་མཚན་ཉིད་བདེ་སྟོང་རོ་མཉམ་དུ་འབྱུང་བའི་ངོ་བོ་ཉིད་ཡོངས་སུ་རྫོགས་པའོ། །རབ་ཏུ་བཟང་བས་ན་འོད་གསལ་བའི་ཡེ་ཤེས་ལས་སྐྱེས་པ། བཞིན་རབ་ཏུ་མཛེས་པ་ཡེ་ཤེས་ཀྱི་དབང་པོ་དང་སྟོབས་ལས་བྱུང་བ་ཉིད་དོ། །རྒྱན་རྣམས་ནི་བྲལ་བ་དང་རྣམ་པར་སྨིན
27a7 པའི་ཆ་ལས་འཕགས་པའི་ནོར་ལས་ཡན་ལག་བདུན་ལྡན་ཡེ་ཤེས་ཀྱི་ཆེ་བས་ཡོངས་སུ་རྫོགས་པའོ། །དཀྱིལ་འཁོར་གྱི་དབུས་སུ་བཞག་པ་ནི། རྡོ་རྗེ་འཛིན་པ་ཉིད་དང་། རེག་བྱ་རྡོ་རྗེ་མ་ཆོས་ཀྱི་དབྱིངས་ཀྱི་རྡོ་རྗེ་མར་གྱུར་པ་རྣམ་པར་བསྒོམ་ཞེས་པའོ། །དཀྱིལ་འཁོར་ལྔའི
iiif viewer powered by OpenSeadragon
