| e-texts navigator |
| Wylie |
26a1 བྱང་སེམས་མི་འགྱུར་ཐོབ། །ལས་ཀྱི་ཕུང་པོ་ལོག་གྱུར་ཅིང་། །མཉམ་པའི་བདེན་པ་ལ་འཇུག་པ། །གཙུག་ཏོར་སྒོ་ནི་ཕྱེ་གྱུར་པས། །འབིགས་བྱེད་བརྟན་པའི་དོན་ཐོབ་པས། །ཡོན་ཏན་དཔག་མེད་མངོན་དུ་གྱུར། །ཐབས་དང་ཤེས་རབ་དབྱེར་མེད
26a2 པ། །དཔལ་ལྡན་རྡོ་རྗེ་འཆང་དུ་གྱུར། །དེ་ཉིད་ཡོན་ཏན་ཕྲིན་ལས་ཚོགས། །རྟོག་མེད་ངང་ལས་ཀུན་དུ་འབྱུང་། །སྐད་ཅིག་མངོན་རྫོགས་ཟུང་འཇུག་པ། །ཏིང་ངེ་འཛིན་ཞེས་བརྗོད་པ་སྟེ། །གསང་ཆེན་གནས་འཐོབ་མངོན་སངས་རྒྱས། །དཔལ་ཡེ་ཤེས་རྡོ་རྗེ་ཀུན་ལས
26a3 བསྡུས་པ་ལས་རབ་ཏུ་བྱེད་པ་ཉི་ཤུ་རྩ་བདུན་པའོ། ། །།དེ་ནས་ཡེ་ཤེས་ཀུན་མཁྱེན་པའི། །གསང་བ་རབ་འབྱམ་གྲུབ་པ་སྟེ། འཇིག་རྟེན་འཇིག་རྟེན་འདས་པ་ཡི། །ཡང་དག་སྦྱོར་བའི་དོན་གྱིས་ནི། །ཐོགས་མེད་ནུས་པ་ལྡན་གྱུར་པ། །བདེན་པ་གཉིས
26a4 བསྲེས་དོན་བསྟན་པའོ། །ཕྲིན་ལས་བཞི་ཡི་བྱེད་པ་ལས། །གྲུབ་ཚུལ་དེ་ཉིད་བསྟན་པའོ། །བཟླས་ཐབས་བཅུ་ཡིས་གྲུབ་པའི་དོན། །སྔགས་རྣམས་ཀུན་གྱི་དེ་ཉིད་ཀྱིས། །ལམ་རྫོགས་ས་རྣམས་མངོན་གྱུར་པས། །བདག་བྱིན་བརླབ་པར་གྱུར་པའོ། །ཚེ་འདི་ཉིད
26a5 དང་བར་དོར་ནི། །ཡེ་ཤེས་དངོས་གྲུབ་ཐོབ་པར་བཤད། །གོང་དུ་འཕོ་བའི་དོན་གྲུབ་བྱེད། །བཅུ་བདུན་ལྷ་ཡི་འཁོར་ལོ་ལས། །གྲུབ་པ་རབ་གསལ་བདེ་ཐོབ་པའོ། །མཚོན་བྱའི་འབྲས་བུ་མངོན་གྲུབ་ན། །མཚོན་བྱེད་ནུས་པ་ཐོགས་མེད་འབྱུང་། །གསལ་བྱ་གསལ
26a6 བྱེད་རྒྱུ་འབྲས་དང་། །བསྐྱེད་བྱ་སྐྱེད་བྱེད་རྒྱུ་འབྲས་སོ། །ངོ་བོ་ཉིད་ཀྱི་རྒྱུ་འབྲས་ལས། །རྒྱུས་ནི་འབྲས་བུ་སྐྱེད་བྱེད་པས། །འབྲས་བུ་རྒྱུ་ལས་འབྱུང་བས་ན། །ཕན་ཚུན་ལྟོས་པའི་རྒྱུ་འབྲས་སོ། །ངོ་བོ་གཅིག་པར་གྲུབ་འགྱུར་ཏེ། །རྒྱུ་འབྲས་རྣམ་པ་ཐ་དད་ཀྱང་། །རིགས
26a7 མཐུན་གནས་ཉིད་མཚུངས་འབྲལ་བས། །གྲུབ་སྡེ་གཅིག་པར་གྲུབ་པའོ། །རྒྱུ་འབྲས་མ་ལུས་རྟེན་འབྲེལ་ཏེ། །དེ་ཉིད་ནམ་མཁའི་ངོ་བོ་ཉིད། །སྟོང་ཉིད་དངོས་པོ་སྣ་ཚོགས་པར། །གནས་ཀྱང་རོ་མཉམ་འགག་པ་མེད། །ཆོས་རྣམས་སྣང་བ་མ་ལུས་ལ། །ནམ་མཁའི་རང
iiif viewer powered by OpenSeadragon
