| e-texts navigator |
| Wylie |
25b1 འཇིག་རྟེན་ལམ། །དེ་ཉིད་མཆོག་ཏུ་བསྟན་པ་ཡིན། །དེ་བཞིན་གཤེགས་ཀུན་བདག་ཉིད་ལས། །རྐྱེན་ལས་འབྱུང་བ་ལམ་གྱུར། །རྣལ་འབྱོར་གསལ་དང་མི་རྟོག་པ། །བདེ་བའི་བྱེད་པ་ལྟ་སྟངས་ལས། །ཀ་ར་ཎ་བཅིངས་ནུས་པས་ནི། །སྲིད་པ་གསུམ་པོ་གཡོ་མི
25b2 འགྱུར། །བིདྷུ་ཀུན་དོར་གནང་སྡོམ་ལས། །མི་འགྱུར་བརྟན་བྱེད་ཡོན་ཏན་ཐོབ། །ལུས་གནས་རྩ་ཡི་ཕོ་བྲང་ལས། །གཡས་པའི་ཉི་མ་རྩོལ་བ་སྟེ། །གཡོན་པ་ཟླ་བ་སྲོག་བཅིང་བ། །འབྱུང་འཇུག་གནས་པ་ལམ་བསྟན་པའོ། །དབུ་མར་བྱང་སེམས་རྟེན་བྱེད་པ། །ཀུན
25b3 འདར་ངེས་གནས་འཕོ་མེད་བཟུང་། །མཚན་མར་མི་འགྱུར་མཆོག་གི་རྩ། །ལས་ཀྱི་རླུང་སྒོམ་བྱེ་བྲག་པ། །འགོག་པས་མུན་པ་སྒྲ་གཅན་འཛིན། །གསང་བའི་སྣ་རྩེའི་སྟེང་འོག་ཏུ། །འབྱུང་བ་རྐྱེན་རླུང་སྣང་བ་གྲོགས། །སྒོ་ལྔ་བཟློག་ལས་གནས་པར་བྱ། །ཡེ་ཤེས་སྒྲོན
25b4 མེ་སྣང་བ་སྐྱེ། །རྣལ་འབྱོར་གང་ཞིག་མངོན་གྱུར་པས། །རླུང་སེམས་རྣམ་དག་རྟགས་འཆར་པ། །ཡང་ན་འཕོ་ཚེ་ལམ་འཐོབ་འགྱུར། །དེ་ལས་རང་བཞིན་དག་པའི་ཚེ། །འོད་གསལ་ངང་ལས་སྤྲོ་བསྡུ་ཉིད། །དབུ་མའི་ལམ་ནས་འཇུག་པར་འགྱུར། །བདེ་བའི་ཐིག
25b5 ལེ་ཐབས་དང་ནི། །ཡེ་ཤེས་མེ་ནི་ཤེས་རབ་ཆེ། །གཉིས་མེད་དྷཱུ་ཏཱིའི་ནང་ཞུགས་པས། །བདུད་རྩི་མི་འཕོ་གསང་ལམ་གནས། །དེ་ཉིད་དུ་ནི་སྲོག་བརྟེན་ཅིང་། །འཛིན་པ་ཡེ་ཤེས་ལམ་གྱུར་པའོ། །དེ་ལས་གཏུམ་མོ་འབར་གྱུར་ཞིང་། །ལས་རླུང་གྱེན་ལོག་ལྟེ་བར་ཕྱིན། །
25b6 ཧོ་ལས་བདུད་རྩི་འབར་འཛག་གྱུར། །མགྲིན་པར་དགའ་བ་སྙིང་གར་ནི། །མཆོག་དགའ་ལྟེ་བར་ཁྱད་པར་ཅན། །གསང་བར་མི་ལྡོག་ལྷན་ཅིག་སྐྱེས། །མཆོག་ཏུ་མི་འགྱུར་འཐོབ་པའོ། །དེ་ཉིད་ཡེ་ཤེས་རྗེས་དྲན་གཅེས། ལུས་ངག་ཡིད་དང་ཡེ་ཤེས་ཞི། །ཕྱག་རྒྱའི་དེ་ཉིད
25b7 མངོན་གྱུར་པའོ། །ཤེས་པ་དག་ནི་རྣམ་དག་པ། །ལྟེ་བར་འདོད་ཆགས་རྟོག་པ་དག་།སྙིང་གར་གཉིད་ཀྱི་རྟོག་བཞི། མགྲིན་པར་རྨི་ལམ་ཤེས་པ་དག་།དཔྲལ་བར་སད་པའི་ཤེས་པ་སྤངས། །ལས་རླུང་རྩ་ཡི་འཁོར་ལོ་ཡི། །ཐིག་ལེར་གནས་པ་རྟེན་དང་ནི། །བརྟེན་པ
iiif viewer powered by OpenSeadragon
