| e-texts navigator |
| Wylie |
25a1 དབང་། །དམ་ཚིག་ཤ་ལྔའི་ཡོན་ཏན་ཚུལ། །དེ་ལས་དངོས་གྲུབ་དབང་ཕྱུག་འཐོབ། །མངོན་གྱུར་འབྲས་བུ་ཕྲིན་ལས་འགྲུབ། །ད་ནི་བསྙེན་བསྒྲུབ་ཡན་ལག་བཞི། །རྡོ་རྗེ་རྣམ་བཞི་ལྷ་ཡི་སྐུ། །ལུས་དབེན་རྡོ་རྗེ་བཟླས་པ་དང་། །སྣང་གསུམ་སྒྱུ་ལུས་འོད
25a2 གསལ་བ། །སོ་སོར་བསྡུས་པ་བསམ་གཏན་ལམ། །སྲོག་རྩོལ་འཛིན་པ་དེ་བཞིན་ཉིད། །རྗེས་དྲན་ཡན་ལག་ཏིང་འཛིན་སྟོབས། །ཟུང་འཇུག་རིམ་པ་བསྟན་པ་ལས། །རིགས་ཀྱི་ཆ་ལས་དེ་ཉིད་གནས། །རྒྱུ་རྐྱེན་ལམ་དང་ནུས་འབྲལ་གང་། །མངོན་འགྱུར་ལྟ་སྟངས
25a3 སྤྱོད་ཡུལ་ཀུན། །རིམ་གྱིས་འཆར་དང་ཅིག་ཅར་བ། །དེ་ཉིད་ཐོད་རྒལ་རིམ་རྟོགས་བྱ། །ཚེ་འདིར་སངས་རྒྱས་ལམ་དང་ནི། །བར་དོར་དངོས་གྲུབ་འབྱུང་ལམ་དང་། །སྒོ་གསུམ་བྱིན་བརླབས་རྡོ་རྗེ་ཡི། །སྨོན་ལམ་ཕྱི་དུས་འགྲུབ་པར་གྱུར། །བསམ་གཏན་གནས
25a4 པ་དབང་པོ་ཐབས། །ཡུལ་ཉིད་ཤེས་རབ་ཏིང་ངེ་འཛིན། །དབྱེར་མེད་སྦྱོར་བ་གསང་གནས་ཏེ། །དུས་གསུམ་ལས་འདས་རྟོག་པའོ། །རྣམ་ཤེས་དེ་ཉིད་གསལ་བ་ལས། །མ་འགགས་ཡུལ་རྗེས་མི་འབྲང་ཞིང་། །མི་གཡོ་ཉོན་མོངས་ལས་དག་པ། །རྣམ་པར་སྤྱོད
25a5 པ་བྱེ་བྲག་གསལ། །རྣམ་པར་མི་རྟོག་དམིགས་མེད་པ། །མི་འཁྲུལ་ལུས་སེམས་ཐ་མི་དད། །ཚོར་བ་ལས་འདས་དགའ་བ་ཉིད། །འཕྲོ་བ་མེད་པས་སེམས་གནས་པའོ། །ཟུག་རྔུའི་རྡུལ་མང་རྣམ་འཚེ་དག་།སྒོ་གསུམ་ངང་དུ་དུལ་ཞིང་ཞི། །བདེ་བ་ཟག་མེད་ཆོས་ཉིད
25a6 གནས། །འདུ་འབྲལ་མེད་པར་གྱུར་པས་སོ། །རབ་ཏུ་དུལ་བ་རྣམ་ཤེས་ཚོགས། །དག་གྱུར་ཤེས་བྱ་ཆོས་ཀྱི་ཁམས། །ཟད་ཅིང་གཟུང་འཛིན་རྣམ་དག་པས། །སྟོང་ཉིད་ཡེ་ཤེས་རྩེ་གཅིག་པ། །རྣམ་པ་ཀུན་དུ་མི་ལྡོག་པས། །མཚན་མ་མེད་པ་བྱང་ཆུབ་པའོ། །སྣང་བ
25a7 ཐོབ་པ་སྟོང་པ་ཉིད། མཆོད་པ་སྟོང་ཆེན་གྱུར་པ་སྟེ། །སྣང་ཙམ་ཐམས་ཅད་སྟོང་པ་དང་། །ཉེར་ཐོབ་ཐམས་ཅད་སྟོང་པ་ཉིད། །དག་པ་རབ་གསལ་མཆོག་གྱུར་པས། །རོ་གཅིག་གྱུར་པ་ལུགས་འབྱུང་དང་། །ལུགས་བཟློག་རྟོག་ཚོགས་ཞི་བ་སྟེ། །སངས་རྒྱས་ཀུན་དངོས
iiif viewer powered by OpenSeadragon
