| e-texts navigator |
| Wylie |
24b1 དུ་བྱིན་བརླབས་ཤིང་། །བདེ་བ་ལམ་བྱེད་ཚེ་འདི་དང་། །བར་དོར་ཡེ་ཤེས་མངོན་དུ་བྱེད། །བླ་མ་ལས་ནི་གྲོལ་སྤྱོད་འཐོབ། །མངོན་སུམ་རྟེན་འབྲེལ་ཁྱད་པར་རོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་ཉི་ཤུ་རྩ་ལྔ་པའོ། །དེ་ནས་རང་བཞིན་རྟོག
24b2 པ་ནི། །དཔེར་ན་རྒྱ་མཚོ་ཆེན་པོ་ལ། །བྱ་ཡི་ཚོགས་རྣམས་རྒྱུ་བ་ཀུན། །འགྲོ་འོང་དུ་མ་བྱེད་གྱུར་ཀྱང་། །རྒྱ་མཚོ་གཡོ་བ་མེད་པ་བཞིན། །སྣང་བ་གསུམ་གྱི་ཡེ་ཤེས་ལ། །གོས་པ་མེད་ཅིང་རྟོག་པ་མེད། །རྩ་རྣམས་རྣམ་པར་དག་པས་ནི། །གཏུམ་མོ་ཡེ་ཤེས་མེ་འབར་བའོ། །
24b3 རླུང་ནི་སྲོག་རྩོལ་དག་པ་ན། །སྒྱུ་མ་སྨིག་རྒྱུ་ཆུ་ཟླར་འཆར། །ཐིག་ལེ་དག་པར་གྱུར་པ་ན། །འོད་གསལ་བདེ་བ་ཆེན་པོར་འཆར། །བག་ཆགས་རྟོག་པ་དག་པ་ལས། །རྨི་ལམ་སངས་རྒྱས་ཞིང་ཁམས་མཐོང་། །ཡི་གེ་དག་ཅིང་ཁམས་དངས་པས། །མཁྱེན
24b4 པ་བརྐྱང་བས་རྣམ་གྲོལ་འཐོབ། །སེམས་གསུམ་ཞིག་ནས་ཆ་དང་ནི། །སེམས་གསུམ་ལྷག་མཐོང་གང་ཡིན་པ། །རྣལ་འབྱོར་པ་ལ་ངེས་པར་འཆར། །རྟོག་པའི་རྦ་རླབས་ངང་གིས་ཞི། །སྣང་བ་སྐྱེ་བ་མེད་པ་སྟེ། །སྣང་བ་ཐོབ་པ་འགག་པ་མེད། །སྣང་བ་མཆེད
24b5 པ་མི་གནས་ཤིང་། །གནས་པ་མེད་པས་མི་རྟག་པ། །ཉེར་ཐོབ་སྟོང་ཉིད་དོན་གནས་པའོ། །འོད་གསལ་ཆོས་ཉིད་དེ་བཞིན་ཉིད། །མཁའ་ལྟར་དག་པ་བདེ་བ་ཆེ། །མ་འགགས་དྲི་མ་མེད་ཞི་བ། །དོན་དམ་ཕྱག་རྒྱ་ཆེན་པོ་ཉིད། །ས་ལམ་ནུས་པ་ཀུན་རྫོགས་པ། །
24b6 སློབ་པའི་ཟུང་འཇུག་སྙིང་པོ་ཉིད། །རྡོ་རྗེ་སྒོ་གསུམ་རྣམ་དག་པས། །མི་སློབ་ཟུང་འཇུག་མངོན་དུ་གྱུར། །དེ་ཉིད་མཐར་ཕྱིན་བླ་མེད་པའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་ཉི་ཤུ་རྩ་དྲུག་པའོ། །དེ་ནས་དཔལ་ལྡན་རྡོ་རྗེ་འཆང་། །འཇམ་པའི
24b7 རྡོ་རྗེའི་ཏིང་འཛིན་གྱིས། །བསམ་གཏན་གཉིས་ཀྱིས་ཡེ་ཤེས་འཇུག་།དེ་ཡི་ཁྱད་པར་བཅས་པ་བསྟན། །རིག་པ་འཛིན་པ་ལྔ་གྲུབ་པ། །རྣལ་འབྱོར་དངོས་གྲུབ་ཐོབ་འགྱུར་བཤད། །འབྲུ་གསུམ་བདུད་རྩི་རིལ་བུ་ཡི། །ཡོན་ཏན་ནུས་པ་མྱུར་གྲུབ་བྱེད། རྡོ་རྗེ་དགུག་པའི་ཕྲིན་ལས
iiif viewer powered by OpenSeadragon
