| e-texts navigator |
| Wylie |
24a1 པའོ། །ཡེ་ཤེས་མངོན་པར་འབྱུང་བ་ལས། །སྔགས་ཀྱིས་ལྷ་ཡི་སྐུ་བསྐྱེད་པ། །མངོན་པར་བྱང་ཆུབ་རྣམ་ལྔ་ལས། །རྡོ་རྗེ་འཆང་ཉིད་གྲུབ་བྱེད་པའི། །བདེན་གཉིས་རྣམ་དག་རྒྱུ་འབྲས་ཏེ། །ཡོངས་སུ་དག་པའི་སྐུར་རྫོགས་བྱེད། །རིགས་ཀྱི་ལྷ་ཡི་རྣལ
24a2 འབྱོར་པ། །རིམ་པ་ཇི་བཞིན་རྫོགས་བྱེད་པ། །སྔགས་ཀྱིས་བསྐྱེད་པའི་རྣལ་འབྱོར་རོ། །ཡེ་ཤེས་ཀྱིས་ནི་སྐུ་བསྐྱེད་པ། །རྡོ་རྗེ་འཆང་ཉིད་རྣལ་འབྱོར་པ། །སྒྱུ་མ་སྟོང་ཉིད་འཇུག་པ་སྟེ། །དངོས་པོས་མཐོང་བར་མི་འགྱུར་རོ། །ཁམས་གསུམ་བརྟན་གཡོ་བདག
24a3 ཉིད་བཅས། །རིལ་འཛིན་རྗེས་གཞིག་ཏིང་འཛིན་གྱིས། །ཐམས་ཅད་འོད་གསལ་གནས་འཇུག་པ། །ཡེ་ཤེས་ཟུང་འཇུག་ཐོབ་འགྱུར་བའོ། །བྱང་ཆུབ་སེམས་དཔའི་ཏིང་འཛིན་གྱིས། །མངོན་ཤེས་སྒྲུབ་བྱེད་ས་བོན་བཅས། །དེ་ལས་ཡང་དག་རབ་གྲུབ་འགྱུར། །
24a4 དེ་བཞིན་གཤེགས་པ་ཐམས་ཅད་ཀྱི། །སྐུ་གསུང་ཐུགས་ཀྱི་ཕྲིན་ལས་སྟོབས། །མཚུངས་མེད་ཡོན་ཏན་རྒྱ་མཚོ་སྟེ། །མི་ཟད་རྒྱན་གྱི་འཁོར་ལོ་མཆོག་།ཱ་ལི་བཅུ་གཉིས་དབྱངས་ལྡན་པ། །འབྱུང་བ་ལྔ་ཡི་རླུང་གིས་ནི། །ལྷ་མོ་ལྔ་རུ་གྱུར་པ་ལ། །དབྱངས་ཀྱི་ཡན
24a5 ལག་དྲུག་ཅུར་བརྗོད། ཀཱ་ལི་གསལ་བྱེད་ཡི་གེ་ནི། །ཌ་ཌྷ་ད་དྷ་ཡ་ལ་ཏ། །སུམ་ཅུ་རྩ་བཞི་དེ་སྙེད་ལས། །དྲུག་བཅས་བཞི་བཅུ་ཉིས་འགྱུར་ལས། །དཔེ་བྱད་བཟང་པོ་བརྒྱད་ཅུར་འགྱུར། །རང་བཞིན་དག་པས་གནས་འགྱུར་བའོ། །ཡང་ན་དབྱངས་ཡིག་ཉིས་འགྱུར
24a6 བཅས། །མཚན་མཆོག་སུམ་ཅུ་རྩ་གཉིས་པོ། །འགྲུབ་འགྱུར་རྒྱུ་རྐྱེན་ཉེར་ལེན་ལས། །རྒྱུ་འབྲས་མངོན་དུ་གསལ་བར་འབྱུང་། །རྫོགས་སངས་རྒྱས་ཀུན་ཡོན་ཏན་ནི། །འཁོར་ལོས་སྒྱུར་ལས་ཁྱད་འཕགས་པ། །མཛོད་སྤུ་སྨིན་མཚམས་འོད་འབར་བ། །གསང་བ
24a7 སྦུབས་སུ་ནུབ་པ་དང་། །གཙུག་ཏོར་ལྟ་བས་མི་མངོན་པ། །འོད་ཟེར་དཀྱིལ་འཁོར་ཁྱབ་བྱེད་པ། །དབང་གི་ནུས་པ་བརྟན་གྱུར་པས། །གཟུགས་སྐུའི་ཡོན་ཏན་རྒྱུ་འབྲས་ཀྱི། བྱེད་ལས་སྟོབས་ལྡན་འབྱུང་འགྱུར་ཉིད། །གསང་སྔགས་ཟབ་དང་རྒྱ་ཆེ་བ། མྱུར་བ་ཉིད
iiif viewer powered by OpenSeadragon
