| e-texts navigator |
| Wylie |
23b1 དགོངས་ཏེ་གསུངས་པ་གང་ལ་གང་། །སྔོན་བྱུང་རྗེས་འཇུག་ལྡེམ་དགོངས་ཉིད། །གསལ་བ་གཞན་ལས་ཁྱད་པར་གྱུར། །དཀྱིལ་འཁོར་དབུས་དབྱུང་རིགས་བསྡུས་པའི། །དེ་ཉིད་རྒྱལ་བ་བསླང་བར་མཛད། །གཅོད་བྱེད་རྡོ་རྗེ་བཟླས་པ་སྟེ། །མ་བྱིན་ལེན་པ
23b2 སེམས་དམིགས་ཀྱིས། །མི་ཚངས་སྤྱོད་པའི་འོད་གསལ་བ། །སྒྱུ་མས་དུ་སྨྲ་བ་ཉིད། །ཟུང་འཇུག་རབ་ཏུ་མི་གནས་པས། །ཚིག་རྩུབ་དངོས་འཛིན་ཟློག་པར་བྱེད་པའོ། །ལས་རླུང་ཅུང་ཟད་དུལ་བར་གྱུར་པ་ཡིས། ཡེ་ཤེས་རླུང་གི་ནུས་པ་རྙེད་གྱུར་ནས། །
23b3 ཏིང་འཛིན་གསལ་ཞིང་ཕྲ་རབ་འཇུག་པ་ཉིད། །ཀུན་འདར་དུ་ནི་སྲོག་རྩོལ་རབ་སིམ་གྱུར། །དབུ་མར་གནས་པས་འབྱུང་འཇུག་གཡོ་མི་འགྱུར། །དེ་ལས་ཡེ་ཤེས་འོད་ཟེར་གློག་ལྟ་བུ། །ཀུན་ནས་འབྱུང་བ་དེ་ཉིད་ཐིག་ལེའི
23b4 དབུས། །དཀར་དམར་གོང་བུ་འདྲེས་པའི་བྱང་ཆུབ་སེམས། །འབྱུང་བའི་སྒོ་དང་འཇུག་པའི་སྒོ་ཉིད་ནི། །མི་འཕོ་རི་བོང་འཛིན་པ་ཟླ་རྒྱས་པས། །སྣ་ཡི་བུ་ག་གཡས་གཡོན་རྣལ་འབྱོར་པའི། །གཅིག་ནས་འབྱུང་ཞིང་གཅིག་ཏུ་འཇུག་པ་ནི། །ཚིམ་བྱེད་བདེ་གནས་སྙིང
23b5 གི་ལྟེ་བར་ནི། །གནས་པ་རྡོ་རྗེ་འཛིན་པའི་སྙིང་པོ་ནི། །བསྐུལ་བར་གྱུར་པའི་བདེ་གཤེགས་ཐམས་ཅད་ལ། །ཕྱོགས་བཅུར་མཆོད་ནས་དགྱེས་པར་གྱུར་པ་ལས། །བདུད་རྩི་སྤྱན་གྱི་མཛོད་སྤུ་ནས་ཕྱུང་སྟེ། །འཇུག་པ་རྣལ་འབྱོར་སྤྱི་གཙུག་འཁོར་ལོར་ཞུགས། །མགྲིན
23b6 པར་ལོངས་སྤྱོད་ཐུགས་ཀར་ཐིམ་གྱུར་པས། །བྱང་ཆུབ་ཆེན་པོ་ཨ་བ་དྷཱུ་ཏཱི་ར་གནས། །དེ་ཉིད་སྤྲོས་མེད་བདུད་རྩི་རབ་རྒྱས་པས། །གནས་བཅུར་ཁྱབ་པ་ཀུན་འདར་མི་ལྡོག་གྱུར། །བདེ་བ་ཆེན་པོའི་སྙིང་པོ་བསྐུལ་བ་ནི། །སྐུ་གསུང་ཐུགས་ཀྱི་རྡོ་རྗེ་རོ་མཉམ་པས། །བྱང་སེམས
23b7 རྡོ་རྗེ་ཉིད་དུ་མཆོག་མངོན་འགྱུར། །རྒྱལ་སྲས་ཐམས་ཅད་རབ་ཏུ་དགྱེས་གྱུར་པས། །ཡེ་ཤེས་སྙིང་པོ་ནུས་པ་བརྟན་བྱེད་འགྱུར། །འདི་ནི་ཡེ་ཤེས་ཕོ་ཉ་མཆོག་གིས་ནི། །སྐད་ཅིག་ཉིད་ལ་བྱང་ཆུབ་མངོན་དུ་བྱེད། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་ཉི་ཤུ་རྩ་བཞི
iiif viewer powered by OpenSeadragon
