| e-texts navigator |
| Wylie |
22b1 རིགས་ལྡན་མཆོད་པ་བླ་ན་མེད་པ་སྟེ། །དྲན་པ་གཅིག་པ་ནས་ནི་ལུས་དབེན་པར། །རགས་པའི་ཏིང་འཛིན་སློབ་དུས་མཉམ་རྗེས་ལས། །ཡུལ་ལྔ་གཟུགས་ཀྱི་རྡོ་རྗེ་མ་ལ་སོགས། །ས་ཡི་སྙིང་པོ་ལ་སོགས་དབང་པོ་ལྔ། །ཡབ་ཡུམ་ལྷར་བརྟེན་སློབ་པ་སྤྱོད་པ་སྟེ། །
22b2 གཟུང་འཛིན་མ་སྤངས་སྤྲོས་པ་ལྡན་པའི་ཕྱིར། །སྤྲོས་བཅས་སྤྱོད་པ་ཞེས་ནི་གྲགས་པའོ། །མཆོད་ཡུལ་རིགས་ལྔ་རྣམ་སྣང་ལ་སོགས་པ། །མཆོད་རྫས་ཡུལ་ལྔ་ལྷ་དང་ལྷ་མོར་སྣང་། །མཆོད་བྱེད་སྤྲོས་བཅས་སྤྱོད་པ་ལ་གནས་པ། །མཆོད་ཐབས་སོ་སོར་རིགས་ཀྱིས
22b3 མཆོད་པའོ། །རྟེན་སློབ་སྤྲོས་མེད་དག་དབེན་སེམས་དབེན་ལྡན། །བདག་བྱིན་བརླབས་པས་ཏིང་འཛིན་ཕྲ་བས། །སློབ་མ་མཉམ་རྗེས་ཐབས་དང་ཤེས་རབ་དག་།གཉིས་མེད་རྟེན་པའི་ལུས་སེམས་བརྟེན་སློབ་པ། །མཆོད་བྱ་རིགས་ཀྱི་བདག་པོ་ལྔ་སོགས་སོ། །མཆོད
22b4 དངོས་རྣམ་གསུམ་ཁྱད་པར་དག་ཏུའོ། །མཆོད་བྱེད་རྣལ་འབྱོར་གྱིས་ནི་ཐབས་བཅས་མཆོད། །རྟེན་སློབ་ཤིན་ཏུ་སྤྲོས་མེད་འོད་གསལ་ནས། །སྒྱུ་ལུས་དག་པའི་བར་དུ་ཏིང་འཛིན་ནི། །ཤིན་ཏུ་ཕྲ་བ་སློབ་པ་མཉམ་རྗེས་ལ། །བསམས་པས་ཐབས་དང་ཤེས་རབ་དབང
22b5 པོ་དང་། །ཡུལ་ལྔ་གཉིས་མེད་རང་བཞིན་མེད་པར་བསླབ། །སྤྲོས་པ་རྣམ་པར་བྱེད་པ་དེ་ཡི་ཕྱིར། །ཤིན་ཏུ་སྤྲོས་མེད་དེ་ལ་བྱེ་བྲག་ཏུ། །མཆོད་བྱའི་ཡུལ་ནི་ཡེ་ཤེས་སྐུ་འབྱུང་བ། །མཆོད་བྱེད་གང་ཟག་སྒྱུ་མར་གནས་པས་སོ། །དོན་ནི་སྣང་གསུམ་སྒྱུ་མར་ལྡན་པ་ལས། །
22b6 མཆོད་དངོས་སྒྱུ་མའི་འདོད་ཡོན་ཉིད་ཡིན་ནོ། །མཆོད་པའི་ཐབས་ནི་བསམ་གཏན་གཉིས་ཀྱིས་ནི། །འོད་གསལ་ངང་དུ་ཐིམ་པ་དེ་ཉིད་དོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་ཉི་ཤུ་རྩ་གཉིས་པའོ། །རྗེས་སུ་མདོར་བསྟན་དྲུག་གིས་ནི། །
22b7 དབེན་པ་གསུམ་དང་སྒྱུ་ལུས་དང་། །འོད་གསལ་སྔོན་འགྲོ་རྒྱུ་དག་ལས། །ཏིང་འཛིན་ལས་སྤྱོད་དེས་སྤྱོད་པའི། །སྙོམས་འཇུག་རིམ་པ་གཉིས་ལྡན་ལས། །དག་པའི་སྒྱུ་ལུས་རྫོགས་རིམ་གྱི། །རིགས་ལྔའི་གསང་བའི་སྤྱོད་པ་ལས། །སློབ་བཞིན་ཟུང་འཇུག་ཡེ་ཤེས
iiif viewer powered by OpenSeadragon
