| e-texts navigator |
| Wylie |
21a1 བྱང་ཆུབ་ཀྱི་ཡན་ལག་གིས་སོ། །དངོས་པོ་མེད་པ་སྟོང་པ་ཉིད་དང་། ངོ་བོ་ཉིད་སྟོང་པ་ཉིད་ནི་དྲན་པ་ཡང་དག་པས་སོ། །དངོས་པོ་མེད་པའི་ངོ་བོ་ཉིད་སྟོང་པ་ཉིད་ནི། བཏང་སྙོམས་ཡང་དག་པ་བྱང་ཆུབ་ཀྱི་ཡན་ལག་དང་ལྡན་པས་སོ། །སྐད་ཅིག
21a2 མ་སྟེ་ཆོས་ཉིད་བདེན་པའི་དོན་ཏོ། །དེ་ནས་བྱང་ཆུབ་སེམས་དཔའ་ནམ་མཁའི་སྙིང་པོས་གསོལ་པ། མགོན་པོ་བྱམས་པ་ལ་ཅུང་ཟད་ཅིག་བཞེངས་ལ་བཟོད་པར་གསོལ་ནས། བཅོམ་ལྡན་འདས་ལ་ཞུས་པ། བདག་ཟབ་དོན་ཅུང་ཟད་ཅིག་ཞུ་བས། སྐབས
21a3 དབྱེ་བར་གསོལ་ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེའི་དུས་ལ་བབ་པར་ཤེས་ན་ཅི་རིགས་པར་ཞུས་ཤིག་།ངས་ལེགས་པར་བསྟན་པར་བྱའོ་ཞེས་གསུངས་སོ། །དེ་ནས་བྱང་ཆུབ་སེམས་དཔའ་ནམ་མཁའི་སྙིང་པོས་གསོལ་པ།
21a4 གསང་བ་ཆེན་པོའི་རྒྱུད་འདི་ཡི། །དགོངས་པ་ཟབ་ཅིང་རྒྱ་ཆེ་བས། །གཏིང་དཔག་དཀའ་བར་གྱུར་པས་ན། །ཟབ་དོན་སྙིང་པོ་གསུང་དུ་གསོལ། །ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། །ནམ་མཁའི་སྙིང་པོ་ཤིན་ཏུ་ལེགས། །གསང་ཆེན་དེ
21a5 ཉིད་གོང་འོག་ཏུ། །སྔ་ཕྱིའི་རིམ་པའི་ཁྱད་པར་ཀུན། །བཤད་ཀྱིས་གུས་པས་ལེགས་པར་ཟུང་། །གསང་བའི་དེ་ཉིད་བླ་ན་མེད། །རྒྱུ་འབྲས་ཟབ་ཅིང་རྒྱ་ཆེ་བ། །ཐབས་དང་ཤེས་རབ་འདུས་པའི་རྒྱུད། །ཟུང་འཇུག་བདེ་ཆེན་བསྟན་པར་བྱ། །ཐོག་མ་བར་དང
21a6 མཐའ་དགེ་བ། །བྱང་ཆུབ་སེམས་མཆོག་བསྟན་པ་ཉིད། །གཞི་དང་དངོས་པོའི་ཁྱད་པར་དང་། །ལམ་བྱེད་ནུས་པ་ཕྲིན་ལ་སོགས། །འབྱུང་གནས་ཡེ་ཤེས་བསྟན་པ་ལ། སྨོན་བ་དང་ནི་འཇུག་སེམས་བསྐྱེད། དོན་དམ་བསྟན་པའི་བྱང་ཆུབ་སེམས། ཡང་དག་དོན
21a7 གྱི་སེམས་བསྐྱེད་པ། ཀུན་ཏུ་བཟང་པོའི་ཏིང་འཛིན་ལས། །སྤྱི་བོར་པདྨ་ཟླ་ཉི་ལ། །འཁོར་ལོ་ཨོཾ་དཀར་འོད་འཕྲོ་བ། །མགྲིན་པར་པད་དམར་ཨཱཿའོད་འབར། །ཐུགས་ཀར་ཟླ་བ་རྡོ་རྗེ་ནི། །དཀར་པོ་རྩེ་ལྔ་འོད་འཕྲོ་བ། །དངུལ་ཆུའི་མདོག་འདྲའི་ཧཱུ~ཾ་ཡེ་ཤེས། །ཀུན་རྫོབ
iiif viewer powered by OpenSeadragon
