| e-texts navigator |
| Wylie |
20b1 ཀུན་འདར་བྱང་ཆུབ་སེམས་ཀྱིས་བརྟན་གྱུར་པ། །སྒྲོ་འདོགས་གཅོད་བྱེད་དམག་དཔོན་རལ་གྲི་འཛིན་པའོ། །དོན་དམ་ཀུན་རྫོབ་དབྱེར་མེད་རྟ་མཆོག་སྟེ། །དབུ་མ་ཟུང་འཇུག་རབ་ཏུ་མི་གནས་པ། །སྐུ་བཞི་ལྷུན་གྲུབ་ཡེ་ཤེས་རྫོགས་སངས་རྒྱས། །སྦྱང་གཞི་སྦྱོང་བྱེད
20b2 ལྡན་པར་རིམ་པ་ཉིད། །རྡོ་རྗེ་ལུས་ཀྱི་རྩ་གནས་ཐམས་ཅད་ནི། །དབུ་མ་ལ་བརྟེན་ཆ་ཤས་ཕྲ་རགས་གང་། །མཚུངས་གྱུར་རྡོ་རྗེ་གསང་ཆེན་གྱུར་པ་གང་། །ལམ་གྱུར་བདེན་པ་གཉིས་ཀྱི་དེ་ཉིད་ནི། །ཐམས་ཅད་སྡུད་བྱེད་རིམ་པ་རབ་རྫོགས་ལ། །རྡོ་རྗེ་ལྟ་བུའི་ཏིང
20b3 འཛིན་བྱང་ཆུབ་བས། ཐོག་མ་བར་དང་མཐའ་མ་ཀུན་དུ་ཡང་། །དུས་དང་རྣམ་པ་ཐམས་ཅད་རྟེན་བྱེད་པ། །ཁྱབ་ཅིང་གནས་མེད་གནས་ནི་བསམ་མི་ཁྱབ། །རྒྱུ་འབྲས་འགག་མེད་རྟེན་ཅིང་འབྲེལ་འབྱུང་གི། །སྐུ་སོགས་དབང་ཕྱུག་ཡོན་ཏན་ཚད་མེད་པ། །ནམ
20b4 མཁའ་ཁྱབ་པ་ཡང་དག་ཞིང་ཁམས་ཉིད། །ཟུང་འཇུག་གང་དུ་ཐིམ་པ་གནས་གར་འཇུག་།རང་གི་ངོ་བོ་བྱང་སེམས་འགྱུར་མེད་པ། །གཉིས་མེད་རོ་མཉམ་གྱུར་པ་ལམ་དང་ནི། །ལྟ་ལ་སྤྱོད་པ་ཀུན་དུ་ཟུང་འཇུག་པ། །ཐོགས་པ་མེད་པར་འབྱུང་བའི་དཔལ་དང
20b5 ལྡན། །ཡེ་ཤེས་བླ་མེད་དབང་ཕྱུག་བཅུ་གསུམ་ས། །མཐར་ཕྱིན་སྐད་ཅིག་བྱང་ཆུབ་དབྱིངས་ཡེ་ཤེས། །དབྱེར་མེད་བྱང་ཆུབ་ཆེན་པོ་མགོན་པོ་ཉིད། །བདེ་ཆེན་མཉམ་ཉིད་རང་འབྱུང་ཆེན་པོའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་བཅུ་དགུ
20b6 པའོ། ། །།ནང་སྟོང་བ་ཉིད་དང་། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་དང་། སྟོང་པ་ཉིད་སྟོང་པ་ཉིད་ནི་ཏིང་ངེ་འཛིན་གྱིས་བསྡུས་སོ། །ཆེན་པོ་སྟོང་པ་ཉིད་དང་། དོན་དམ་པ་དང་། འདུས་བྱས་དང་། འདུས་མ་བྱས་ནི་བརྩོན་འགྲུས་ཀྱིས་སོ། །མཐའ་ལས་འདས
20b7 པ་དང་། ཐོག་མ་དང་ཐ་མ་མེད་པ་དང་། དོར་བ་མེད་པ་ནི་དགའ་བ་ཡང་དག་པས་སོ། །རང་བཞིན་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་ནི་ཤིན་ཏུ་སྦྱངས་པས་སོ། །རང་གི་མཚན་ཉིད་དང་། མི་དམིགས་པ་ནི། ཆོས་རབ་ཏུ་རྣམ་པར་འབྱེད་པ་ཡང་དག
iiif viewer powered by OpenSeadragon
