| e-texts navigator |
| Wylie |
19b1 བཙུན་མོའི་ལུས་ངག་ཡིད། །ལུས་ནི་སྒྱུ་མ་ཀུན་རྫོབ་རྨི་ལམ་ལྟར། །ངག་ནི་རླུང་སྔགས་གཉིས་མེད་སྦྱོར་བ་ལས། །རྣམ་ཤེས་སེམས་ཉིད་སྣང་བ་གསུམ་སྦས་པ། །བདེ་བའི་ལམ་གྱིས་སྦས་པ་དགའ་བ་བཞི། །ཡེ་ཤེས་ཆེན་པོ་རོལ་པའི་གསང་བ་མཆོག་།སྙིང
19b2 པོ་བདེ་ཆེན་ལྷན་ཅིག་སྐྱེས་པའོ། །ཡེ་ཤེས་འབྱུང་གནས་ཉིད་ནི་སྐད་ཅིག་བཞི། །མཐར་ཐུག་དེ་ཁོ་ན་ཉིད་འོད་གསལ་བ། །དེ་ལ་བརྟེན་པས་ལམ་མྱུར་བགྲོད་པ་སྟེ། །རང་འབྱུང་ཞི་གནས་ལྷག་མཐོང་རོ་མཉམ་པ། །ཟུང་འཇུག་མི་འགྱུར་བྱང་ཆུབ་སེམས་རྡོ་རྗེ། །ལམ
19b3 མཐར་ཕྱིན་པ་ལྷུན་གྲུབ་ངོ་བོ་ཉིད། །བརྗོད་འདས་རྒྱ་ཆེན་པོ་ཡང་དེ་ཉིད་དོ། །ེ་བ~ཾ་ལས་ནི་ཕུན་ཚོགས་ལྔ་ལྡན་པ། །དཔེ་དོན་གྱུར་པ་སྒྲ་དང་རྟགས་ལས་ཤེས། །ཡི་གེ་བཞི་བཅུ་གསང་བ་གླེང་གཞི་ལས། ཨེ་བ~ཾ་གསང་བ་གླེང་བསླང་མདོ་རྒྱས་པ། །འཛམ་གླིང་གནས
19b4 སུ་དཀྱིལ་འཁོར་སྣང་བ་བསྟན། །གསང་སྔགས་དབྱིབས་དང་བརྡ་སྔགས་དོན་སྦྱར་བ། །ཐུན་མོང་གྱུར་པ་ཐེ་ཚོམ་སེལ་བའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་བཅུ་དྲུག་པའོ། །སྨིན་མཚམས་མཛོད་སྤུའི་འཁོར་ལོ་མུ་ཁྱུད
19b5 ལས། །རྩ་ཡི་བྱེད་པ་རོ་རྐྱང་ཐབས་ཤེས་ལས། །སྲོག་རྩོལ་འབྱུང་འཇུག་བྱང་སེམས་སྤྲོ་བསྡུ་དང་། །སྒྲོ་འདོགས་གཅོད་པ་ཕྱི་དང་གསང་བའི་ཚུལ། །རྡོ་རྗེའི་ལུས་ཀྱི་གནས་ལུགས་ཁྱད་པར་ལས། །དམག་དཔོན་རལ་གྲི་ཐོགས་པ་ལྟ་བུ་སྟེ། །ཚོགས་སློབ
19b6 གཉིས་ལ་སྤྱི་དང་རང་མཚན་ཉིད། །སྤྲོས་དང་སྤྱོད་པ་དེ་ཉིད་སྣང་བ་ལམ། །རྣམ་ཤེས་ཡེ་ཤེས་དབང་པོ་སྒོ་འབྱེད་པ། །ཆོས་ལ་རབ་ཏུ་དབྱེ་བའི་སྒོ་ནས་བསྟན། །གང་ཟག་རིགས་པ་དབྱེ་བ་གཉིས་སུ་ཤེས། །དབང་གིས་ཕྱེ་བ་ཁྱད་པར་ཆོས་ལ་ཡང་། །ཕྱི་ལས
19b7 གཞོལ་དང་གསང་བ་ནང་གནས་བྱེད། །དེ་ཉིད་ཁྱད་པར་དབྱེ་བ་དེ་ནི་མཚོན་པར་བྱ། །འཇིག་རྟེན་པ་རྣམས་ཁམས་གསུམ་བསམ་གཏན་ཕྱིར་ལྡོག་ལམ། །འཇིག་རྟེན་ལས་འདས་ཕྱིར་མི་ལྡོག་པ་ཡང་དག་སྟོན། །ཡེ་ཤེས་ལས་ནི་བླ་མའི་ལམ་རྟེན་འདོན་རྫོགས་ཐོབ། །
iiif viewer powered by OpenSeadragon
