| e-texts navigator |
| Wylie |
19a1 གི་བསམ་པ་ལ་དགོངས་པ་ནི་དགོངས་བཤད་དོ། །བསྒྱུར་བ་ལ་ལྡེམ་པོར་དགོངས་པ་ནི་དགོངས་བཤད་དོ། །གཉེན་པོ་ལ་ལྡེམ་པོར་དགོངས་པ་ནི་དགོངས་བཤད་དོ། །གཞུང་ལ་ལྡེམ་པོར་དགོངས་པ་ནི་སྒྲ་ཇི་བཞིན་མ་ཡིན་པའོ། །མཚན་ཉིད
19a2 ལ་ལྡེམ་པོར་དགོངས་པ་ནི་སྒྲ་ཇི་བཞིན་མ་ཡིན་པའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་ལྔ་པའོ། །ལྟེ་བ་སྤྲུལ་པའི་འཁོར་ལོར་གནས་པ་ནི། །རྣམ་པར་བཤད་པ་ཚུལ་བཞིན་ལྡན་པ་ནི། །མ་ནོར་ཕྱིན་ཅི་མ་ལོག་སྟོན་པ
19a3 སྟེ། །འདི་ནི་རྡོ་རྗེ་བཙུན་མོའི་ཆོས་ཚུལ་མཚུངས། །ལྟེ་བའི་འཁོར་ལོ་སྒྲ་ལྡན་ཡིག་འབྲུ་བརྒྱད། །མདོ་ལས་ཨེ་བ~ཾ་མ་ཡཱ་གསང་བ་ཉིད། །རྒྱུད་སྤྱི་བརྡ་དབྱིབས་སྒྲ་དང་རྒྱས་འདེབས་ཏེ། །ཀུན་རྫོབ་རང་གཞན་བདག་བྱིན་བརླབས་པ་ལས། །རྨི་ལམ་སྒྱུ་ལུས་མཚོན་པ
19a4 བར་དོ་སྦྱང་། །སེམས་གསུམ་སྟོང་ཉིད་ཡེ་ཤེས་སྦས་པ་ཉིད། །སྣང་བ་གསུམ་ལས་དྲང་བཞིན་དག་འོད་གསལ། །བདེ་བ་ལས་ནི་གཏུམ་མོ་འབར་འཛག་ལས། །ཕྱི་རོལ་གཉིས་མེད་གསང་བའི་སྙོམས་འཇུག་པ། །སྒྱུ་མའི་རོལ་པ་བཙུན་མོ་ལྟ་བུར་བསྟན། །
19a5 དང་པོ་ཡི་གེའི་དོན་ཏེ་སྤྱི་མིང་ཙམ། །སྨོས་པས་ཨཱ་ལི་ཀཱ་ལིས་རྐྱེན་སྦྱར་ནས། །རྣམ་པ་དུ་མའི་བྱེད་པ་སྒྲར་བཅས་པ། །ལས་རྣམས་ལུས་དང་ཡན་ལག་འབྲེལ་པས་མཚོན། །སྤྱི་དོན་གཉིས་ལས་མོད་དོན་ཉན་རང་དང་། །བྱང་ཆུབ་སེམས་དཔའི་ལམ་མཆོག་ལ
19a6 དབང་སྟེ། །འཇུག་པ་རྣམ་ཐར་ལ་སོགས་དྲུག་ལྡན་པ། །ཆོས་རྣམས་ཡོངས་རྫོགས་མཁྱེན་བཅས་འདིར་སྟོན་བྱེད། །རྡོ་རྗེ་ཐེག་པ་སྤྱི་དོན་རྒྱུད་ཀུན་གྱི། །དགོངས་པ་བལྟ་བའི་རྣལ་འབྱོར་གསང་སྟོན་པ། །རིག་སྔགས་གཟུངས་བཅས་གསང་སྔགས་དེ་ཉིད་ཀྱི། །
19a7 འདུས་པར་འཇུག་པའི་རིམ་པ་ལམ་གྱུར་པའོ། །སྦས་པའི་དོན་ལས་སྙིང་པོ་གསང་བ་མཆོག་།བླ་ན་མེད་པའི་འབྱུང་གནས་བཙུན་མོ་དང་། །ཕྱོགས་མཚུངས་ཕྱི་ལྟར་རིན་ཆེན་རྒྱན་སྤྲས་བཞིན། །སྤྱི་དོན་གཉིས་ཀྱིས་ན་བཟའ་གོས་རིམ་ན། །སྦས་དོན་གསང་བ
iiif viewer powered by OpenSeadragon
