| e-texts navigator |
| Wylie |
18b1 དོན་ངེས་པ་རྒྱན་དུ་གྱུར། འཇིག་རྟེན་གནས་དང་འཇིག་རྟེན་འདས་ལས་གྲོལ། །ཡངས་ཐོབ་རྣལ་འབྱོར་རྒྱུ་འབྲས་རྨི་ལམ་དང་། །མཚུངས་པ་སྒྱུ་མར་སྟོན་པ་དྲང་བའི་དོན། །གྲུབ་མཐའ་རིམ་ལྡན་གཟུངས་ལས་ཡོན་ཏན་ཚོགས། །ངོ་བོ་ཉིད་ཀྱིས་གྲོལ་བ་སྟོང་པ
18b2 ཉིད། །རྣམ་པར་མི་རྟོག་སྐྱེ་མེད་དངོས་རྣམ་དག་།སྤྲོས་བྲལ་དེ་བཞིན་ཉིད་ལས་ཀུན་དུ་སྟོན། །ཡེ་ཤེས་ཡོངས་སུ་དག་པ་ངེས་པའི་དོན། །དངོས་པོ་མཚན་མར་འཛིན་པའི་བློ་བཟློག་བྱེད། །ཡང་དག་གཉིས་མེད་ཡེ་ཤེས་ལམ་སྟོན་ཅིང་། །དམན་པ་ཟིལ་གནོན
18b3 མཆོག་དོན་རྨད་གྱུར་པ། །དགོངས་བཤད་གསང་ཆེན་འབྱུང་གནས་དོན་ཀུན་བསྒྲུབ། །ཆོས་རྣམས་འབྱུང་བ་རྒྱ་མཚོ་ཆེན་པོ་ལས། །ཐུགས་རྗེའི་ཞགས་པས་འདྲེན་པ་བློ་གྲོས་མཆོག་།ཚིག་དོན་སྤྲོ་བསྡུས་བྱང་ཆུབ་གནས་ཐོབ་བྱེད། ཡོན་ཏན་དགོངས་པ་མིན་པ་ཞེས
18b4 བརྗོད་དོ། །རྩ་རླུང་བྱང་སེམས་ཡི་གེ་གནས་དག་པ། །རོ་རྐྱང་སྲོག་རྩོལ་དྲང་ངེས་ཁྱད་པར་གསང་། །སྙིང་གར་འབྲུ་ལྔ་རྩ་བ་འབྲུ་ལྔ་ལྷུང་བ་དག་།དགོངས་བཤད་དྲུག་ལྔ་ཤེས་བྱེད་ལམ་སྦྱང་བའོ། །དགོངས་མིན་ཨཱ་ལི་གསུང་དབྱངས་ཡན་ལག་གནས། །དེ
18b5 ཉིད་ཆོས་རྣམས་བདག་མེད་སྒྲ་སྒྲོགས་པ། ཨཱ་ལི་ཀཱ་ལི་དྲུག་ལྡན་མཚན་དཔེ་ནི། །ཇི་བཞིན་སྒྲ་ལས་རྒྱན་སྤྲས་བླ་ན་མེད། །ཇི་བཞིན་མིན་སྒྲ་བཅུ་གནས་རྡོ་རྗེའི་དབྱིངས། །གསང་བ་སྙིང་པོ་བསྡུས་པ་བརྡས་བཤད་ཉིད། །ཐོག་མ་བར་དང་མཐའ་མར་དགེ་བའི་ཆོས། །
18b6 བླ་མེད་མི་ཟད་རྣམ་པ་ཐམས་ཅད་དུ། །རབ་འབྱམ་དོན་བསྒྲུབ་རྟོག་པ་ཕྲིན་ལས་ཚོགས། །གྲུབ་སྟེང་གནས་ལས་ཇི་བཞིན་སྒྲར་འབྱུང་སྟོན། །ཕྱིར་མི་བཟློག་པ་བྲལ་དང་མཐའ་ལས་འདས། །ཁྱད་པར་བརྡ་ལས་ཟབ་པ་སྙིང་པོའི་དོན། །རྒྱལ་བའི་སྤྱོད་ཡུལ་ཐ་སྙད་ལས
18b7 གྲོལ་བ། །ཇི་བཞིན་མ་ཡིན་སྒྲ་ཞེས་རྣམ་པར་བསྒྲགས། །དུས་གཞན་ལ་དགོངས་པ་ནི་དྲང་བའི་དོན་ཏོ། །གང་ཟག་གཞན་ལ་དགོངས་པ་ནི་དྲང་བའི་དོན་ཏོ། །མཉམ་པ་ཉིད་ལ་དགོངས་པ་ནི་ངེས་པའི་དོན་ཏོ། །དོན་གཞན་ལ་དགོངས་པ་ནི་ངེས་པའི་དོན་ཏོ། །གང་ཟག
iiif viewer powered by OpenSeadragon
