| e-texts navigator |
| Wylie |
14b1 བོན་ཉིད། །འབྱུང་བ་ལ་ནི་ལྷན་ཅིག་སྤྱོད་པ་ཡི། །ལྷ་མོ་ཡེ་ཤེས་བདེ་བར་རོལ། །དེ་ཉིད་མཉམ་པ་ཕྱག་རྒྱ་ཆེ། །ཡེ་ཤེས་མཉམ་པར་སྦྱོར་བ་ལྷ་མོའི་ཏིང་ངེ་འཛིན་ཏོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་བརྒྱད་པའོ། །ལྷ་མོ
14b2 གཟུགས་ཀྱི་རྡོ་རྗེ་མས། །དམ་ཚིག་མཆོག་གི་མཆོད་པ་ཡི། །ཏིང་ངེ་འཛིན་ལ་སྙོམས་ཞུགས་ཏེ། །བཛྲ་རཱུ་པེ་ཞེས་སྔགས་ལས། །སྐུ་མཆོག་དཀར་མོ་མེ་ལོང་འཛིན། །རྡོ་རྗེ་སྤྱན་མ་དང་མཚུངས་པ། །རིན་ཆེན་རྒྱན་རྣམས་ཀྱིས་མཛེས་སྤྲས། །མེ་ཡི་ཕྱོགས་ཀྱི
14b3 གྲཝར་བཞུགས་པའོ། །ལྷ་མོ་སྒྲ་ཡི་རྡོ་རྗེ་ལས། །ནམ་མཁའི་འོད་ཀྱི་སྤྲིན་རྡོ་རྗེ། །ཚིམ་བྱེད་ཏིང་འཛིན་ལ་བཞུགས་ཏེ། །བཛྲ་ཤབྡེ་ལས་བྱོན་པ། །རྡོ་རྗེ་མཱ་མ་ཀཱི་དང་མཚུངས། ། གཽ་རྒྱུད་སྦྲེང་མཛད་གླུ། །དབྱངས་ཀྱིས་ཀུན་ཏུ་མཆོད་བྱེད་པ། །བདེན་བྲལ
14b4 ཕྱོགས་ཀྱི་གྲར་བཞུགས་སོ། །ལྷ་མོ་དྲི་བྱུག་རྡོ་རྗེ་མས། །མངོན་པར་བྱང་ཆུབ་བདུན་སྟོན་པ། །དེ་ཉིད་རྡོ་རྗེའི་ཏིང་འཛིན་བཞུགས། །བཛྲ་གནྡྷེ་ལས་ཕྱུང་བ། །གོས་དཀར་ཡུམ་དང་མཚུངས་པ་སྟེ། །དུང་ཆོས་ལྷ་རྫས་མཆོག་འཛིན་པ། །རིན་ཆེན་རྒྱན་སྤྲས་འགྱིང་བག
14b5 ལྡན། །རིག་འཛིན་ཕྱོགས་ཀྱི་གྲཝར་བཞུགས་པའོ། །རྡོ་རྗེ་རོ་མཆོག་ལྷ་མོ་ནི། །དམ་ཚིག་ཆེན་པོའི་མཆོད་པ་ནི། །ཀུན་མཆོད་ཏིང་འཛིན་ལ་བཞུགས་ཏེ། །བཛྲ་རཱ་སྱ་ལས་བྱུང་བ། །རིན་ཆེན་པད་སྣོད་བདུད་རྩི་ནི། །རོ་མཆོག་བཅུད་ལྡན་འཛིན་མཛད་པ། །སྒྲོལ་མ་དང
14b6 ནི་མཚུངས་པ་སྟེ། །དབང་ལྡན་ཕྱོགས་ཀྱི་གྲཝར་བཞུགས་སོ། །རིག་མ་མཆོད་ལྷ་རྣམས་ཀྱིས་ནི། །མཆོད་སྤྲིན་རྒྱ་མཚོས་མཆོད་གྱུར་པའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་དགུ་པའོ། །བྱང་ཆུབ་སེམས་དཔའ་སའི་སྙིང་ནི། །
14b7 ཞི་བའི་དམ་ཚིག་མཆོག་གནས་ལས། །ཀྵི་ཏི་གརྦྷའི་སྔགས་ལས་བྱུང་། །མདོག་དཀར་འཁོར་ལོ་རྩིབས་བཅུ་འཛིན། །ཐོར་ཚུགས་ཅོད་པན་རྒྱན་གྱིས་སྤྲས། །ཤར་ཁྱམས་སྐྱིལ་ཀྲུང་དག་གིས་བཞུགས། །སེམས་དཔའ་རྡོ་རྗེ་འཛིན་པ་ནི། །དངོས་དང་དངོས
iiif viewer powered by OpenSeadragon
