| e-texts navigator |
| Wylie |
13b1 རྡོ་རྗེ་འཛིན་པ་ཡིས། །མངོན་རྫོགས་བྱང་ཆུབ་རྡོ་རྗེ་ཡི། །ཏིང་ངེ་འཛིན་ལ་བཞུགས་ནས་ནི། །དང་པོའི་མགོན་པོ་ཉིད་ཀྱིས་ནི། །རིག་པ་ཆེན་པོའི་སྐྱེས་བུ་སྟེ། །ཆོས་དབྱིངས་རྡོ་རྗེ་མ་གཉིས་མེད། །དཀྱིལ་འཁོར་སྤྲོ་དང་སྡུད་པར་མཛད། །དཔལ་ལྡན་མི་བསྐྱོད
13b2 རྡོ་རྗེས་ནི། །ཡེ་ཤེས་སྒྲོན་མ་རྡོ་རྗེ་ཡི། །ཏིང་ངེ་འཛིན་ལ་སྙོམས་ཞུགས་པས། །བཛྲ་དྷྲྀཀ་ལས་ཕྱུང་གྱུར་ནི། །ཞལ་གསུམ་ཕྱག་ནི་དྲུག་པ་སྟེ། །ིནྡྲ་ནཱི་ལ་ཀུནྡ་ལྟར། །རཱ་ག་འབར་བའི་ཞལ་མངའ་བ། །གཡས་གཡོན་རྡོ་རྗེ་དྲིལ་བུ་འཛིན། །པདྨ་འཁོར་ལོ
13b3 ནོར་བུ་དང་། །པདྨ་རལ་གྲི་གཡོན་དུ་སྟེ། །རྡོ་རྗེ་སྐྱིལ་ཀྲུང་རྒྱན་སྤྲས་པ། །དེ་ཉིད་སྐུ་ལས་འོད་ཟེར་ཚོགས། །སྤྲོས་ནས་ཀུན་ཏུ་བདེར་གཤེགས་ཀྱིས། །ཕྱོགས་བཅུའི་ཞིང་ཁམས་ཁྱབ་མཛད་ནས། །འགྲོ་སྦྱངས་དག་པར་གྱུར་ནས་ནི། །སྨིན་བར་ནས་ཞུགས
13b4 ཐུགས་ཀར་ཐིམ། །དེ་ནི་དེ་མ་ཐག་ཏུ་ཡང་། །བཅོམ་ལྡན་ཞེ་སྡང་རྡོ་རྗེར་གྱུར། །རིན་ཆེན་སྣ་ཚོགས་སེང་གེའི་ཁྲི། །ཟླ་བ་ཉི་མའི་སྟེང་དུ་བཞུགས། །དཀྱིལ་འཁོར་ཆེན་པོའི་དབུས་གནས་པའོ། །དཀྱིལ་འཁོར་གཙོ་བོ་མངོན་པར་འབྱུང་བའི་ཏིང་ངེ་འཛིན་ཏོ། །དཔལ
13b5 ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་དྲུག་པའོ། །དཔལ་ལྡན་རྣམ་པར་སྣང་མཛད་ཀྱིས། །མངོན་པར་རྟོགས་པ་རྡོ་རྗེ་ཡི། །ཏིང་ངེ་འཛིན་ལ་སྙོམས་ཞུགས་ཏེ། །ཞལ་གསུམ་ཕྱག་དྲུག་ཀུནྡའི་མདོག་།འཁོར་ལོ་དྲིལ་བུ་ཡུམ་དང་རོལ། །རྡོ་རྗེ
13b6 ནོར་བུ་གཡས་པ་ལ། །གཡོན་པ་པདྨ་རལ་གྲི་འཛིན། །སྔོ་དང་དམར་དང་གཡས་དང་གཡོན། །གླང་ཆེན་ཁྲི་སྟེང་པད་ཟླའི་སྟེང་། །རྒྱན་བཅས་སྐྱིལ་ཀྲུང་བཞུགས་པའོ། །བདེ་གཤེགས་རིན་ཆེན་འབྱུང་གནས་ཀྱིས། །བདག་མེད་རྡོ་རྗེ་ལ་བཞུགས་ཏེ། རཧྣདྷྲྀཀ་ཕྱུང
13b7 གསེར་གྱི་མདོག་། ཡིད་བཞིན་ནོར་བུ་དྲིལ་བུ་དང་། །འཁོར་ལོ་པདྨ་རལ་གྲི་ཅན། །དུང་དང་ཨུཏྤལ་མཚུངས་པ་ནི། །རིན་ཆེན་རྒྱན་སྤྲས་རྟ་མཆོག་སྟེ། །ཡུམ་བཅས་སྐྱིལ་ཀྲུང་བཞུགས་པའོ། །དཔལ་ལྡན་ཚེ་དཔག་མེད་པ་ནི། །འོད་ཟེར་འབར་བ་རྡོ་རྗེར་བཞུགས། །
iiif viewer powered by OpenSeadragon
