| e-texts navigator |
| Wylie |
12b1 བ་དང་ནི་ཡིད་བདེ་ཐོབ་གྱུར་ཏེ། །རྗེས་སུ་རྣལ་འབྱོར་ཡེ་ཤེས་རྒྱ་མཚོ་ལས། །མི་ཕྱེད་དབང་ཕྱུག་བྱང་ཆུབ་སེམས་ཀྱི་སྐུ། །ཡེ་ཤེས་འབྱུང་བ་རྡོ་རྗེའི་ཏིང་འཛིན་ལས། །བྱིན་གྱིས་བརླབས་པའི་ཆོ་འཕྲུལ་བསྟན་པ་དང་། །སྔགས་ཀྱི་བྱིན་གྱིས་བརླབས་པ་དེ་ཉིད
12b2 མཆོག་། དབང་བསྐུར་བ་ཡི་ཆོ་འཕྲུལ་བླ་ན་མེད། །གསང་བ་ལྷུན་གྲུབ་སྙིང་པོའི་ངང་ལ་སྟེ། །ོཾ་ཨཱཿཧཱུ~ཾ་དང་སྭཱ་ཧཱ་འོད་འཕྲོ་བ། །འོད་ཟེར་གྱིས་ནི་ཕྱོགས་བཅུར་ཁྱབ་པར་མཛད། ལཱཾ་མཱཾ་པཱཾ་ཏཱཾ་ཨཱཾ་ལས་འབྱུང་བ་བཞི། མེཾ་བྷཱཧཱ+ེཾ་ཨོཾ་ཨོཾ་ཨོཾ་ཧཱུ~ཾ་ཨོཾ་སཾ་ལས། །རྣམ
12b3 ཤེས་བརྒྱད་ཀྱི་རང་བཞིན་སེམས་དཔའ་ཆེ། །རཱུ་ཤ་ག་ར་སྤ་སྟེ་འདོད་ཡོན་ཉིད། ཛཿཧཱུ~ཾ་བཾ་ཧོཿཧཱུ~ཾ་དྲུག་འོད་འབར་ལས། །མཐར་བྱེད་ཁྲོ་བོའི་རྒྱལ་པོ་ཡུམ་བཅས་བཅུ། །ཡན་ལག་ཚོགས་གནས་ཕྱོགས་ཀྱི་གདོན་འཇོམས་པའོ། །ཤིན་ཏུ་རྣལ་འབྱོར་རྫུ་འཕྲུལ་ཆོ
12b4 འཕྲུལ་སྟོན། །དེ་ནས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་ཀྱི་རྡོ་རྗེ་འཆང་དེ་ཉིད། ཞལ་གསུམ་ཕྱག་དྲུག་རྒྱན་བཅས་གཟིགས་པར་གྱུར། །མཚན་དཔེ་རྫོགས་པ་ཕྱག་རྒྱ་ལྡན་པར་སྣང་། །དེ་ཉིད་ཆོས་དབྱིངས་རྡོ་རྗེ་ཡུམ་བཅས་བཞི། །ཆོས
12b5 འབྱུང་ནས་བྱོན་ཐུགས་ཀའི་དབུས་མ་ནས། །དེ་བཞིན་གཤེགས་པ་དུ་མ་སྤྲོས་པ་ལས། །ཆེད་དུ་བརྗོད་པ་གསང་བ་དེ་ཉིད་གསུངས། །ཀུན་རྫོབ་ཆོ་འཕྲུལ་མི་ཟད་འཁོར་ལོ་བསྟན། །དེ་རྗེས་འདོད་པ་ཁམས་པ་གདུལ་དོན་དུ། །རྡོ་རྗེ་སེམས་དཔའི་གཟུགས་ཀྱིས
12b6 དང་བའི་ཚུལ། །རྣམ་སྣང་མཛད་པ་རྡོ་རྗེ་འཛིན་སྐུ་ལས། །སྐུ་ཡི་ཆ་ཞུ་ལྷ་མོའི་ཚུལ་བསྟན་པ། །སྤྲོ་དང་བསྡུ་བ་ཡེ་ཤེས་མངོན་རོལ་པའི། །སྤྱོད་པ་བདེ་ཆེན་དགྱེས་པར་བསྟན་པའོ། །དཔལ་ལྡན་མི་བསྐྱོད་རྡོ་རྗེའི་དཀྱིལ་འཁོར་མཆོག་།རྡུལ་མེད་པ་ཉིད་གྲུ་བཞིར་བྱིན
12b7 བརླབས་པ། །དེ་ནས་དེ་བཞིན་གཤེགས་པའི་ཚོགས་དཔག་མེད། །ཕྱོགས་དུས་ཀུན་ནས་ཁྱབ་ཅིང་ཡོངས་སུ་བསྐོར། །བྱང་ཆུབ་སེམས་ཉིད་རྡོ་རྗེ་དབུས་བཞུགས་སོ། །བཅོམ་ལྡན་རྣམ་སྣང་མཛད་པ་རིན་ཆེན་འབྱུང་། །འོད་དཔག་མེད་པ་གདོན་མི་ཟབ་ཉིད། །
iiif viewer powered by OpenSeadragon
