| e-texts navigator |
| Wylie |
12a1 ཆུབ་སེམས་དཔའ་སེམས་དཔའ་ཆེན་པོ་དཔག་ཏུ་མེད་པ་དང་། དེ་བཞིན་གཤེགས་པ་འདུས་པའི་གསང་བ་བླ་ན་མེད་པར་དབང་བསྐུར་བ། སྐུ་གསུང་ཐུགས་རྡོ་རྗེའི་སྙིང་པོ་གསང་བ་ཆེན་པོ་ཡོངས་སུ་དག་ཅིང་ཡེ་ཤེས་ཡོངས་སུ་དག་པ་ཐོབ་པ་ནི།
12a2 དཀྱིལ་འཁོར་མ་ལུས་པའི་ཡོན་ཏན་ཕྲིན་ལས་མི་ཟད་པ་རྒྱན་གྱི་འབྱུང་གནས་སུ་གྱུར་པ། སྤྲོ་བ་དང་བསྡུ་བར་མཛད་པ། སྤྲོས་པ་མེད་ཅིང་སྣང་བ་རྣམ་པར་དག་པ་དེ་ཉིད་ལ་གནས་པ་ནི་སྦྱོར་བ་དང་པོ་ཞེས་བྱའོ། །བྱམས་པས་གསོལ་པ། དཀྱིལ་འཁོར་རྒྱལ་པོ
12a3 མཆོག་ཇི་ལྟར་དུ་སྟོན་པར་འགྱུར་བ་ལགས། བཅོམ་ལྡན་འདས་ཀྱིས་བཀའ་སྩལ་པ། །འདི་ཉིད་ཚད་མེད་དཀྱིལ་འཁོར་དུ། །དེ་བཞིན་གཤེགས་པའི་སྐུ་གསུང་ཐུགས། །རྡོ་རྗེ་བླ་ན་མེད་པའི་མཆོག་།རྟེན་དང་བརྟེན་པར་བཅས་པ་ཡི། །བདེ་གཤེགས་ཕོ་བྲང་སྙིང
12a4 པོ་ནི། །འདོད་པ་ཁམས་ཀྱི་འགྲོ་བ་རྣམས། །རི་རབ་ཆེན་པོའི་སྟེང་དུ་ནི། །ཁང་བུ་བརྩེགས་པ་ག་ལ་བར། །དབང་པོ་བརྒྱ་བྱིན་འཁོར་བཅས་པ། །ཉེ་དབང་སུམ་ཅུ་རྩ་གཉིས་སོགས། །རིན་ཆེན་རང་བྱུང་མཆོད་སྤྲིན་ལྡན། །དབང་བསྐུར་རིམ་པ་སྟོན་པར་མཛད། །
12a5 དབང་ཕྱུག་ཨུ་མར་བཅས་པ་དང་། །ཚངས་པ་ཁྱབ་འཇུག་གདོང་དྲུག་སོགས། །འདུལ་ཕྱིར་ཡུལ་དང་དབང་པོ་ནི། །གཉིས་མེད་མཉམ་པར་སྦྱོར་བ་ལས། །ལོངས་སྤྱོད་བདེ་བའི་སྤྱོད་པ་ཡིས། །རྣམ་པར་དག་པ་བྱ་བའི་ཕྱིར། །དཀྱིལ་འཁོར་དུ་ནི་འཇུག་པར་མཛད། །
12a6 དེ་ནས་དག་ཁམས་དེ་ཉིད་དུ། །དེ་བཞིན་ཉིད་ཀྱི་ངང་ལས་འདས་པ་ཡི། །བྱང་ཆུབ་སེམས་མཆོག་རྡོ་རྗེ་བླ་མེད་པ། །ཟིལ་གནོན་རྡོ་རྗེ་ཏིང་ངེ་འཛིན་ལ་ཞུགས། །དབྱིངས་དང་ཡེ་ཤེས་དབྱེར་མེད་མཉམ་ཉིད་དང་། །རྣལ་འབྱོར་བདེ་ཆེན་མངོན་པར་བྱང་ཆུབ་པ། །ཉི་ཟླ་པདྨ་ཨཱ
12a7 ལི་ཀཱ་ལི་བཅས། །ཐུགས་གསུང་སྐུ་ཡི་རྡོ་རྗེ་དེ་ཉིད་ལས། །འོད་སྤྲོས་འཇིག་རྟེན་ཁམས་སུ་ཁྱབ་གྱུར་པས། །བརྟན་གཡོར་བཅས་པ་ཡོངས་སུ་དག་པར་གྱུར། །བྱིན་གྱིས་བརླབས་ཀྱི་སྣང་བའི་རྒྱུད་སྦྱངས་པས། །འགྲོ་བ་རྡོ་རྗེ་སེམས་དཔའི་གོ་འཕང་བཀོད། །བདེ
iiif viewer powered by OpenSeadragon
