| e-texts navigator |
| Wylie |
11b1 ཆགས་འབྲེལ་པ་མ་ཚང་མེད། །རྒྱས་བྱེད་སེམས་ཅན་ཁམས་ལས་ནི། །བྱང་ཆུབ་སེམས་དཔའ་རྣལ་འབྱོར་པ། །སངས་རྒྱས་མཛད་པ་མཐའ་ཡས་པ། །བར་མི་བཅད་ཅིང་ཡེ་ཤེས་རྒྱུན། །ཕྲིན་ལས་མི་ཟད་འཁོར་ལོ་སྟེ། །རྒྱུད་ཅེས་སྒྲར་བཏགས་དེ་ཉིད་དོ། །གླེང
11b2 གཞི་གླེང་སློང་གསང་ཆེན་ལ། །རྒྱས་བསྡུས་ངོ་བོ་མི་འགྱུར་བ། །འཇུག་གནས་མཐར་ཕྱིན་བླ་ན་མེད། །རྡོ་རྗེ་ཐེག་པའི་ལྡང་ཚད་དོ། །སྔོན་རྒྱུ་གདུང་བ་ཤས་ཆེ་ལ། །སྤོང་བར་མི་ནུས་འཇུག་ཕྱིར་ན། །དབང་ཕྱུག་ཆེན་པོ་ལྟ་བུའོ། །ལམ་ལ་གནས་པ་རིམ་གཉིས་ཆོས། །
11b3 ངོ་བོ་མི་འགྱུར་མཆོག་གསང་བ། །ས་ལམ་བགྲོད་པ་མཐར་ཕྱིན་པས། །བླ་མའི་ལམ་ནི་གཙོར་གྱུར་པ། །བླ་ན་མེད་པ་ཚེ་འདིས་ཐོབ། །རྒྱུ་དང་ཐབས་ལམ་འབྲས་བུ་སྟེ། །གྲུབ་བྱེད་གསང་བ་རྩ་བའི་རྒྱུད། །སྙིང་པོ་མཆོག་ལས་རབ་འབྱམ་སྤྱོད། །གསལ་བྱེད་ཕྱི་མ
11b4 བདེ་བླག་འགྱུར། །དཀའ་བ་སྤྱོད་དང་ཁ་སྐོང་བྱེད། །ཐེ་ཚོམ་སེལ་ངེས་སྟེར་བ་དང་། །དུས་རྟགས་བློ་ལ་སྦྱར་བ་སྟེ། །སྣོད་རིག་སྐལ་བའི་ཁྱད་པར་བསྟན། །གསང་བ་ཆེན་པོ་སྤྱི་དང་བྱེ་བྲག་ཐམས་ཅད་དུ། །ཐ་དད་པ་དང་གཅིག་ཏུ་གནས་པ་ཏིང་འཛིན་དང་། །མཐར
11b5 ཐུག་རིམ་པ་དམ་ཚིག་སྐུ་གསུང་ཐུགས་དང་ནི། །སྡོམ་པའི་དེ་ཉིད་ཀུན་ཏུ་ཁྱབ་པ་བྱང་ཆུབ་སེམས། །ཡང་དག་བདེ་བ་ཆེན་པོ་ཕྱག་རྒྱས་རྒྱས་བཏབ་པ། །ཡེ་ཤེས་ཚད་མེད་རྒྱ་ཆད་ཕྱོགས་སུ་ལྷུང་བ་མེད། །མཉམ་ཉིད་སྤྲོས་པ་མེད་པ་དག་པ་ཆེན་པོ་སྟེ། །སྒྲ་དང་སྒྲ་མིན་ལས
11b6 འདས་རྒྱུད་ནི་བླ་མེད་པའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་ལྔ་པའོ། །བྱམས་པས་གསོལ་པ། བཅོམ་ལྡན་འདས་སྦྱོར་བ་དང་པོའི་མཛད་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། དཔལ་བདེ
11b7 བ་ཆེན་པོ་མི་འགྱུར་བ་འོག་མིན་ཆོས་ཀྱི་དབྱིངས་དཀྱིལ་འཁོར་ཆེན་པོ་ཡོངས་སུ་དག་པ་ཚད་མེད་པའི་ཕོ་བྲང་དུ། དེ་བཞིན་གཤེགས་པ་བྱང་ཆུབ་ཀྱི་སེམས་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་འཁོར་གྱིས་ཡོངས་སུ་བསྐོར་བའི་དབུས་སུ་བཞུགས་ཏེ། བྱང
iiif viewer powered by OpenSeadragon
