| e-texts navigator |
| Wylie |
11a1 བ་རླབ་པའི་རིམ་གྱིས་ལངས་ཏེ་འདོད་ཆགས་ལས་བྱུང་བའི་བྱང་ཆུབ་ཀྱི་གནས་རབ་ཏུ་བསྟན་པའི་ཕྱིར་བཙུན་མོའི་འཁོར་གྱི་དབུས་སུ་འཁོར་ལོས་སྒྱུར་བའི་གཟུགས་ཀྱིས་བདེ་བ་ཆེན་པོའི་ཏིང་ངེ་འཛིན་གྱིས་རྡོ་རྗེ་བཙུན་མོའི་བྷ་ག་ལ་ཡང་དག་པར་བཞུགས
11a2 ཏེ། འཇིག་རྟེན་གྱི་སྤྱོད་པ་དང་འགལ་བ་རྨད་དུ་བྱུང་བ་རྡོ་རྗེའི་ཚིག་གི་མཐའ་དྲུག་དང་ཚུལ་བཞིའི་སྒོ་ནས་རབ་ཏུ་སྤྱོད་དེ་བསྒྲུབ་པར་བྱའོ། །ཞེས་རྣལ་འབྱོར་ཆེན་པོའི་རྒྱུད་དུ་གནས་སོ། །རིག་མ་དང་ལྷ་མོ་དང་ལྷན་ཅིག་ཏུ་དཀྱིལ་འཁོར་གྱི་འཁོར་ལ་དགོད་པར་བྱའོ། །དེ་ནས
11a3 ལས་བྱེད་པའི་སྒྲུབ་པ་ལ་སོགས་པ་དེ་ཁོ་ན་ཉིད་རྣམ་པ་བཅུ་རབ་ཏུ་སྤྱོད་དེ་སྒྲུབ་པར་བྱེད་པ་རྣལ་འབྱོར་གྱི་རྒྱུད་ལ་བཞུགས་སོ། །ལས་ཀྱི་བྱ་བ་སྣ་ཚོགས་རྒྱ་ཆེན་པོ་བྱ་བའི་རྒྱུད་ཕྱག་རྒྱ་དམིགས་པའི་མཚན་ཉིད་རབ་ཏུ་སྤྱད་པ་སྒྲུབ་པར་བྱེད་པ་ནི་སྤྱོད་པའི་རྒྱུད་ལ་བཞུགས་སོ། །འཁོར
11a4 བ་ལ་ཤིན་ཏུ་འཇིགས་པར་དམིགས་ཤིང་ཤིན་ཏུ་གཙང་སྦྲ་བྱེད་པ་དང་། ཡེ་ཤེས་སེམས་དཔའི་བདེ་བ་མེད་པ་དང་། བདག་ཉིད་ལྷའི་བསྙེམས་པ་མེད་པ་དང་། རྨད་དུ་བྱུང་བའི་སྤྱོད་ཡུལ་རང་རྐྱེན་གྱིས་རྒྱུའི་བར་སྤྱོད་པ་སྒྲུབ་པར་བྱེད་པ་ནི་བྱ་བའི་རྒྱུད་ལ་བཞུགས་སོ། །སྔགས
11a5 དང་སྨན་དང་། སྦྱིན་སྲེག་དང་མིག་སྨན་དང་རྐང་མགྱོགས་ལ་སོགས་པ་དངོས་གྲུབ་ཆེན་པོ་བརྒྱད་རབ་ཏུ་སྤྱད་པ་སྒྲུབ་པར་བྱེད་པ་ཕྲ་མོ་དང་རྟོག་པའི་རྒྱུད་ལ་བཞུགས་སོ། །གསང་ཆེན་རྒྱུད་ཀྱི་ངོ་བོ་དང་། །ངེས་ཚིག་སྒྲ་འཇུག་རྒྱུ་མཚན་དང་། །ཁྱད་པར་དབྱེ་ཐབས་དང་ལྡན་པ། །
11a6 གཞུང་ཚད་དང་ནི་ལྡང་ཚད་དང་། བརྗོད་བྱ་རྗོད་བྱེད་སྟོན་ཚུལ་ལོ། །སེམས་བསྐྱེད་སྔོན་འགྲོ་མཚུངས་ལྡན་པས། །ཁྱད་པར་སྨིན་ལམ་བྱིན་རླབས་ལམ། །རྗེས་སྣང་འབྲེལ་པ་ཐུན་མོང་མིན། །བདེ་བ་ལམ་མྱུར་མཐོང་ཆོས་འགྱུར། །དེ་ཉིད་ཐབས་ཟབ་བླ་ན་མེད། །དཔལ
11a7 ལྡན་རྡོ་རྗེ་འཆང་ཆེན་གྱི། །སྐུ་གསུང་ཐུགས་ལས་མི་ཕྱེད་པ། །བདེ་ཆེན་མཆོག་གི་སྙིང་པོ་ཉིད། །ངོ་བོ་ཡེ་ཤེས་དྲི་མེད་པའོ། །ཏནྟྲ་ཞེས་པ་རྒྱུད་ཡིན་ཏེ། །ཏེནྟ་ཤེས་པ་དངོས་ལ་རྒྱུན། །ཏྲ་ཡ་དུས་གསུམ་ཐོག་མེད་པས། །འདྲེན་པ་རྟོག་ཚོགས་འཇོམས་བྱེད་པའོ། །རྒྱུན
iiif viewer powered by OpenSeadragon
