| e-texts navigator |
| Wylie |
41b1 འགྱུར། །རྐང་མཐིལ་འགུལ་ན་རིང་ན་གནས་པ་ཡིན། །གང་ན་གཏེར་ཡོད་ཟེར་བར་མངོན་བྱས་ནས། །རིག་པ་འཛིན་པས་ཉིན་བཞིན་འོག་ཏུ་བལྟ། །གང་ཡང་བྱི་བ་མཆུ་ཕྱི་མ་ན། །གུ་གུལ་དང་ནི་བཅས་པ་བྱུགས་ཙམ་གྱིས། །གླང་ཆེན་མྱོས་པས་གསལ་ཞིང་བདེ་བར
41b2 འབྱུང་། །ཤིན་ཏུ་གནག་པའི་ཁྱི་མོ་ཡི། །འོ་མ་བསྲུབས་ནས་མར་སར་གྱིས། །བསྐུས་ནས་རྔ་ལྤགས་ལྷམ་གོན་ན། །ཆུ་ཡི་སྟེང་ན་འགྲོ་བར་འགྱུར། །ས་བཀོང་ཚ་ཉའི་ཚེར་མ་དག་།བསྡུས་ནས་ཚང་ཚིང་ཁྱིམ་སྦས་ན། །ཆང་རྣམས་བརླག་སྟེ་ཕྱུང་ནས་ནི། །བཟང་པོ
41b3 ཉིད་དུ་འགྱུར་བ་ཡིན། །རྫ་མཁན་རྫ་མ་བསྲེགས་པའི་མེ། །ཐོག་གིས་བཅགས་པའི་ཤིང་བཙུགས་ན། །དེ་མེ་འབར་བར་མི་འགྱུར་ཏེ། །ཆང་བླུགས་སླར་ཡང་འབར་བར་འགྱུར། །ཟོང་ལ་གོང་བསྟན་སྔགས་བཟླས་ནས། །སྔོན་སྔགས་ཚོང་པ་རྣམས་བསྟན་པ། །
41b4 རྣལ་འབྱོར་པ་ཡིས་ཚོང་འགྲུབ་སྟེ། །ཚོང་པ་རྣམས་ལས་ཁེ་ཆེར་རྙེད། །ཆང་གི་ས་བོན་བྱེད་པ་ལ། །སྤྲེའུའི་མི་གཙང་བཅུག་གྱུར་ན། །ཆང་སྣོད་བཅས་པ་བརླག་པར་འགྱུར། །བ་ཀུ་ལས་བཀྲུས་སྤྱད་དུ་རུང་། །བ་ཀུ་ལ་ཡི་ཆུས་བཀྲུས་ན། །བྱིས་པ་མ་མས་བླངས་ནས་ནི། །
41b5 འབྱུང་པོ་སྐྲ་ཡིས་བདུག་བྱས་ན། །ངུར་སྨྲིག་བསྐོན་པས་སོས་པར་འགྱུར། །བྱིས་པ་ནུ་ཞོ་འཐུངས་སྐྱུགས་ན། །རྨ་བྱའི་སྒྲོ་བསྲེགས་ཐལ་བ་ཡིས། །མགུལ་པ་བཅིངས་པ་བྱས་ན་ནི། །སྦྱོར་བ་མཆོག་གིས་སླར་སོས་འགྱུར། །ཡད་ཀ་བ་ཀ་ནི་ཆོ་ག་དང་། །ལྡན་པའི་ཞ་ཉེ་བྱང
41b6 དུ་སྐོ་བྱས་ནས། །ཁ་ཡི་ནང་དུ་བཅུག་ནས་འདུག་ན་ནི། །འཆིང་དང་མཚོན་ཆ་མི་བྱམས་པ་ལས་ཐར། །ཀྵ་མ་ར་ཡ་ཡི་གེ་རྣམས་དང་ལྡན། །ཡི་གེ་ཀུན་ཀྱང་ཨེ་ཡིས་བརྒྱན་པ་ལ། །ཡང་དག་ཀ་བ་ཀ་ཡི་མཐའ་མར་ནི། །སྒོ་ང་བཞི་དང་ཚད་གསུམ་གཉིས་གཉིས་སྦྱིན། །དན་ཏིལ
41b7 ཨུཏྤལ་ས་ར་པུ་ཀ་དང་། །ནི་ཚུ་ལ་དང་གི་རི་ཀར་ཎི་ཆུས། །ལན་བདུན་བར་དུ་བཀྲུས་པའི་ཞ་ཉེ་ཡིས། །བྱང་བུ་ལ་ནི་བློ་དང་ལྡན་པས་བྲི། །ཤིང་སྒྲོག་ལྕགས་སྒྲོག་ཁྲི་མོན་གཡུལ་ངོ་རུ། །མཚོན་ཆའི་ཆར་འབབ་པ་དང་གཞན་དག་ནི། །ཞེ་སྡང་བ་དག་ངེས་པར་འཇོམས་བྱེད་པར། །རྒྱུད
iiif viewer powered by OpenSeadragon
