| e-texts navigator |
| Wylie |
30a1 བདེ་བ་བསྐྱེད་ཅིང་ངོ་མཚར་ཆེ་གྱུར་གང་། །མགོན་པོ་ཚོགས་ཀྱི་ཚིག་དབང་འདི་ཐོས་ནས། །ཉིད་ཀྱི་དབང་དུ་བྱེད་པའི་གསང་སྔགས་གསུངས། །སྔགས་ཀྱི་རྒྱལ་པོ་བུད་མེད་ཀུན་ཐོས་པས། །མཐར་ཐུག་སངས་རྒྱས་བདེ་བ་དུ་མ་འབྱུང་། །རྡོ་རྗེ་རེག་པས་ཁམས་ཀྱང
30a2 འཛག་པར་འགྱུར། །ཟུར་གྱིས་ལྟ་བར་བྱེད་པས་ལྟ་བྱེད་ཅིང་། །རྐང་པ་དག་ཀྱང་ས་ལ་གྱ་ཚོམ་འདོར། །འདོད་ཆགས་ཤིན་ཏུ་བདེ་བས་ཁུ་འབབ་ཚེ། །འདི་ལྟར་མཐོང་ནས་ལྷ་ཡི་བུ་མོ་ལ། །འགྲོ་བ་དབང་བྱེད་ཀུ་རུ་ཀུལླེའི་སྔགས། །རས་རིས་བྲི་དང་གསང་སྔགས་བསྒྲུབ་པའི་ཕྱིར། །དུས་ལ་བབ
30a3 པའི་ཚིག་འདི་མགོན་སྨྲོས་ཞེས། །དེ་ལྟར་བཅོམ་ལྡན་འཇིག་རྟེན་མགོན་པོས་གསུངས། །དེ་ཚེ་འཇིག་རྟེན་དབང་ཕྱུག་ལས་རྣམས་རབ་ཏུ་གསུངས། །ཀུ་རུ་ཀུལླེའི་རི་མོའི་ལུགས། །གང་ཞིག་བྲིས་པ་ཙམ་གྱིས་ནི། །སྒྲུབ་པ་པོ་ཡིས་འབྲས་ཐོབ་པ། །དེ་ནས་ཡང་དག་བཤད་པར་བྱ། །རི
30a4 མོ་མཁན་ནི་གང་ཞིག་གིས། །ཚེས་གྲངས་གང་དང་དུས་གང་ལ། །སྒྲོལ་མ་འབྱུང་ལས་བཤད་པ་བཞིན། །དེ་ནི་བདག་གིས་བཤད་པར་བྱ། །རི་མོ་མཁན་ནི་གང་ཞིག་གིས། །གང་གི་མིག་ནི་དམར་འགྱུར་ཞིང་། །ལག་པ་དེ་བཞིན་རྐང་པ་དམར། །བྱ་ཡི་མིག་ཅན་ཨེ་ནྱའི་རྐང་། །
30a5 དེས་ནི་སྒྲོལ་མ་བྲི་བར་བྱ། །དཔྱིད་ཀྱི་ཟླ་བ་དང་པོ་ཡི། །མྱ་ངན་མེད་པའི་ཚེས་བརྒྱད་ཉིན། །ཐུན་ནི་ཕྱེད་དང་གཉིས་པ་ལ། །སྒྲོལ་མའི་མིག་ནི་བྲི་བར་བྱ། །མངར་གསུམ་བཟའ་ཞིང་ཉ་ལ་སོགས། །ཤ་དང་ཆང་ཡང་སྤང་བར་བྱ། །དམར་པོའི་གོས་ཀྱང་རྟག་ཏུ་བགོ། །དམར་པོའི་དྲི་ཡིས་རྟག་ཏུ
30a6 བྱུག་། བྱམས་པའི་སེམས་ནི་བསྐྱེད་བྱས་ལ། །ཐོ་རངས་ཁྲུས་བྱས་བསངས་ནས་སུ། །ལན་གསུམ་གོས་ནི་བརྗེས་ནས་སུ། །དབང་དུ་བྱེད་མ་ཡང་དག་བྲི། །ཞལ་གཅིག་མིག་ནི་ཡངས་པ་དང་། །ཕྱག་བཞི་མ་ལ་གུར་གུམ་མདོག་།བཅུ་དྲུག་ལོ་ལོན་སྒེག་བཅས་འདྲ། །བུད
30a7 མེད་སྒྱུ་མས་རྒྱགས་པ་བྲི། །གཞོན་ནུ་མ་དམར་སེར་མོས་བྱས་པའི་སྐུད་པ་ལས་རས་བྱས་ལ། དེ་དང་ཐགས་མཁན་གཉིས་ཀ་ཟན་དང་འོ་མ་བཟའ་བར་བྱ་ཞིང་། དེ་ནས་པདྨའི་གདན་ལ་སྟོད་གཡོགས་དམར་པོའི་གོས་དང་བཅས་པས་རིན་པོ་ཆེའི་རྣ་ཆ་དང་། རིན་པོ་ཆེའི་ཅོད་པན་དང་།
iiif viewer powered by OpenSeadragon
