| e-texts navigator |
| Wylie |
286b1 །རྒྱ་གར་སྐད་དུ། ས་མཱ་ཛ་པ་ར་མཱ་རྠ་སརྦ་ཀ་རྨོད་ཡ་ནཱ་མ་ཏཱ་རཱ་ཡོ་གི་ནཱི་ཏནྟྲ་རཱ་ཛ། བོད་སྐད་དུ། ཕྲིན་ལས་ཐམས་ཅད་འབྱུང་བའི་སྒྲོལ་མང་འདུས་པ་དོན་དམ་པ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ། སྒྲོལ་མ་ལ་ཕྱག་འཚལ་ལོ། །དེ་ནས་དངོས་གྲུབ
286b2 ཐམས་ཅད་ནི། །རབ་ཏུ་སྒྲུབ་བྱེད་བཤད་པར་བྱ། །བུད་མེད་བྱེ་བ་ཕྲག་བརྒྱ་ཡང་། །བདག་ལ་དད་པས་འདུད་པར་བྱེད། །ལྷ་དང་ལྷ་མིན་རིག་འཛིན་དང་། །མི་ཡི་གཙོ་བོ་དབང་དུ་བྱེད། །ཉི་མ་ཟླ་བ་དང་མཚུངས་ཤིང་། །མཁའ་ལྡིང་རྒྱལ་པོས་རྣམ་པར་འདུད། །ཀླུ་རྣམས་སྡིགས
286b3 པར་བྱེད་པ་དང་། །མིད་ང་མི་མིན་གང་གི་ཡང་། །བུ་མོ་ཐམས་ཅད་འཛག་བྱེད་པ། །སྐྱེས་པ་གཅིག་གིས་འདོད་ཆེན་གྱིས། །མི་ཡི་བུ་མོ་ཁྲི་ཕྲག་དང་། །ཉིན་རེ་ལྷ་དང་ལྷ་མིན་མོ། །བུད་མེད་འབུམ་ཕྲག་ཟིལ་གནོན་པ། །ཁུ་བར་རེངས་བའི་བྱེད་པ་ལས། །གཅིག་གིས
286b4 ཐམས་ཅད་འདོད་སྤྱོད་པ། །རྡོ་རྗེར་བྱེད་པ་རབ་ཏུ་བཤད། །འཇིགས་པ་ཀུན་ལས་ཐར་པ་དང་། །བསྐལ་བ་ཆེན་པོར་ཚེ་ཡང་གནས། །མཁའ་ལ་འགྲོ་དང་མི་སྣང་དང་། །རི་ལུ་ལ་སོགས་རིག་འཛིན་དང་། །བཅུད་ཀྱི་ལེན་དང་གནོན་སྦྱིན་མོ། །རབ་ཏུ་སྒྲུབ་བྱེད་སྔགས་ཆེན་པོ། །
286b5 ཁག་ཁྲིག་བཅུ་གཉིས་མཁའ་འགྲོ་མ། །འབྱུང་པོ་བྱེ་བ་མཐུ་ཆེན་དང་། །གྲོང་འཁྱེར་གསུམ་འཛོམས་ཚངས་སོགས་ལྷ། །མངག་གཞུག་ཉིད་དུ་བྱེད་པར་འགྱུར། །འདས་པའི་དུས་ན་རྡོ་རྗེ་ཅན། །སངས་རྒྱས་དབུགས་དབྱུང་དཀྱིལ་འཁོར་སྤྲུལ། །བདེ་མཆོག་བདེ་མཆོག
286b6 དགོས་རྡོ་རྗེ། །ཡིད་བདེ་ཐིགས་ལེ་ལ་སོགས་བསྟན། །འབུམ་ཕྲག་བརྒྱ་བ་སྒྲོལ་མ་ཡི། །སྔགས་ཀྱི་རྒྱལ་པོ་སྔོན་བཤད་པ། །རྫོགས་ལྡན་དུས་སུ་མི་རྣམས་སྤྱོད། །དེ་ནས་འབུམ་ཕྲག་དྲུག་པ་བཤད། །དེ་ཡང་ནུབ་ནས་ཁྲི་གཉིས་སྤྱོད། །ཕྱི་མའི་དུས་སུ་བཤད་པ
286b7 ཡིན། །དེ་ཡི་སྙིང་པོ་རྩོད་དུས་འདིར། །གཡོན་པས་སྤྱོད་པས་རྣམས་སྤྱོད་པས། །ངེས་བརྗོད་འབུམ་གྱི་རྗེས་འབྲང་བ། །སླར་ཡང་རྒྱུད་འདི་སྣང་བ་འགྱུར། །ངེས་པ་འདོད་ཆགས་ཆགས་ཆེན་འདིས། །འདོད་ལྡན་རྣམས་ལ་བྱང་ཆུབ་སྟེར། །སངས་རྒྱས་ཕྲིན
iiif viewer powered by OpenSeadragon
286a -