| e-texts navigator |
| Wylie |
156b1 ཐོབ་འགྱུར་བས། །སེམས་ཅན་སངས་རྒྱས་མི་མཉམ་མཉམ། །བསྒྲུབ་བྱ་སུ་ཡིན་སྒྲུབ་པོ་གང་། །སྒྲུབ་པའི་དབང་པོ་བདག་ཉིད་ཆེ། །སངས་རྒྱས་ཐམས་ཅད་གསོད་པ་ཡིས། །ཇི་ལྟར་སྡིག་པས་གོས་མི་འགྱུར། །གལ་ཏེ་གོས་འགྱུར་འབྲས་བུ་གང་། །དེ་ནས་དེ་བཞིན་གཤེགས་པ་དེ
156b2 དག་ཐམས་ཅད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ལ་ལེགས་སོ་ལེགས་སོ་ཞེས་བྱ་བ་བྱིན་ཏེ། སེམས་དཔའ་ཆེན་པོ་ལེགས་སོ་ལེགས། །བདག་ཉིད་ཆེན་པོ་ལེགས་སོ་ལེགས། །གསུང་དབྱངས་ཆེན་པོ་ལེགས་སོ་ལེགས། །མཆོད་པ་ཆེན་པོ་ལེགས་སོ་ལེགས། །སློབ་དཔོན
156b3 བྱང་ཆུབ་རྡོ་རྗེ་ཅན། །དཔལ་ལྡན་སངས་རྒྱས་ཀུན་གྱི་བདག་།དངོས་རྣམས་ཐམས་ཅད་སྒྱུ་མ་བཞིན། །སྐྱེད་དང་སྡུད་པར་མཛད་པ་པོ། །དེས་ན་དེ་ཡི་སྡིག་མི་འགྱུར། །བསོད་ནམས་དག་ཀྱང་དེ་བཞིན་ནོ། །གང་ལ་སྡིག་དང་བསོད་ནམས་མེད། །དེ་ནི་བྱང་ཆུབ་ཡིན་པར་གསུངས། །མགོན་པོ་དེ
156b4 ཡི་སླུ་བ་ཡིས། །ལུས་ཅན་ཐམས་ཅད་འཇིག་མཛད་ཅིང་། །ངན་འགྲོར་སྐྱེ་བར་མི་འགྱུར་ཞིང་། །བྱང་ཆུབ་ཀྱང་ནི་རྙེད་མི་དཀའ། །སྔོན་ནི་མི་བཟད་ལས་བྱས་པས། །གལ་ཏེ་དམྱལ་བ་རྣམས་སུ་ནི། །སྐྱེ་བོ་སྐྱེ་འགྱུར་དེ་རྣམས་ཀྱི། །དམྱལ་བ་རྣམས་ཀྱི་འབྲས་བུ་ཆེ། །བྱང་ཆུབ་རྡོ་རྗེས་བསྒྲུབ
156b5 བྱ་འདི། །ཡེ་ཤེས་ཀྱིས་ནི་རྒྱས་བཏབ་པས། །སེམས་ཅན་རྣམས་ལ་སྦྱོར་བ་དེས། །མཆོག་ཏུ་ཕན་བཏགས་ཤེས་པར་བྱ། །ཚར་གཅོད་པ་དང་རྗེས་བཟུང་ལས། །བདག་ཉིད་ཆེན་པོ་དེ་ཡིས་བྱ། །སྒྲུབ་པ་ཆེན་པོའི་མཐར་ཐུག་པར། །བྱས་ནས་ལས་རྣམས་བརྩམ་པར་བྱ། །དེ་ནས་བྱང་ཆུབ་སེམས
156b6 དཔའ་སེམས་དཔའ་ཆེན་པོ་དེ་རྣམས་རྡོ་རྗེ་ཅན་ཐམས་ཅད་ཀྱི་ཐུགས་རྗེ་ཆེན་པོའི་ཚུལ་གྱིས་ཆོས་ཐོས་པས་དགའ་ཞིང་རབ་ཏུ་དགའ་ལ་མགུ་བའི་ཡིད་ཀྱིས་ལེགས་སོ་ཞེས་བྱ་བ་གསོལ་ཏེ། མགོན་པོ་ཆེན་པོ་ལེགས་སོ་ལེགས། །ཐུབ་པ་ཆེན་པོ་ལེགས་སོ་ལེགས། །ཆོས་རྣམས་ཆེན་པོ་ལེགས་སོ་ལེགས། །ཐུགས
156b7 རྗེ་ཆེན་པོ་ལེགས་སོ་ལེགས། །ེ་མའོ་ཀུན་དུ་བཟང་པོ་ཡི། །ཐུགས་རྗེ་ཆེན་པོ་དྲི་མ་མེད། །གདུག་པའི་མི་བཟད་ལས་ཀྱིས་ཀྱང་། །སངས་རྒྱས་ཉིད་ཀྱི་འབྲས་བུ་སྩོལ། །དེ་ནས་དེ་བཞིན་གཤེགས་པ་དེ་དག་ཐམས་ཅད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ལ་འདི་སྐད
iiif viewer powered by OpenSeadragon
