| e-texts navigator |
| Wylie |
151b1 བསམ་ཅི་ཡང་མེད། །མཉམ་པར་མ་བཞག་སྦྱོར་བ་ཡིས། །རྟག་པ་ཉིད་དུ་མཉམ་པར་འཇོག་།གང་གིས་སེམས་ཀུན་ལ་སྤྱོད་པ། །ཀུན་དུ་སྤྱོད་པ་ཞེས་བཤད་དོ། །དབང་པོ་དང་ནི་ཡུལ་རྣམས་ཀྱི། །རྐྱེན་གྱིས་གང་དང་གང་བྱུང་ཡིད། །ཡིད་དེ་མན་ཞེས་བྱ་བར་བཤད། །
151b2 ཏྲ་ནི་སྐྱོབ་པར་བྱེད་པའི་དོན། །འཇིག་རྟེན་སྤྱོད་ལས་རྣམ་གྲོལ་བར། །གང་བཤད་དམ་ཚིག་སྡོམ་པ་སྟེ། །རྡོ་རྗེ་ཀུན་གྱིས་བསྲུངས་པ་ནི། །སྔགས་ཀྱི་སྤྱོད་པ་ཞེས་བཤད་དོ། །རང་རང་གི་ནི་ངོ་བོ་ཉིད། །སྙིང་པོ་ཡིད་ཀྱིས་རྣམ་བསམས་ཏེ། །གསང་སྔགས
151b3 ཟློས་པའི་དབྱེ་བ་ཡིས། །ཟློས་པར་བྱེད་ཅིང་སྤྲོ་ཞིང་བསྡུ། །སངས་རྒྱས་སྣ་ཚོགས་རྡོ་རྗེའི་བདག་།ཡེ་ཤེས་ས་བོན་དག་གིས་བསྡུ། །བྱང་ཆུབ་བདག་མེད་ས་བོན་གྱིས། །བརྟུལ་ཞུགས་ཅན་གྱིས་བདག་མེད་གཟུང་། །སྣ་ཚོགས་བཞིན་དུ་སྣ་ཚོགས་སྤྲོ། །དུས
151b4 གསུམ་ས་བོན་དག་གིས་བཟླ། །བཟླས་པ་སྨྲ་བར་གྲགས་བས་ན། །ངག་ཀུན་བཟླས་པ་ཞེས་བཤད་ལ། །སྔགས་ཀུན་འབོད་པ་ཞེས་བཤད་དེ། །དེ་ཉིད་བསྐུལ་བར་སྨྲ་བའོ། །ཇི་ལྟར་ཐུགས་སོགས་བྱིན་རློབ་པ། །ཏིང་ངེ་འཛིན་ཀྱང་དེ་བཞིན་ནོ། །དེ་རྣམས
151b5 སྤྱི་བོར་དབང་བསྐུར་དང་། །དེ་བཞིན་ཀུན་དུ་མཆོད་པའོ། །རྡོ་རྗེ་འཆང་བ་གང་ཡིན་པའི། །རིག་པ་ཡོད་པའི་སྦྱོར་བ་དང་། །བདག་བྱིན་བརླབ་སོགས་དེ་བཞིན་ཏེ། །དེ་ཡི་ལོངས་སྤྱོད་བཞིར་ཤེས་བྱ། །དཔའ་བོ་རྡོ་རྗེ་གཅིག་པུ་ཡི། །སྤྱི་བོར་དབང་བསྐུར་རེ་རེ
151b6 སྟེ། །སྙིང་པོ་ཕྱག་རྒྱ་སྔགས་ཙམ་དང་། ང་རིགས་རིམ་གྱིས་རྒྱས་གདབ་པའོ། །འབྲས་བུས་རྒྱུ་ནི་རྒྱས་གདབ་ཅིང་། །རྒྱུ་ཡིས་འབྲས་བུ་རྒྱས་གདབ་པར། །བསྒོམ་གྱི་གཞན་དུ་དངོས་གྲུབ་ནི། །བསྐལ་པ་བྱེ་བར་འབྱུང་མི་འགྱུར། །ལོངས་སྤྱོད་བཞི་དང་ཡང
151b7 དག་ལྡན། །རིག་པའི་སྐྱེས་བུ་རྡོ་རྗེ་ཅན། །སྐུ་གསུང་ཐུགས་ཀྱི་དབྱེ་བ་ཡིས། །གྲུ་གསུམ་དུ་ནི་རྣམ་པར་བསྒོམ། །ཀུན་ནས་སེར་བའི་འཁོར་ལོ་ནི། །རྩིབས་བཅུ་དེ་དབུས་རྣམ་པར་བསྒོམ། །རྩིབས་ཀུན་ལ་ནི་ཁྲོ་བོ་བཅུ། །ཡེ་ཤེས་བདག་ཉིད་བཅུ་ལས་བྱུང་། །
iiif viewer powered by OpenSeadragon
