| e-texts navigator |
| Wylie |
151a1 བརྗོད་དུ་མེད་དང་རྟོག་བྲལ་བ། །སངས་རྒྱས་བྱང་ཆུབ་ཡེ་ཤེས་འདི། །ཤེས་ན་བདེ་བ་ཐོབ་པར་འགྱུར། །གཏི་མུག་གཏི་མུག་ལོངས་སྤྱོད་པས། །གཏི་མུག་ཟད་ཕྱིར་གཤིན་རྗེ་གཤེད། །དེས་ན་ལུས་མཐར་བྱེད་པ་སྟེ། །དེས་ན་ཤེས་བྱ་མཐར་བྱེད་འགྱུར། །
151a2 ཉེས་པ་ཉེས་པ་ལོངས་སྤྱོད་པས། །ཉེས་པ་ཟད་ཕྱིར་ཤེས་མཐར་བྱེད། །དེས་ན་སེམས་ནི་མཐར་བྱེད་དེ། །དེས་ན་ཉོན་མོངས་མཐར་བྱེད་འགྱུར། །འདོད་ཆགས་འདོད་ཆགས་ལོངས་སྤྱོད་པས། །འདོད་ཆགས་ཟད་པས་པད་མཐར་བྱེད། །དེས་ན་ཆགས་པ་མཐར་བྱེད
151a3 དེ། །དེ་བཞིན་སྙོམས་འཇུག་མཐར་བྱེད་འགྱུར། །ཉོན་མོངས་ཀུན་ཟད་གང་ཡིན་དང་། །དེ་བཞིན་ལས་ནི་ཐམས་ཅད་ཟད། །སྒྲིབ་པ་ཀུན་ཟད་ཡེ་ཤེས་ནི། །བགེགས་མཐར་བྱེད་ཅེས་བྱ་བར་བཤད། །ཉོན་མོངས་རྡོ་རྗེའི་སྒྲིབ་དག་ན། །ལས་རྣམས་ཐམས་ཅད་རྣམ
151a4 པར་དག་། ལས་རྣམས་ཐམས་ཅད་རྣམ་དག་པས། །ལས་སྐྱེས་འབྲས་བུ་རྣམ་དག་འགྱུར། །གཟུང་དང་ཆགས་པ་ཉིད་དང་ནི། །རྣམ་པ་དེ་བཞིན་མི་གཡོ་དང་། །རྒྱུ་ཉིད་འབྲས་བུ་ཉིད་དག་སྟེ། །དྲུག་ལས་ཐུགས་ནི་ཀུན་དུ་འབྱུང་། །འདོད་པའི་རྒྱལ་པོ་ལ་སོགས་དྲུག་།
151a5 ཁྲོ་བོའི་དབང་པོར་རྣམ་པར་གྲགས། །དམ་ཚིག་རྡོ་རྗེ་ལ་སོགས་དྲུག་།ས་ལ་སོགས་པ་རྣམ་པ་ལྔ། །འབྱུང་དང་འབྱུང་ལས་གྱུར་པར་གྲགས། །རིག་པའི་རྒྱལ་པོར་ཞེས་བཤད་དོ། །གཟུགས་ཀྱི་རྡོ་རྗེ་ལ་སོགས་དྲུག་།རྡོ་རྗེའི་བདག་པོ་ཞེས་བཤད་དོ། །
151a6 སྐུ་གསུང་ཐུགས་ཀྱི་རྡོ་རྗེ་ལས། །བདག་ཉིད་ཆེན་པོ་ཀུན་དུ་འབྱུང་། །ཐབས་དང་ཤེས་རབ་ལས་བྱང་བའི། །ཕུང་པོ་ཁམས་དང་སྐྱེ་མཆེད་གཟུགས། །རྫོགས་པའི་རིམ་པའི་སྦྱོར་བ་ཡིས། །སྔགས་པས་སྦྱོར་བ་ངེས་བྱས་ལ། །ཐམས་ཅད་དག་པར་མོས་པ
151a7 ཡིས། །འཇིགས་པ་ཐམས་ཅད་སྤངས་ནས་སུ། །དོགས་པ་མེད་པའི་སེམས་ཀྱིས་ནི། །སྔགས་པས་སེང་གེ་བཞིན་དུ་སྤྱོད། །འདི་ལ་མི་བྱ་ཅི་ཡང་མེད། །དེ་བཞིན་མི་བཟའང་ཡོད་མ་ཡིན། །སྨྲ་བར་མི་བྱ་ཅུང་ཟད་མེད། །རྟག་ཏུ་མི
iiif viewer powered by OpenSeadragon
