| e-texts navigator |
| Wylie |
150b1 བར་བཤད། །རིགས་ནི་རྒྱུད་ཅེས་བྱ་བར་བཤད། །རྒྱུད་ནི་ཐོག་མ་ཞེས་བརྗོད་དེ། །མི་འཇིགས་སྐྱེ་བ་མེད་གང་ཡིན། །མགོན་པོ་དེ་ནི་ཡིན་པར་བཤད། །རྒྱུ་འབྲས་གཉིས་ལ་སྡང་བས་ན། །རྣམ་ཤེས་ཞེ་སྡང་ཡིན་པར་བཤད། །བེམས་པོ་བཅིངས་པའི་རང་བཞིན
150b2 པས། །གཟུགས་ནི་གཏི་མུག་ཅེས་བྱར་བཤད། །བདག་ཏུ་རློམ་པའི་ངོ་བོ་བས། །ཚོར་བ་དྲེགས་པ་ཡིན་པར་བཤད། །དངོས་ལ་ཆགས་པའི་མཚན་ཉིད་ཅན། །འདུ་ཤེས་ཡང་དག་ཆགས་བདག་ཉིད། །རྒྱན་གྱིས་དྲང་བའི་བདག་ཉིད་ཅན། །འདུ་བྱེད
150b3 རྟག་ཏུ་ཕྲག་དོག་ཡིན། །བྱང་ཆུབ་སེམས་ཀྱི་ངོ་བོ་ཉིད། །སྲིད་པ་ཀུན་འབྱུང་ཐམས་ཅད་དུ། །འདོད་ཆགས་ཞེ་སྡང་རྨོངས་ལྡན་པའི། །སེམས་ནི་འདོད་པ་ཞེས་བྱར་བཤད། །དམ་ཚིག་སྣ་ཚོགས་འདྲ་བ་ཡིན། །མངོན་ཕྱོགས་ལས་ལས་སྐྱེས་འབྲས་བུ། །
150b4 གཉིས་མེད་ཡེ་ཤེས་ཆོས་རྣམས་ལ། །ང་རྒྱལ་བྱེད་པ་རྨོངས་ཞེས་བཤད། །དེ་ལ་ཕན་ཚུན་འཛེར་བ་ནི། །ཞེ་སྡང་ཞེས་ནི་བྱ་བར་བཤད། །མཚན་ཉིད་འདོད་ཆགས་ཞེན་པ་ཡིན། །ཡེ་ཤེས་ཐབས་ནི་རྡོ་རྗེར་བཤད། །དགའ་བ་རྫོགས་པའི་ལོངས་སྤྱོད་མཆོག་།བུད
150b5 མེད་བདེ་མཆོག་ཕུན་སུམ་ཚོགས། །གཏི་མུག་ཞེ་སྡང་འདོད་ཆགས་དང་། །རྡོ་རྗེ་ལ་དགའ་རྟག་པར་གནས། །དེས་ན་སངས་རྒྱས་རྣམས་ཀྱི་ཐབས། །རྡོ་རྗེ་ཐེག་པ་ཞེས་བཤད་དོ། །མི་འཇིག་བདག་ཉིད་ཆོས་རྣམས་ནི། །མ་སྐྱེས་པ་ཡི་ངོ་བོ་ཉིད། །དངོས་པོ
150b6 ཀུན་གྱི་དམ་ཚིག་སྟེ། །དེ་ཉིད་གཤིན་རྗེ་མཐར་བྱེད་དོ། །རྣམ་ཤེས་མིན་བདག་ཆོས་རྣམས་ནི། །དོན་དམ་མི་འགྱུར་དག་གྱུར་ཏེ། །སེམས་ཀུན་གྱི་ནི་དམ་ཚིག་སྟེ། །ད་ནས་རྒྱལ་བ་ཤེས་མཐར་བྱེད། །བརྗོད་མེད་བདག་ཉིད་ཆོས་རྣམས་ནི། །མིང་དང་གཟུགས་བློ
150b7 དངོས་པོ་མེད། །ཆོས་རྣམས་ཀུན་གྱི་དམ་ཚིག་སྟེ། །དེས་ན་ཁྱབ་བདག་པད་མཐར་བྱེད། །མི་རྟོག་བདག་ཉིད་ཆོས་རྣམས་ནི། །རང་བཞིན་གྱིས་ནི་ཞི་བའི་དངོས། །རྡོ་རྗེ་ཀུན་གྱི་དམ་ཚིག་སྟེ། །དེས་ན་གཙོ་བོ་བགེགས་མཐར་བྱེད། །མི་འཇིག་རྣམ་པར་མི་ཤེས་པ།
iiif viewer powered by OpenSeadragon
