| e-texts navigator |
| Wylie |
149a1 ཛི་ཀ་ནི་གང་། །དེ་ལ་རདྣ་དྷྲྀཀ་ནི་གང་། །དེ་བཞིན་ཨཱ་རོ་ལི་ཀ་ནི་ཅི། །པྲཛྙཱ་དྷྲི་ཀ་ཅེས་གང་ལ་བགྱི། །རིགས་འདིར་དེ་བཞིན་གང་ཞིག་ལགས། །མོ་ཧ་ཞེས་ནི་གང་ལ་བགྱི། །དྭེ་ཥ་ཞེས་བྱ་འདིར་གང་ལགས། །རཱ་ག་ཞེས་ནི་ཅི་ལ་བགྱི། །བཛྲ་སྔགས་ནི་གང་ལ་བགྱི། །ར་ཏི
149a2 ཞེས་འདིར་གང་ལ་བགྱི། །ཕུན་སུམ་ཚོགས་པ་གང་ཞིག་ལགས། །ཡ་མཱནྟྭ་ཀྲྀ་ཏ་དོན་ནི་གང་། །དེ་བཞིན་པྲཛྙཱནྟ་ཀྲྀ་ཏ་ཅི། །པད་མཱནྟ་ཀྲྀ་ཏ་མིང་ཅི་ལྟ། །དེ་བཞིན་བིགྷྣཱཏྣ་ཀྲྀ་ཏ་ཅི། །ཀུན་དུ་སྤྱོད་པ་གང་ཅི་ལགས། །དེ་བཞིན་སྔགས་ཀྱི་སྤྱོད་པ་གང་། །འདིར་ནི་བཟླས་པ་གང་ཞིག་ལགས།
149a3 རྒྱས་བཏབ་པ་ཞེས་གང་ལ་བགྱི། །ཆོས་འབྱུང་བ་ནི་ཇི་ལྟར་བསྒོམ། །དེ་བཞིན་སྡོམ་པ་ཇི་ལྟ་བུ། །ཞེ་སྡང་གཏི་མུག་འདོད་ཆགས་ཆོས། །སེམས་ཅན་དོན་མཛད་ཇི་ལྟ་བུ། །དཀྱིལ་འཁོར་ཞེས་ནི་གང་ལ་བགྱི། །ཕྱག་རྒྱའི་དགོད་པ་ཇི་ལྟར་ལགས། །འདིར་ནི་མེ་ཏོག་ཅི་ཞིག་ལགས།
149a4 མཆོད་རྟེན་ཞེས་ནི་གང་ལ་བཤད། །ཡེ་ཤེས་འཁོར་ལོ་ཇི་ལྟར་ཞེས། །འདིར་ནི་གནས་ཤེས་གང་ལ་བཤད། །མགོན་པོ་བསྐུལ་བ་ཇི་ལྟ་བུ། །གཏོང་བ་དག་ཀྱང་ཇི་ལྟ་བུ། །ཇི་ལྟར་དེ་རྣམས་སྤྱན་དྲང་བགྱི། །བཅིང་བ་འདིར་ནི་ཇི་ལྟ་བུ། །དབང་བསྐུར་བ་ནི་ཇི་ལྟར་སྩལ། །དེ་བཞིན
149a5 རིག་པའི་བརྟུལ་ཞུགས་གང་། །བདུད་རྩི་ལྔ་རྣམས་ཅི་ལྟར་བཟའ། །དེ་བཞིན་དཔའ་བོ་ལྔ་གང་ལགས། །དངོས་གྲུབ་ཐ་མལ་ཇི་ལྟ་བུ། །དེ་བཞིན་མཆོག་ཀྱང་ཇི་ལྟ་བུ། །དེ་ལ་ཐབས་ནི་རྣམ་པ་དུ། །དེ་བཞིན་ཐབས་བྱུང་ཇི་ལྟ་བུ། །རྣལ་འབྱོར་རྡོ་རྗེ་ཅན་ཀུན་གྱི། །བཀའ་ནི་ཇི་ལྟར
149a6 བསྒོ་བར་བགྱི། །ལས་ཀྱི་མཆོག་གི་ཚོགས་རྣམས་ནི། །སྣ་ཚོགས་ཇི་ལྟར་བྱེད་པར་འགྱུར། །དེ་ནས་དེ་བཞིན་གཤེགས་པ་དེ་དག་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱིས་ཞུས་པའི་ཚིག་ཉེ་བར་གསན་ནས། བྱང་ཆུབ་སེམས་དཔའ་ཆེན་པོ་རྡོ་རྗེ་འཛིན་པ་ལ
149a7 དམིགས་པར་མཛད་ནས་སྐད་ཅིག་ཅང་མི་གསུང་བར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེ། །སྙིང་རྗེའི་བདག་ཉིད་རབ་དགའ་ནས། །རྫོགས་པའི་སངས་རྒྱས་བདེ་བར་གཤེགས། །མགོན་ལ་ཡང་དང་ཡང་རབ་བསྐུལ། །དེ་ནས་དེ་བཞིན་གཤེགས་པ་དེ་དག་ཐམས་ཅད་ཀྱིས་བྱང
iiif viewer powered by OpenSeadragon
